မောင်လေး ညီမလေးတို့ရေ …..
.
နူးတို့ ရှေးလူကြီးသူမတွေကလေ မိမိတို့ပတ်ဝန်းကျင်က သို့မဟုတ် မိမိတို့ရင်သွေး သမီး မိန်းခလေး တစ်ယောက်ဟာ ….
.
ဘုရားကိုဘုရားမှန်းမသိ
သံဃာကို သံဃာမှန်းမသိ
သာသနာကို စော်ကား ပုတ်ခတ်
ရိုသေ သင့်သူကို ရိုသေရမှန်းမသိ
မိဘမှန်းမသိ မိမိကိုယ်ကို မာန်တက် မောက်မာ ရိုင်းပြရင်
ဒီမိန်းခလေးကို ….. မာဂဏ္ဍီမ ….. လို့ ခေါ်လေ့ရှိကြတယ်။
.
နူးက မောင်လေး ညီမလေးတို့ကိုမာဂဏ္ဍီ အကြောင်း နဲ့ သူမယုတ်ညံ့စွာ သာသနာတော်ကို ဖျက်စီးနေတဲ့ကြားက တရားထူးရကုန်တဲ့ ရဟန္တာမြတ်တွေအကြောင်း စာပန်းချီ ချယ်ထား တာလေး တင်ပေး ချင်ပါတယ်။
ဖတ်ကည့်နော်။
.
.
အခန်း ( ၁ )
.
★ ဘယ်လို ဘယ်လို ….. ရဟန်းဂေါတမက ကောသမ္ဗီကိုကြွမယ် ဟုတ်လား …
.
★ ★ ဟုတ်ပါတယ် မိဖုရားကြီး ကောသမ္ဗီက သူဌေးကြီး ( ၃ ) ဦး ဖြစ်တဲ့ ….
ဃောသက သူဌေး လှူဒါန်းမယ့် ဃောသိတာရုံ ကျောင်းတိုက်
ကုက္ကုဋ သူဌေး လှူဒါန်းမယ့် ကုက္ကုဋာရုံ ကျောင်းတိုက်
ပါဝါရိက သူဌေး လှူဒါန်းမယ် ပါဝါရိကာရုံ ကျောင်းတိုက်
.
တို့ကို လက်ခံပြီး ရဟန်းဂေါတမက သူ့ရဲ့န၀မမြောက်ဝါကို ကောသမ္ဗီမှာ ဆိုမယ်လို့ပြောပါတယ် မိဖုရားကြီး ….
.
★ အဟင်းဟင်း ….
နောက်ဆုံးတော့ မဟာဗြဟ္မာကြီးက ဟောဒီက မာဂဏ္ဍီရဲ့ ဆန္ဒကို ဖြည့်ဆည်းပေးလိုက်တာပဲ ။
.
ရဟန်းဂေါတမ … ရဟန်းဂေါတမ
အသင်က ကျွနုပ်ကို ငြင်းပယ်ခဲ့တယ် ။
အသင့်ရဲ့ ခြေထေက်နဲ့တောင်ထိဘို့ရွံတယ်လို့ ပြောခဲ့တယ် ( လိုရာဆွဲပြီလေ )
.
ဟော အခုတော့ အသင်က ငါအုပ်ချုပ်တဲ့ တိုင်းပြည်မှာ လာအလှူခံ တောင်းရမ်း စားသောက် မယ်ပေါ့ ။
.
ဒီနေ့တော့ သင့်ကို လက်စားချေဘို့ မဟာဗြဟ္မာကြီးက ကျွန်ုပ်ကို အခွင့်အရေးပေးလိုက်ပြီ ။
ဒီနေ့ကစပြီး ရဟန်းဂေါတမ အသင် ငါ့အကြောင်းကို ကောင်းကောင်းကြီးသိစေရမယ်။
ငါ့ခြေထောက်အောက်မှာ တိုးလျှိုးဝပ်စင်းပြီး ငါ့ကိုတောင်းပန်စေရမယ် ရှင်ဂေါတမ ။
ဒီလိုမှ မာဂဏ္ဍီက ကျေနပ်နိုင်မယ် ….
.
.
မာဂဏ္ဍီ…. .
.
မာဂဏ္ဍ္ဏီဆို တာ ဘုရားရှင်လက်ထက်တော်အခါက ကုရုတိုင်းက သိပ်ချော သိပ်လှတဲ့ မာဂဏ္ဍီပုဏ္ဏားနဲ့ ပုဏ္ဏေးမကြီးရဲ့ သမီးလေးပေါ့။
( သူမဟာ မာနထန် လှသလို အလှဂုဏ်မောက် ပြီး မိဘတွေအပေါ်တောင် ရံခါ မောက်မာစွာ ပြောဆိုတတ်သတဲ့ )
.
ပုဏ္ဏားကြီး ဟာ သူ့သမီးလေးဟာ အမျိုးမြတ်လွန်း လှလွန်းလို့ ဘုရင်တွေနဲ့တောင် မတူ မတန်ဘူး စကြံဝတေးမင်းလို မြင့်မြတ်သူနဲ့သာ တန်တယ်လို့ယူဆပြီး တစ်တိုင်းဝင် တစ်တိုင်း ထွက် သမီးအတွက် အမျိုးမြတ်သူခင်ပွန်းကို ပတ်ရှာနေ သတဲ့ ။
.
ဒီလိုနဲ့ တစ်နေ့မှာ ၀ံသတိုင်း ကောသမ္ဗီမြို့ အနီးတောအုပ်မှာ စကြံဝတေးမင်းလို မြင့်မြတ်တဲ့ ယောက်ျားမြတ်တစ်ယောက်ရဲ့ ခြေရာကိုတွေ့ပြီး။
( တစ်ကယ်တော့ ဘုရားရှင်က မာဂဏ္ဍီပုဏ္ဏားကြီး ဇနှီးမောင်နှံတို့ရဲ့ အရဟတ္တဖိုလ်ရကြောင်း ရှေးကောင်းမှုကိုမြင်လို့ ပုဏ္ဏားကြီး အပြန်လမ်းခရီးမှာ စောင့်နေတာပါ )
.
မိန်းမနဲ့ သမီးကို အပြေးပြန်ခေါ်ပြီး လမ်းခရီးမှာ ဘုရားရှင်ရဲ့ခြေရာကိုပြတော့ ပုဏ္ဏေးမကြီးက
ပုဏ္ဏားကြီး သင်ဟာ အလွန်မိုက်မဲသူပဲ ….
ဒီခြေရာဟာ ကာမဂုဏ် ခံစားတဲ့သူရဲ့ ခြေရာမဟုတ်ဘူး၊
ရာဂများသူ၏ ခြေရာသည် အလယ်က မထိဘဲ ရှိတတ်၏။
ဒေါသများသူ၏ ခြေရာသည် ဖနောင့်တွင်းရာ နက်နေတတ်၏။
မောဟ များသူ၏ ခြေရာသည် ဒရွတ်တိုက် ဆွဲသကဲ့သို့ရှိတတ် ၏ ….
လို့ ကျမ်းစာတွေမှာလာတာ အသင်လည်း သိတာပဲ
ယခုတွေ့မြင်ရတဲ့ ခြေရာက ကိလေသာ ကုန်ပြီးသူရဲ့ ခြေရာသာ ဖြစ်တယ် ပုဏ္ဏားကြီး ….
လို့ပြောပြီး ဟိုဟို ဒီဒီကြည့်တဲ့အခါမှာ ဆွမ်းခံကြွရာကပြန်လာတဲ့ ဘုရားရှင်ကို တွေ့ကြတယ်။
.
မာဂဏ္ဍီပုဏ္ဏားကြီးဟာ မြတ်စွာဘုရားရှင်ထံချည်းကပ်ပြီး ….
ဤကမ္ဘာလောက၌ ငါ့သမီးနှင့် ရုပ်ရည်အဆင်းတူညီသော ငါ့သမီးနှင့်ထိုက်တန်သောသူသည်
မရှိ၊ သင်၏ ရုပ်ရည်အဆင်းသည် ချောမောလှပ လှပေသည်။ ငါ့သမီးကို သင့်အား လုပ်ကျွေး ပြုစုရန် ပေးလိုပါသည် လက်ခံပါလို့ ပြောသတဲ့ ……
.
ဒီအခါ မှာ ဘုရားရှင်က ….
အသင်ပုဏ္ဏား ငါ သူတစ်ပါး ယောက်ျား မိန်းမ တိရစ္ဆာန် စတဲ့ သတ္တ၀ါဟူသမျှတို့ဟာ ……
ပထ၀ီ တေဇော အာပေါ ၀ါရော အာကာသ ၀ိဥာဏ လို့ခေါ်တဲ့ မြေ ၊ရေ ၊ လေ ၊ မီး ၊ လေဟာနယ်၊ အသိ ၊ စတဲ့ ဓါတ် ၆ပါးအစုအဝေးသာဖြစ်တယ် လို့အစချီပြီး
.
ပထ၀ီ ဆိုတဲ့
ဆံပင် (ရုပ်) မွေးညှင်း (ရုပ်)၊ ခြေသည်း၊ လက်သည်း (ရုပ်)၊ သွား၊ အရေထူအရေပါး၊ အသား၊ အကြော၊ အရိုး၊ ရိုးတွင်းခြင်ဆီ၊ အညိ၊ နှလုံး၊ အသည်း။ အမြေး၊ အဖျန်း၊ အဆုတ်၊ အူသိမ်၊ အူမ၊ အစာအိမ်သစ်၊ အစာဟောင်း၊ စတဲ့ မြေဓါတ်အစု
.
တေဇောဆိုတဲ့
.
လောင်ကျွမ်းစေတတ် လောင်ကျွမ်းခြင်းသဘောရှိသော
ပူလောင်ကျွမ်း ဆွေးမြေ့ခြင်းသို့ ရောက် သော စားသောက်ဖွယ်ရာ ဟူသမျှတို့ကို ကောင်းစွာ ကျေညက်ခြင်းသို့ရောက်သော မီးဓါတ်
အစရှိတဲ့ ဓါတ် ( ၆ ) ပါး တရားတော်ကို ဟောတော်မူပြီး နောက်ဆုံးမှာတော့ ဘုရားရှင်က ….
.
ဒိသွာန တဏှံ အရတိံ ရဂဉ္စ။
နာဟောသိ ဆန္ဒော အပိ မေထုနသ္မိံ။
ကိမေဝိဒံ မုတ္တကရီသပုဏ္ဏံ၊
ပါဒါပိ နံ သမ္ဖုသိတုံ နဣစ္ဆေ။ (ခု၊ ၁၊ ၄၀၉)
.
★★★ ပုဏ္ဏားကြီး
ငါဟာ တဏှာ၊ အရတီ၊ ရဂါ ဟူသော မာရ်နတ်မင်း၏ သမီးတော် အရိ အရွဲ ကင်းတဲ့ နတ်သမီး သုံးပါးကို မြင်ရသော်လည်း မေထုန်အမှု၌ လိုလားတပ်မက်မှုဆန္ဒ မဖြစ်ခဲ့ပေ။
.
ကျင်ကြီး, ကျင်ငယ်တို့ဖြင့် ဖွဲ့စည်းအပ်သော အရိ အရွဲ အစုကို ဖုံးအုပ်ထားသည့် အတု ယောင် အဆင်းကို မြင်ရရုံမျှဖြင့် လိုလားတပ်မက်မှု အဘယ်မှာ ဖြစ်နိုင်လိမ့်မည်နည်း။
ထို အရိ အရွဲ အစုတို့ကို ခြေဖြင့် ထိရုံမျှပင် ငါအလိုမရှိ လို့ မိန့်တော်မူပါတယ်။
(ခု၊ ၁၊ မြန်မာပြန် - ၃၈၅ - ၃၈၆)
.
တရားဆုံးမှာ မာဂဏ္ဍီပုဏ္ဏားကြီး ဇနီးမောင်နှံဟာ အနာဂါမ်တွေအဖြစ်တည်သွားပြီး
သမီးကို ညီဖြစ်သူ ကောသမ္ဗီပြည်က ဥတေနမင်းကြီးရဲ့ အမတ်ကြီး စူဠမာဂဏ္ဍီ ထံအပ်တဲ့ကာ
တောထဲ ၀င် ကမ္မဌာန်းအားထုတ်ပြီး ရဟန္တာတွေ ဖြစ်သွားကြပါတယ်။
.
.
.အခန်း ( ၂ )
.
★ နှမတော်လေးက ခုတစ်လော နန်းတော်ထဲက မင်းတိုင်ပင်ပုဏ္ဏားကြီးတွေကို ချည်းကပ်ပြီး ဘာသာရေးလိုက်စားတာ တွေ့ရတော့ ငါကိုယ်တော် စိတ်ချမ်းသာရတယ် ။
.
★ ★ အဟင်း ….
.
အရှင်မင်းကြီးကသာ မိဖုရား ခေါင်ကြီး သာမာဝတီတစ်ပါးထဲကို အရိပ်တစ်ကြည့်ကြည့် မျက်စိထဲထားပေမယ့် ။
ဒီက မာဂဏ္ဍီက တော့ အရှင်မင်းကြီးကို မြတ်နိုးလွန်းလို့ ဦးရီးတော် စူဠ မာဂဏ္ဍီနဲ့ တိုင်ပင်ပြီး အရှင်မင်းကြီး စိတ်ချမ်းသာစေမယ့်
.
အရှင်မင်းကြီးရဲ့တိုင်းပြည်အေးချမ်းသာယာစေမယ့်အလုပ်တွေပဲ အချိန်ပြည့်လုပ်နေမိတဲ့ နှမပါ မောင်တော်မင်းကြီး ။
.
★ ဒါနဲ့ နှမတော် ရဟန်းဂေါတမရဲ့ ကျောင်းအနီးမှာ သိဉ္စည်းဆရာကြီးတွေရဲ့ ကျောင်းဆောက်တော့ ရဟန်း သာရိ ပုတ္တရာနဲ့ သံဃာ ( ၅၀၀ ) ကျုပ်ကိုတွေ့ခွင့်တောင်း ( ၃ ) ကြိမ်တောင်းခဲ့တယ်။
.
နှမတော် သဘောအတိုင်း ကျုပ်အတွေ့မခံပဲ အမတ်ကြီး မာဂဏ္ဍီနဲ့ လွဲပေးလိုက်တာ နှမတို့ တူဝရီးဘယ်လို အကြောင်းပြန်လိုက်ကြလို့ ထပ်မလာကြတော့တာလဲ …။
.
★ ★ အို … မောင်တော်ရယ် ။
မောင်တော့်တိုင်းပြည်က အနာတပိဏ် သူဌေးကြီး ( ၃ ) ယောက် ကိုးကွယ်တာနဲ့
ဒီနိုင်ငံကို သူ့ဘာသာက အပိုင်သိမ်းလို့ရမလား။
နိုင်ငံအုပ်ချုပ်နေတာ ရဟန်းဂေါတမ မှမဟုတ်တာပဲ ။
ဒါဟာ ဂေါတမ ၀ါဒကို မကိုးကွယ်တဲ့ အရှင်မင်းကြီးကိုပါ မထီမဲ့မြင်ပြုတာ မဟုတ်လား။
အရှင်မင်းကြီးကိုးကွယ်တဲ့ ဗြဟ္မဏ ၀ါဒ သာလျှင် ကြီးစိုးရမှာမဟုတ်လား။
ဒါကြောင့် နှမတော်က ဦးရီးတော်ကို ဒီလိုဖြေရှင်းခိုင်းလိုက်တယ်။
.
★ ★ ကောသမ္ဗီသည် တိုင်းကြီး ( ၁၆ ) တိုင်းတွင် အင်အားအကြီးဆုံး ကောသလ တိုင်းနှင့် မဂဓတေိုင်း အကြား မှာတည်ရှိပြီး
တိုင်းကြီး ( ၂ ) တိုင်းရဲ့ ကုန်သွယ်မှု အချက်အချကျတဲ့မြို့ ဖြစ်တဲ့ အားလျှော်စွာ။
.
လူမျိုးပေါင်းစုံ ဘာသာပေါင်းစုံ ကုန်သွယ်ဖြတ်သန်းရာ ကြားခံမြို့ဖြစ်တဲ့အတွက် ကောသမ္ဗီတွင် ဘယ်ဘာသာဝင်မဆို တန်းတူညီမျှ အခွင့်အရေူး ရခွင့်ရှိတယ်။
.
ဒါကြောင့် ရဟန်းဂေါတမနဲ့ နောက်လိုက်ရဟန်းတွေဟာ မိမိကျောင်အာရာမ် ကလွဲလို့ မိမိမပိုင်တဲ့နေရာမှာ ဘာမဆောက်ရ ဘာမလုပ်ရ တားပိုင်ခွင့်မရှိဘူး။
မိမိတို့လို ကျန်တဲ့ဘာသာတွေလည်း တန်းတူ ရဟန်းဂေါတမကျောင်းနဲ့ ကပ်လျှက် ပင်ဖြစ်လင့်ကစား သူတို့ပိုင်တဲ့မြေမှာ ကျောင်ဆောက်လုပ်ခွင့်ရှိတယ် ဒါဟာ ကောသမ္ဗီကို အုပ်ချုပ်တဲ့ ဘုရင်မင်းမြတ်ရဲ့အလိုတော်ပဲ လို့ အကြောင်းပြန် လိုက်ပါတယ်မင်းကြီး။
.
★ နှမတော်လေးဟာ ငယ်ရွယ်သလောက် ဥာဏ်ထက်မြက်လှတယ်။ ငါကိုယ်တော် အရ တော်လေစွနှမတော်။ တိုးပြီး ချစ်ခင်ရပါတယ် ။
.
.
ဥတေနမင်း ….
.
ဥတေန မင်းကတော့ ကောသမ္ဗိပြည့်ရှင် ဘုရင်ဖြစ်ပါတယ်။
သူ့မှာမိဖုရား ( ၃ ) ပါးရှိပါတယ်။
ထပမဆုံးမိဖုရားခေါင်ကြီးကကတော့ ဝါသုလ ဒတ္တာပါ ဥဇ္ဇေနီပြည် စန္ဒပဇ္ဇောတာမင်း၏ သမီးဖြစ်ပြီး ။
ဥတေန မင်းကို စန္ဒပဇောတာမင်းက သုံ့ပန်းအဖြစ် ဖမ်းခေါ်လာစဉ် ။ ဥတေနမင်းက သူ့သမီးတော်ကို … ငါ့ကို သင့်ဖခင်လက်က လွတ်အောင်လုပ်ပေးသော် မိဖုရားခေါင်ကြီးအရာ အပ်နှင်းပါ့မယ် ဆိုတဲ့ ကတိနဲ့ ယူခဲ့ရသူ။
.
ဒုတ်ိယ မိဖုးရားခေါင်ကြီးကတော့ သာမာဝတီ ပါ။
ဃောသက သူဌေးရဲ့ မွေးစားသမီး ( ဘဒ္ဒိယမြို့ ဘဒ္ဒ၀တီ သူဌေးကြီးရဲ့သမီး ) ဖြစ်ပြီး ။
တစ်နေ့မှာ သာမာဝတီ သတို့သမီးက နောက်လိုက် ( ၅၀၀ ) နဲ့ရေချိုးဆိပ်ဆင်းတဲ့အချိန်
ဥတေနမင်းကြီးက တွေ့မြင်ပြီး နှစ်ဦးလုံး မြင်မြင်ချင်း ချစ်ခင်စွဲမက်ကာ ဃောသက သူဌေးထံ တောင်းယူလျှက် မိဖုရားခေါင်ကြီးအဖြစ် တင်မြှောက်ထားသူပါ။
ဘုရင်မင်းမြတ်ဟာ သာမာဝတီကို သူ့အသက်လို မြတ်နိုးချစ်ခင်ပါသတဲ့ ။
.
နောက်တစ်ယောက်ကတော့ လှလွန်းလို့ ဘုရင်နဲ့သာထိုက်တန်တဲ့အတွက် ( မာဂဏ္ဍီကိုယ်တိုင် ဘုရားရှင်ကိုလက်စားချေချင်လို့ ဘုရင်ဆီ ဆက်သခိုင်းတဲ့ ) စူဠမာဂဏ္ဍီ အမတ်ကြီး လာဆက်သတဲ့ မိဖုရားငယ် မာဂဏ္ဍီတို့ပါ။
.
ကောသမ္ဗီပြည်ဟာ စီးပွားကူသန်းရာ ကြားခံနယ်ဖြစ်တဲ့အတွက် အခွန် အတုတ် အများကြီး ရပါတယ်။
ပွဲစားနိုင်ငံ ဘုရင်ပီသစွာ ဘုရင်ကိုယ်တိုင်က ငွေပေးရင် ဘာမဆို လက်ခံပါတယ်။
.
ဒါကြောင်းလည်း သိဉ္ဇည်းဆရာကြီးတွေထံက ငွေအသပြာ တစ်သိန်းလက်ခံပြီး ဘုရားရှင် ကျောင်းနဲ့ ကပ်လျှက် မြေမှာ တိတ္ထိတွေကို ကျောင်းဆောက်ခွင့် တိတ္ထိတွေနဲ့ အတူနေခွင့် ပေးခဲ့တာပေါ့။
.
.
★ ဗြဟ္မဏဆရာကြီးများ အခစားရောက်ရှိပါပြီ မိဖုရားကြီး …
.
★ မိဖုရားကြီး သက်တော် ရာကျော်ရှည်ပါစေ ….
.
★ ★ ကျောင်းဆောက် လုပ်ခြင်းရော ပြီးမြောက်ပြီလား ပုဏ္ဏားကြီးတို့ …
အနို့ နေပါအုန်း ဆရာကြီးတို့ရဲ့ ဒီပရိပိုဇ် အချော အလှလေးက ဘယ်သူလေးတုန်း သခင်မကို လျှောက်ပါအုန်း
.
★ သူလေးကတော့ မိဖုရားကြီးရဲ့ အကြံအစည်နဲ့ ဆန္ဒတွေကို ဖြည့်ဆည်းေးမယ့် သူလေးပါ အရှင်မဘုရား။
.
★ ★ ကောင်းလိုက်လေကွယ် …. ဒါနဲ့ သေသောက်ကျူးတွေကိုရော သခင်မပြောသလို လုပ်ခိုင်းရဲ့လား
.
★ မှန်လှပါ လုပ်ခိုင်းပြီးကြောင်းပါ သခင်မ ….
.
★ ★ အဟင်းဟင်း …
လူပရိတ်သတ် အလယ်မှာ ကျွန်ုပ်ကို ခြေဖြင့်တောင် မထိချင်ဘူးလို့ ပြောတဲ့ ရဟန်းဂေါတမ သင့်ကို လူတွေအားလုံးက ခြေဖြင့် ကန်ကျောက် ရိုက်နှက်ပြီး ညှင်းဆဲခံရတဲ့ အရှက်တစ်ကွဲ အကျိုးနည်းတဲ့ ဘ၀ကို ရောက်စေရမယ် ။….
သူမ တစ်ကိုယ်တည်း ကြိတ်ပြီး ပြုံးလိုက်တယ်…..
.
★ ★ မိန်းခလေး ဒီအနားကို တိုးလာစမ်း …. သင်လုပ်ရမယ့် အလုပ်က ဒီလို …. သင်ဟာ ဉာဥ့်သန်းခေါင်ကျော်တာနဲ့ ရဟန်းဂေါတမ ကျောင်းထဲကို ကျောင်းအနောက်ကနေ၀င်ပြီး …. #*%@!
နားလည်ပြီလား မိန်းခလေး ….
တစ်ကယ်လို့ အောင်မြင်ခဲ့ရင် သင့်ကို သခင်မရဲ့ အပါးတော်မြဲ အဖြစ် ထားပေးမယ်လို့် ကတိပေးတယ်
.
အခန်း ( ၃ )
.
★ ဟော ဃောသက သူဌေးကတော်ပါလား မြတ်စွာဘုရားကို အာရုံဆွမ်းလာကပ် တယ်ထင်ပါ့ …
.
★ ဟုတ်တာပေါ့ ညီမတော် ပါဝါရိက သခင်မရယ် လာ အတူသွားကြစို့ရဲ့ … ဟော ဟိုမှာ ကုက္ကုဋ သူဌေးကတော်လည်းလာနေတာပါလား။
.
★ ဒို့ညီအစ်မ သုံးယောက် ဆုံပြန်ပေါ့ အတူတူ အာရုံဆွမ်းကပ် ဘုရားရှင် အဆုံးအမတွေ ကို နာကြရအောင် …
.
★ ညီမတော်တို့ ကြည့်စမ်း ဘုရားရှင်ကျောင်းဝင်ထဲမှာ အမျိုးသမီး ရိပ်တစ်ခုတွေ့တယ် ။ ဘယ်သူများပါလိမ့်။
.
. ★ အို ….ဘုရား
အ၀တ်အစားတွေ ဖယိုဖယဲ မလုံမလဲနဲ့ ပရပိုဇ်မ တစ်ယောက်ပါလား ….
ဟဲ့ … ပုရပိုဇ်မ ရပ်စမ်း ညည်း အချိန်မတော်ကြီး ဘုရားရှင်ကျောင်းထဲဘာဝင်လုပ်တာတုန်း ….
.
★ ★ မပြောပါရစေနဲ့ …. ကျွန်မကြောက်လို့ပါ … သွားပါရစေနော် ။ ကျမထိုက်နဲ့ ကျွန်မကံပဲရှိပါစေတော့ …။
.
★ သခင်မ ဒီမိန်းခလေးကို မနေ့ညက တရားပွဲအပြီးမှာကျောင်းအနောက်ကနေ ကျောင်းထဲကို ကုတ်ကုတ် ကုတ်ကုတ်နဲ့ ၀င်လာတာ တွေ့မိတယ်သခင်မ ။
.
★ ဟုတ်လို့လားကွယ် …. ဘုရားရှင်နဲ့နောက်ပါရဟန်းတွေက ဒီလိုလုပ်မှာလား ။
.
ညဘက် တရားပွဲအပြီး ….
.
★ သခင်မ ဟိုမှာ ဟိုမှာ မှောင်ထဲမှာ သူမ၀င်လာပြီ ….
သူဌေးကတော် ( ၃ ) ယောက် သူ့ထက်ငါ လှမ်းကြည့်ကြတယ် ။
.
★ အိုး …… ဘုရားသ္ခင်ကယ်ပါ ။
မနက်ကတွေ့တဲ့ မိန်းခလေးပဲ။
တရာွး့ပွဲသိမ်း လူတွေပြန်ချိန်မှ သူဘာလာလုပ်တာပါလိမ့် ။
ပြန်ကြရအောင်ပါ ညီမတို့ ငတို့ မတွေးသင့်တာ မတွေးကြရအောင်ပါ။
.
.
နောက်တစ်နေ့ အာရုံတက် ….
.
★ ဟေ့ … မိန်းခလေး … မိန်းခလေး အခြွေအရံတို့ အဲ့ဒီမိန်းခလေးကို ခေါ်ခဲ့ကြစမ်း …..
.
မိန်းခလေး မင်း ညဘက်ဆို ကျောင်းထဲဝင်တယ် ။ မနက်ဖက်ဆို ပြန်ထွက်တယ် ကျောင်းထဲ နင်ဘာလုပ်တာလဲ
.
★★ အဟင့် အဟင့်
.
★မငိုနဲ့မိန်းခလေး မင်းအ၀တ်အစားတွေ အရင်လုံခြုံအောင်ဖုံး ပြီးရင် မင်းကိုဘယ်သူ အကြပ်ကိုင် စော်ကားနေသလဲ သခင်မတို့ကိုပြောပြ နော်။ သခင်မတို့ ကူညီနိုင်တာဆို ကူညီမယ်။
.
★★ မပြောပါရစေနဲ့ရှင် ။
သူဌေးကတော်တို့ ကျမကို မြင်တယ်ဆိုတာသိတာနဲ သူတို့ ကျမကို သတ်ကြလိမ့်မယ်။
ကျမသွားပါရစေ … သွားခွင့်ပြုပါ။
ကျမကြောက်တယ် ကျမကြောက်တယ် အဟင့် အဟင့်
.
★ အိုး မဟာဗြဟ္မာကြီးကယ်ပါ …. မဟုတ်ပါစေနဲ့။
ဒါအမှန်မဟုတ်ပါစေနဲ့ ….
.
ဒီလိုနဲ့ …….
.
နံနက် အာရုံတက်တိုင်းတွေ့လာဖန်များတော့ သူဌေးကတော် ( ၃ ) ယောက်လည်း ဘုရားရှင် နဲ့ သံဃာတွေအပေါ် သံသယ ၀င်စပြုလာတယ်….။
.
တစ်နေ့မှာတော့ ပါဝါရိက သူဌေးမရဲ့စံအိမ်က ကျွန်တစ်ယောက် ဈေးကနေ သတင်းတစ်ခုကြားလာခဲ့တယ်။
.
★ သခင်မ သခင်မ … သခင်မရေ ….
.
★★ ဟဲ့ …ရေးကြီးသုတ်ပြာနဲ့ ဘယ်လိုဖြစ်လာရတာတုန်း ….
.
★ ကိုယ်ကျိုးတွေတော့နည်းကုန်ပါပြီ သခင်မရယ် ….
ဟို မနက်တိုင်း ဘုရားရှင်ကျောင်းက အ၀တ် ဖယို ဖရဲနဲ့ ထွက်လာတဲ့ ပရိပိုဇ်မလေးလေ … သူကို သတ်လိုက်ကြပြီး သူသေပြီ သခင်မ သူသေပြီ
သူ့အလောင်းကို ကျောင်းဘေးက မြောင်းထဲမှာမြှုတ်ထားလိုက်ကြတယ်။
.
သိဉ္ဇည်းဆရာကြီးတွေက သူတို့ပရိဗိုဇ်မလေး ပျောက်လို့ ရှာမတွေ့တာနဲ့ ဘုရင်ကို အကူအညီတောင်း …. ဘုရင်အမိန့်နဲ့ ဘုရားရှင်ကျောင်းဝင်းထဲဝင်ရှာတာ မှာ ကျောင်းအပြင် မြောင်းထဲမှာ တွေ့သွားတာ ။
.
★★ အို … ဘုရား ဘုရား ဘုရား …. သနားစရာ ခလေးမလေးပါလား …. သခင်မကို ရေလေး တစ်ခွက် မြန်မြန်ပေးစမ်းကွယ် … ရင်တုန်လိုက်တာ။
.
★ ခုဆိုရင် ဂေါတမ ရဟန်း ရဲ့ ကျောင်းအပြင်မှာ ပရပိုဇ်တွေနဲ့ တိုင်းသူပြည်သားတွေ အော်ဟစ် ဆဲဆို ရန်ြ့ပုနေကြတယ် သခင်မ …
.
မြို့ထဲဆွမ်းခံထွက်တဲ့ရဟန်းတွေကိုလည်း ခဲတွေနဲ့ဝိုင်းပေါက်ကြတာ သွေးအလိမ်းလိမ်းနဲ့ … သခင်မ ။
.
★★ ဟင်း …. သူတို့တစ်ကယ်သတ်တာ အမှန်ဆိုရင် …
ဒါမှမဟုတ် သူတို့ သတ်တာ မဟုတ်ခဲ့ရင် ….
အား….. သခင်မ မသိတော့ဘူး ခြံတံခါးတွေသာ အလုံပိတ်ထား လိုက်တော့။
အမှန်တရား မပေါ်မချင်း ဘယ်သူ့ကိုမှ ဆွမ်းမလောင်းရဘူး။
.
အခန်း ( ၄ )
.
★ ဘုန်းတော်ကြီးမြတ်တော်မူသော မြတ်စွာဘုရား ….
.ဤအရပ်ဒေသမှ လူများသည် အလွန်ပဲရိုင်းစိုင်းလှပါသည်။
.
ဤအရပ်ဒေသသို့စတင်ခြေချသည့်နေ့ကစပြီး သေသောက်ကျူးတို့သည် ဘုရားရှင် နှင့်တစ်ကွ ရဟန်းသံဃာတို့ကို တွေ့တဲ့နေရာတိုင်းဆဲရေးကြပါသည်။
ခဲများဖြင့် ပေါက်ကြပါသည်။
.
တဖန် တိတ္ထိတို့သည် ဘုရင်ကို တန်စိုးလက်ဆောင်ပေးပြီး တပည့်တော်တို့ စံရာ ကျောင်းနှင့် ကပ်လျှက် စင်ပြိုင် ကျောင်း ဆောက်ကြပြန်ပါသည် ။
ဒါတင်မက တိတ္ထိများသည် ရဟန်းသံဃာများကို တစ်ချိန်လုံးရန်စ ပြောင်လှောင် ပုတ်ခတ် နေခဲ့ကြပါသည်။
.
ယ္ခုပြသနာသည် အကြီးမားဆုံးပြသနာဖြစ်ပါသည်။
ဘယ်လိုမှ ဖြေရှင်း၍ရမည် မထင်ပါ ။
ရည်ရွယ်ချက်ရှိရှိ ဘုရင်နှင့် တမင်ပူပေါင်းလုပ်ဆောင်တဲ့အတွက် တပည့်တော်တို့ ပြိုလဲရန်သာ ရှိပါ တော့သည်။
.
မကြာခင်မှာ ရှင်ဘုရင်က ထို သူသတ်မှု အတွက် တပည့်တော်တို့ကို ဖမ်းကောင်း ဖမ်းနိုင်တဲ့အတွက် ဒီမြို့ကို စွန့်ခွာကြရအောင်ပါဘုရား ။
တပည့်တော်ရိုသေစွာလျှောက်တင်တာ ( ၃ ) ကြိမ်ထိထိရှိပါပြီဘုရား ။
.
★ ★ ★ အာနန္ဒာ၊ ဒီအရပ်က ဆဲရေးလို့ တခြားအရပ်သို့ သွားလျှင်၊ ထိုအရပ်က လူတွေကကော ဆဲရေးကြလျှင် ဘယ်အရပ်သို့သွားမည်နည်း
တဖန် ထိုအရပ်က ဆဲရေးပြန်လျှင်လည်း ဘယ်အရပ်သို့ သွားမည်နည်း
နောက်ဆုံး သွာစရာမြေမရှိသည့်တိုင်း ပြောင်းရွှေ့နေမည်လော အာနန္ဒာ
အာနန္ဒာ ဒီနေရာက ဆဲရေးလို့ တခြားအရပ်သို့ ပြောင်းရွှေ့သွားဖို့ရန် မလိုပေ၊
ဒီနေရာမှာဖြစ်တဲ့ ကိစ္စကို ဒီနေရာမှာပဲ ရှင်းပြီး အဓိကရုဏ်းငြိမ်းမှ တခြားအရပ်သို့ သွားသင့်သည်။
.
★ ★ ★ အာနန္ဒာ …..
အကျင့်ပျက်သူများ မကောင်းစကား ပြောဆိုနေမှု့ကို ကြံ့ကြံ့ခံနိုင်ဖို့လို အပ်သည်၊
ဆဲရေးတိုင်းထွားနေသူများသည် ခုနှစ်ရက်မျှသာ ဆဲရေးတိုင်းထွာနိုင်ကြလိမ့်မည်
ခုနှစ်ရက်လွန်သောအခါ မော၍ ရပ်သွားကြလိမ့်မည်။
အမှန်တရားသည် ပြသနာဖြစ်ရာနေရာမှာပဲရှိသည်။
ငါတို့ အချိန်ကို စောင့်သင့်ကြ ပေသည်။
.
ဒီအရပ်မှာပဲ အထိကရုန်းပြီး ပြသနာ ပြေလည်တဲ့အထိ ငါနေမည်။
.
ဒုတိယပိုင်း …..
.
ကိလေသာမကုန်သေးတဲ့ ပုထုဇဉ်ရဟန်းတွေ ဟာ ရှက်လွန်လွန်းလို့ ကျောင်းထဲက ကျောင်းပြင်ကို မထွက်ဝံ့ကြဘူး။
.
ကျောင်းပြင်ကိုဆွမ်းခံကြွတဲ့ရဟန်းတွေကိုတော့ ဆဲရေးတိုင်းထွာ ခဲများနဲ့ပေါက် အန္တရယ်ပေးကြတဲ့ အတွက် နောက်ဆုံးမှာ ကျောင်းထဲမှာပဲ စုပြီး အငတ်ခံနေကြရတော့တယ်။
.
မာဂဏ္ဏီကလည်း သူ့အကြံအထမြောက်သွားပြီး မကြာခင်အချိန်အတွင်းမှာ ဂေါတမ ဗုဒ္ဓနဲ့ နောက်ပါရဟန်းတွေကို အပြစ်ပေးတာတွေ့ရတော့မယ်ဆိုပြီး ကြိတ်ဝမ်းသာနေတာပေါ့။
.
ဒါပေမယ့် တစ်နေ့မှာ မာဂဏ္ဍီခဲလေသမျှ သဲရေကျတဲ့ အဖြစ်တစ်ခု ပေါ်လာခဲ့တယ် ။
.
မြို့ပြင် သေရည်တောမှာ သေသောက်ကျူးအချင်းချင်း အဝေမတည့်ပဲ ရန်တွေဖြစ်ပြီး ထိုးကြ ခုတ်ကြရင်းနဲ့ တိတ္ထိတွေက ငွေပေးပြီးခိုင်းတဲ့အတွက် ပုရပိုဇ်လေးကို သတ်လိုက်ကြတယ်ဆိုတဲ့ အဖြစ်မှန်ပေါ်သွားပြီး သူသတ်သမားများနဲ့ အတူ တိတ္ထိတွေလည်း မင်းဘေးကြောက်လို့ ထွက်ပြေး ကြတဲ့အတွက် တိတ္ထိတွေရဲ့ စခန်းက တစ်ခန်း ရပ်သွားတော့တယ်။
.
မာဂဏ္ဍီရဲ့ ဒေါသနဲ့ အာဃာတ ကတော့ ဘာပြောကောင်းမလဲ ….
ဘာမှကိုပြောမကောင်းတော့ဘူး …
.
။။။။။။။။။။။။။။။။။။။။။။။။။။။။။။။။။။။။။။။။။
သာမာဝတီမိဖုရားကြီး နန်းဆောင် ….
★ အရှင်မ ဘုရား ခါးကုန်းကြီး ခုဇ္ဇုတ္တရာ မိဖုရားကြီးကို ပန်းတော်များ ဆက်သဘို့ ရောက်နေပါပြီ ဘုရား ….
.
★ ★ မကျီစားကြပါနဲ့ ကွယ်တို့ရယ် …
ခမျာ အားငယ်နေရှာပါ့မယ်။ သူကိုယ်တိုင် လာဆက်တယ်လား …
ကဲကဲ ဥတ္တရာကို ရှေ့တော်ဝင်ဘို့ပြောလိုက် …
.
★ သခင်မ သက်တော်ရာကျော်ရှည်ပါစေ ….
သခင်မ နန်းဆောင် အလှဆင်ဘို့ပန်းများရောက်ပါပြီ ဘုရား။
.
★ ★ အိုး…. ဒီနေ့ မင်းယူလာတဲ့ ပန်းတွေက အခါတိုင်းနဲ့မတူ များလှပါလားကွယ်။ ဒီလောက်များတဲ့ ပန်းတွေ သခင်မကို တစ်ယောက်ယောက်များ အကြုံပါးလိုက်သလားဥတ္တရာ ….
.
★ အရှင်မ ထားရင်လည်း နေရပါမယ် ။သတ်ရင်လည်းသေပါရစေဘုရား ။ အမှန်အတိုင်း ၀န်ခံ ပါရစေတော့ သခင်မဘုရား။
.
ဘုန်းတော်ကြီးတော်မူလှသော အရှင်မင်းကြီးက သခင်မကို နေ့စဉ် အသပြာ ၈စ တန်ဘိုးရှိတဲ့ ပန်းတော် ဆက်သဘို့ တာဝန်ပေးခဲ့ပါတယ်။
သို့ပေမယ့်လည်း မိုက်မဲလှတဲ့ ယုတ်ညံ့သူ အကျွန်မဟာ အသပြာ ၄-စ ဘိုးသာ နေ့စဉ်ဝယ်ယူ ဆက်သပြီး ကျန်တဲ့ အသပြာ ၄-စကို ခိုးဝှက်သိမ်းဆည်းခဲ့ပါတယ်။
.
ဒါပေမယ့် ဒီနေ့မှာတော့ သုမနသူဌေးထံ ပန်းများသွားအ၀ယ်မှာ
အမှတ်မထင် သုမနသူဌေးရဲ့ ဆွမ်းအလှူပွဲနဲ့ကြိုကြိုက်ပြီး ဂေါတမ ဘုရားရှင်ရဲ့တရားကိုနာယူခဲ့ရပါတယ် သခင်မဘုရား။
.
တရားနာအပြီးမှာ အကျွန်မရဲ့ စိတ်နှလုံး အေးချမ်းမှုကိုရရှိခဲ့ပါတယ်။
အကျွန်မ ကိုယ်တိုင် အလင်းတစ်ခုကို မြင်တွေ့ပိုင်ဆိုင်ခဲ့ပါတယ်။
အကျွန်မထံမှာလိုချင်တပ်မက်စိတ်ဆိုတာ မြူတစ် မှုံစာ မျှပင်မရှိတော့တဲ့အတွက် အပြစ်ကို ၀န်ခံပြီး ဟောဒီ အကျွန်မ ခိုးယူထားတဲ့ ငွေတွေကိုလည်း သခင်မ ထံ ကိုယ်တိုင်အပ်နှံလိုတဲ့ အတွက် ခုလိုရောက်ရှိလာတာပါဘုရား။
.
★ ★ ဂေါတမ မြတ်စွာဘုရားရှင် … ဟုတ်လား ဥတ္တရာ …
ဒီအသံကြားရယုံမျှလေးနဲ့ သခင်မရဲ့ နှလုံးသား ထဲမှာ ပီတိအဟုန်နဲ့ ဘာလို့ အေးချမ်းသွားရတာ ပါလိမ့် … ထူးဆန်းလှချည့် ဥတ္တရာ ….။
အသင့်ကိုလည်း အပြစ်မပေးဘူး။
အသင်ပြန်ပေးတဲ့ငွေတွေကိုလည်း မယူဘူးဥတ္တရာ ….
သခင်မ ကို အသင်နာကြားခဲ့ရတဲ့ အသင်ပြောတဲ့ ဂေါတမ ဘုရားရှင် ဟောတော် မူလိုက် တဲ့ တရားလေးပဲ ပြန်ဟောပြပါ ဥတ္တရာ။
ဥတ္တရာကို ပြောင်းလဲစေတဲ့ သခင်မစိတ်နှလုံးကို ပီတိအဟုန်ကြီးစွာပြစ်စေတဲ့ ဒီဂေါတမ ဘုရားရှင် ဆိုသူရဲ့ တရားကိုသာ သခင်မတို့ကိုပြန်ပြောပြပါဥတ္တရာ။
.
။။။။။။။။။။။။။။။။။။။။။။။။။။။။။။။။။။။။။။
.
★ ★ ★ ခုဇ္ဇုတ္တရာ
ခုဇ္ဇ + ဥတ္တရာ = ခါးကုန်းကြီး ဥတ္တရာ တဲ့
.
ဘုရားရှင်လက်ထက်တော်အခါက ကောသမ္ဗ္ဗီ ဟာ ပြသနာ အများဆုံး နဲ့ သာသနာ့ ဂုဏ်ဆောင် တွေ အထွန်းကားဆုံး တစ်ပြည်ထဲမှာ ကျောင်းတော်ကြီးသုံးခု နဲ့ သာသနာတော်လည်း အထူး ထွန်း ကားတဲ့ဒေသဖြစ်ခဲ့ပါတယ်။
.
ဗုဒ္ဓလက်ထက်တော်မှာ ….
ဧတဒဂ်ရာထူးရ ရဟန္တာ(၄၁) ပါးနဲ့ ဥပါသိကာအမျိုးသမီး (၁၀) ဦးအနက်
ကောသမ္ဗီမြို့မှ (၃) ဦးပါဝင်ခဲ့ပါတယ်။
.
★ တစ်ဦးက ကောသမ္ဗီသူဌေးကြီး၏သား အရှင်ဗာကုလရဟန္တာဖြစ်ပြီး အနာရောဂါကင်းရှင်းသည့် အရာဝယ် အသာဆုံး အမြတ်ဆုံး ဧတဒဂ်ရာထူးအပ်နှင်းခြင်း ခံရပါတယ်
သက်တော် (၁၆၀) ရှည်တော်မူပါတယ်။
.
★ နောက်တစ်ဦးက ဥတေနမင်းရဲ့ မိဖုရား သာမာဝတီပါ
.
★ နောက်တစ်ဦးကတော့ သာမာဝတီမိဖုရားရဲ့ အလုပ်အကျွေး ….
အမျိုးသမီးတို့၏ ဂုဏ်ဆောင်ဖြစ်သော တိပိဋကဓရ (ပိဋကတ်သုံးပုံဆောင်) ခုဇ္ဇုတ္တရာ အမျိုးသမီးပဲ ဖြစ်ပါတယ်။
.
သုမန သူဌေးထံမှာ ပန်းသွားဝယ်ရင်း ဘုရားရှင်ရဲ့တရားကို နာကြားရတဲ့အတွက် ဥတ္တရာဟာ သောတာပန်ဖြစ်သွားခဲ့ပါတယ်။
.
နန်းတော်ပြန်ရောက်တော့ ကိုယ်လက်သန့်စင် မြင့်မြတ်တဲ့နေရာမှာထိုင်ပြီး သာမာဝတီမိဖုရားနဲ့ အခြွေအရံ ( ၅၀၀ ) တို့ကို မိမိကြားနာခဲ့တဲ့ တရားကို ပြန်ဟောပြတဲ့အခါမှာ ပါရမီအဟုန်ကြောင့် သာမာဝတီမိဖုရားနဲ့နောက်လိုက် ၅၀၀ တို့ဟာနေရာမှာပဲ သောတာပန် အရိယာများဖြစ် သွားခဲ့ ပါတယ်။
.
ဥတေနဘုရင်ဟာသာသနာကို မကြည်ညို သေးသူဖြစ်တဲ့အတွက် သာနာဝတီနဲ့ ရံရွေ တော် ၅၀၀ ဟာ ဘုရားရှင်ဆီ နေ့စဉ် သွားရောက်တရားနာခွင့် မရကြဘူးရယ် …
.
ဒီအတွက် ခါးကုန်းကြီးဥတ္တရာဟာ ဘုရားရှင်ရှိရာကို နေ့စဉ် တရားသွားနာပြီး မြတ်စွာဘုရား ဟောကြားတော်မူတဲ့ တရားတော်တွေကို သာမာဝတီဦးဆောင်တဲ့ အခြွေအရံ ( ၅၀၀ ) တို့ကို ပြန်လည်ဟောကြားပေးရပါတယ်
။
ဒီလိုဟောကြားရင်း ရင်း ဥတ္တရာဟာ ပိဋက သုံးပုံ ဆောင်နိုင်သူဖြစ်လာခဲ့ပါတယ်။
.
မြတ်စွာဘုရားရှင်ကောသမ္ဗီမြို့တွင်း ဆွမ်းခံကြွရင်လည်း မိမိတို့နန်းဆောင် တံခါးများမှာ အပေါက်လေးတွေဖောက်ပြီး ဘုရားရှင်ကို ဖူးမြော် ကြည့်ညိုကြရတယ်။
.
ခုဇ္ဇုတ္တရာအမျိုးသမီးမှ သာမာဝတီအမှူးပြုတဲ့ မောင်းမ ( ၅၀၀ ) တို့ကို ပြန်လည် ဟောပြတဲ့ သုတ်တော်ပေါင်းက ( ၁၁၂ )သုတ် ရှိခဲ့ပြီး ။
.
ဒီတရာတော်ပေါင်း ( ၁၁၂ ) သုတ်ကို သင်္ဂါယနာတင် မထေရ်အရှင်မြတ်တို့က ဣတိဝုတ္တက ပါဠိတော်ဆိုတဲ့ နာမည်နဲ့ ( ၆ ) ကြိမ်တိုင်တိုင် သင်္ဂါယနာ တင်ခဲ့ကြပါတယ်။
.
ခုဇ္ဇုတ္တရာဟာ ဘုရားရှင် ရဲ့ အကြား အမြင် ဗဟုသုတ အများဆုံး ဧတဒဂ်ဘွဲရ ရဟန္တာမြတ် အဖြစ် ချီးမြှင့်ခြင်းခံရပါတယ်။
မာဂဏ္ဏီက အမတော်မိဖုရား သာမာဝတီဆီအသွား ဘုရားရှင်ဆွမ်းခံကြွချိန် ဖြစ်တော့ ဘုရားရှင် ကို ဖူးခွင့် ဘုရားရှင်ရဲ့တရားကို နာကြားခွင့် မရရှာတဲ့ သာမာဝတီ နဲ့ နောက်လိုက်တွေ ကလည်း ပြူတင်း က မျက်လုံးတစ်လုံးစာ အပေါက်လေးကနေ ချောင်းပြီး ဘုရားရှင်ကို ဖူးမြော် ကြည့်ညို နေတာကို မာဂဏ္ဏီမ တွေ့သွားပါလေရော
.
★ ဃောသက သူဌေးကမွေးစားလို့ လူလိုသူလို ဖြစ်လာတဲ့ လမ်းဘေးကသူဖုန်းစားမ ….
★ စုန်းအတတ်နဲ့ မောင်တော်ကို ညှို့ယူဖမ်းစားထားတဲ့ စုန်းမ ….
★ သင်းက ငါ့ရန်သူကို တိတ်တဆိတ်အားပေးနေတာကိုး … ရဟန်းဂေါတမ အစား သင့်ကိုလက်စားချေရမယ်။
ပြီးတော့ သင်းသာ မရှိရင် လောကမှာ မောင်တော်မင်းကြီး အမြတ်နိုးဆုံးသူဟာ မာဂဏ္ဏီပဲလေ။ သင်းမရှိမှအေးမယ်။
.
★ အရှင်မင်းကြီး … အရှင်မင်းကြီး ….
.
★ ★ ကြည့်စမ်း ရေးကြီးသုတ်ပြာ ပျာယီး ပျာယာနဲ့ လုပ်လာပြန်ပြီ နှမတော်လေးရယ် ။
ကဲ … ပြောပါအုန်း ဘာကိစ္စနဲ့ မောင်တော့်ကို လာတွေ့ရတာတုန်း ။
.
★ မောင်တော်မင်းကြီးရဲ့အသက် … မောင်တော်မင်းကြီးရဲ့နှလုံးသည်းပွတ် အစ်မတော် သာမာဝတီကလေ ….
အရှင်မင်းကြီးရဲ့ တစ်ပါး ပြင်ပမှာ လိုလားတောင့်တဲ့သူ ရှိနေပြီ ဘုရား။
.
★ ★ ဟား ဟား ဟား နှမတော်လေး ခလေးလိုပါလား ။ သင့်အမ သာမာဝတီက ကိုယ်တော့်အပေါ် သစ္စာတရားသိတ်ကြီးမားတာနှမလေးရဲ့။
.
★ မဟုတ်ဘူးမောင်တော် နှမတော်လေးကိုယုံပါ ။နှမတော်ကိုယ်တိုင် အခုပဲတွေ့လာတာ ။ သူ့နန်းဆောင် တံခါးပေါက်မှာ တစ်ပါးသူနဲ့ ချိန်းတွေ့ရအောင် အပေါက်လေးဖောက်ပြီး အဲ့ဒိအပေါက်ကနေ ချိန်းတွေ့နေတာ နှမတော်ကိုယ်တိုင်မြင်ခဲ့တာပါ ….
.
အရှင်မင်းကြီးကိုယ်တော်တိုင် သွားကြည့်ပါ သက်သေနဲ့တစ်ကွ တွေ့ရပါလိမ့်မယ်။ တစ်ချိန်မှာ မင်းကြီးအသက်ကိုပါရန်ရှာပြီး တစ်ပါးသူနဲ့ ထီးနန်းသိမ်းပိုက် ပျော်ပါးပါလိမ့်မယ်ဘုရား။
( မယုံပေမယ့် သက်သေရှိတယ်ဆိုတော့ ဘုရင်ပျာယာခတ်ပြီလေ … သူ့နှလုံးသားကိုး )
.
★ ★ ချစ်စွာသော သာမာဝတီ နှမတော် ….
နှမတော် နန်းဆောင်တံခါးမှာ အပေါက်ဖောက်ပြီး နံနက်တိုင်း ဒီအပေါက် ကနေ နှမတော်က ဘယ်သူနဲ့ဆက်သွယ်နေခဲ့တာလည်း နှမတော် ။
.
★ ★ ★ မောင်တော်မင်းကြီး …. နှမတော်ကို အပြစ်ပေးလည်း ခံဘို့အသင့်ပါဘုရား ။
တစ်နေ့မှာ နှမတော် နဲ့နောက်လိုက်တွေဟာ ခုဇ္ဇုတ္တရာထံကတစ်ဆင့် အရှင် ဂေါတမ ဟောကြားတော်မူတဲ့ တရားတော်ကို နာကြားရပြီးတဲ့နောက်မှာ
.
ဘုရားရှင်ကို ကြီးစွာသော ကြည်ညို ယုံကြည်ခြင်းဖြစ်မိပါတယ်။
အရှင်မင်းကြီးထံခွင့်တောင်း ချင်ပေမယ့် အရှင်မင်းကြီးနှလုံးမသာ မယာ ဖြစ်မှာစိုးရိမ်တဲ့အတွက် အရှင်မြတ် ဆွမ်းခံကြွချိန်လေး ဖြတ်သွားခိုက်မှာ တပည့်တော်နဲ့မောင်းမ - ၅၀၀ က ဒီအပေါက် လေးတွေ ကနေ နေ့စဉ် အရှင်မြတ်ကို လက်အုပ်ချီ ဖူးမြော်ကြည်ညိုမိခဲ့ပါတယ်မောင်တော်မင်းကြီး ။
.
အရှင်မင်းကြီး စိတ်ညိုတော်မူရင် ဖြင့် နှမတော်တစ်ယောက်ထဲကိုသာ အပြစ်ပေးပါဘုရား။
ကျန်တဲ့သူတွေမှာ အပြစ်မရှိပါဘူးဘုရား။
.
★ ★ အိုး …. ဒါဆိုနှမတော်က မောင်တော့်အပြင် တစ်ပါးသူအပေါ်စိတ်ညွှတ်နေတာမဟုတ်ဘူးပေါ့။
မောင်တော့်မှာစိတ်တွေပူလိုက်ရတာနှမတော်။
.
ဒါများနှမတော်ရယ် မောင်တော်က ခွင့်မပြုစရာမှမရှိပဲ ။
အခုပဲ မင်းချင်းတွေကိုခေါ်ပြီး ဂေါတမဗုဒ္ဓ ဆွမ်းခံကြွချိန် နှမတော်နဲ့နောက်လိုက်တွေ ဖူးမြော်ဘို့ လေသာဆောင်တွေ ဖောက်ခိုင်းလိုက်မယ်နှမတော်။
ဒီနေ့က စပြီး ဂေါတမ ဗုဒ္ဓနဲ့ နောက်လိုက် သံဃာတွေကို နှမတော်လွပ်လပ်စွာ ဖူးမြော်နိုင်ပါပြီ နှမတော်။ မောင်တော်ခွင့်ပြုတယ်။
.
★ ★ ★ အို …. တစ်ကယ်လားဟင် အရှင်မင်းကြီး …. ၀မ်းသာလိုက်တာမောင်တော်ရယ်။
.
★ ★ နှမတော် သာမာဝတီ စိတ်ချမ်းသာ ကြည်နူး နေတဲ့ မျက်နှာကို မြင်ရတာ ကျက်သရေရှိလိုက်တာ နှမတော်။ နှမတော်တစ်သက်လုံးစိတ်ချမ်းသာစေရပါ့မယ်။
အလုံးစုံပျက်သုဉ်းအောင် ဝေးအောင်လုပ်ကာမှ …. ရဟန်းဂေါတမက ပိုခိုင်မာလာပြီး
.
သာမာဝတီက မောင်တော်မင်းကြီးနဲ့ပိုနီးသွားပါလား။
★ ★ ညီမတော် အသေဆို တော်သေးတယ်ကွယ် အရှင်ဆိုရင် အမတော် မသတ်ဘူး ချစ်ညီမတော်။
ကြက်အရှင်တော့ ငတို့ လက်ဖျားနဲ့တောင် မထိနိုင်ပါဘူးလို့ မင်းကြီးကို လျှောက်လိုက်ပါ ညီမတော် …။
.
မာဂဏ္ဍီ့ အကြံအောင်ပေပြီ …
သွားပြီ ဘုရားရှင်နဲ့ သာမာဝတီ ညားကြရပြီ ….
ပထမအကြိမ်ဂုံးချောတာမအောင်မြင်တော့ မာဂဏ္ဍီက အရှင်မင်းကြီး အမတော် သာမာဝတီ ရဲ့အချစ်ကို နောက်တစ်ကြိမ် စမ်းပါရစေ နှမတော်ကို ခွင့်ပြုပါလို့လျှောက်ထားပြီး ….
.
တစ်နေ့မှာ ကြက်အသေ ၈ ကောင်ကို ယူဆောင်လာပြီး ဘုရင့်အမိန့်နဲ့ ကြက်ကို ချက် ဘုရားရှင်ထံ ဆွမ်းကပ်ခိုင်းတယ် ။
.
သာမာဝတီနဲ့နောက်ပါ အခြွေအရံတွေလည်း ပျော်မြူးစွာချက်ပြုတ် ကပ်လှူကြတယ်။ သာမာဝတီ ကလည်းမမောနိုင် မပမ်းနိုင် ချက်ပြုတ်ပြီးပျော်လို့ ။ဒီအပျော် ဘုရင့်ဆီတောင် ကူးဆက်ခဲ့တယ်။
.
ဒုတိယအကြိမ်မှာတော့ မာဂဏ္ဍီက ကြက်အရှင်ကို ယူဆောင်လာပြီး ဘုရင် အရက်နဲ့ ပွဲတော်တည်ဘို့ ချက်ခိုင်းတဲ့အခါ
သောတာပန် တည်ပြီးတဲ့သူတွေဖြစ်တဲ့အတွက် မသတ်နိုင်ပါလို့ ပြောလိုက်တာဖြစ်ပါတယ်။
အမတော် သာမာဝတီ အကြောင်းကို ဒီလောက်ဆို သဘောပေါက်သင့်ပြီထင်ပါတယ် ဘုရား။
ရဟန်းဂေါတမ အတွက် ကြက် ( ၈ ) ကောင် ချက်ပေးပါဆိုတော့ ချက်ချင်းပဲ တာဝန်ယူပြီး ကိုယ်တိုင် ချက်ပြုတ် ခဲ့တယ်။
.
ယ္ခု အရှင်မင်းကြီးပွဲတော်တည်ဘို့အတွက် ကြက်ချက်ခိုင်းတော့ ချက်ချင်းပဲ ခါးခါးသီးငြင်းပါယ်ခဲ့ ပါတယ်ဘုရား။
( ကြားထဲက ကြက် အသေနဲ့ အရှင်ကို သူမ ကုလားဖန်ထိုးခဲ့တာ မင်းကြီးမသိဘူး ရယ်)
.
ဒီလောက်ဆို အမတော်သာမာဝတီဟာ အရှင်မင်းကြီးထက် ရဟန်းဂေါတမအပေါ်မှာ အဘယ် မျှလောက်စိတ်ညွှတ်နေပြီဆိုတာ သိပြီထင်ပါတယ် အရှင်မင်းကြီး။
.
ဥတေနဘုရင်လည်း ဆိတ်ဆိတ်နေလျှက် မျက်နှာမကောင်းစွာ မိမိအဆောင်ထဲ ၀င်သွားခဲ့တယ် ။
အဲ့ဒိနေ့ ပွဲတော် မတည် တော့ဘူး။
.
★ အရှင်မင်းကြီး ဒီနေ့ညမှာ အရှင်မင်းကြီးဟာ အမတော် သာမာဝတီရဲ့အဆောင်ကို ကူးမှာဖြစ်တဲ့ အတွက် အစစ အရာရာသတိထားပါဘုရား
.
အမတော်ဟာ ဂေါတမ လူဖြစ်တဲ့ အပြင် ရဟန်းဂေါတမ အပေါ်မှာ စိတ်ညွှတ်နေတဲ့ အတွက် အချိန်မရွေး အရှင်မင်းကြီးရဲ့ အသက်ကို ရန်ပြုနိုင် ပါတယ်ဘုရား
တိုင်းပြည်မှာလည်း ရဟန်းဂေါတမရဲ့အင်အားက တစ်နေ့တစ်ခြား များပြားလာနေပါတယ်ဘုရား။
.
★ ★ စိတ်ချပါ နှမတော် ကျုပ်အတွက် စိတ်မပူပါနဲ့ ။
သာမာဝတီ မိဖုရားကြောင့် ငါကိုယ်တော်ရဲ့ အသက် အန္တရာယ် ထိခိုက်မယ်လို့ ငါကိုယ်တော် အခုထိ မယုံကြည်နိုင်ဘူး နှမတော်။
.
ဒီလိုနဲ့ ဥတေနမင်းကြီးဟာ မိဖုရား သာမာဝတီရဲ့အဆောင်မှာတစ်ပတ် စံမြန်းပြီး မာဂဏ္ဍီရဲ့ အဆောင်ကို ကူးလာတဲ့နေ့ ….
မာဂဏ္ဍီကလည်း မင်းကြီးကို နန်းဆောင်အ၀က ထွက်ကြိုပြီး မင်းကြီး ကိုယ်နဲ့မကွာ ယူဆောင် နေကျ ဆင်ချစ်တဲ့ စောင်းတော်ကို သယ်ပြီး နန်းဆောင်ထဲက မိမိသလွန် နားအရောက်မှာ
ဘုရင်ကြီးကို ….
အရှင်မင်းကြီး ဒီစောင်းထဲမှာအကောင် တစ်ကောင်ကောင် ရှိနေပုံရတယ်ဘုရား လို့ပြောပြီး စောင်းထည့်တဲ့ ကတ္တီပါအိတ်ကို ဖွင့်ပြီး သလွန်ပေါ်တင်လိုက်တယ်ဆိုရင်ပဲ …။
အရှင်မင်းကြီး ကယ်တော်မူပါ မြွေဟောက်ကြီး ဘုရား
မင်းကြီးကို ကာကွယ်ကြ မြွေဟောက်ကို သတ်ကြ ဆိုပြီး မာဂဏ္ဍီဟာ စောင်းကိုပစ်ပြီး ထွက်ပြေးတာပေါ့ ….
နန်းတော်တစ်ခုလုံး ငရဲပွက်တစ်မျှ ဆူညံကုန်တော့တယ်။
.
မာဂဏ္ဍီကလည်း မင်းကြီးရင်ခွင်မှာ တုန်ရီစွာ ငိုယိုပြီး သာမာဝတီဟာ နှမတော်ကို မမြင်လို မနာလိုဖြစ်ပြီး မင်းကြီးလဲသေအောင် နှမတော်လည်း ရာဇ၀တ်ဘေးသင့်အောင် အကောက်ကြံ ပါတယ် ဆိုပြီး ဂုန်းတိုက်တယ်။
.
ဒီတစ်ခါမှာတော့ ဥတေန မင်းကြီးရဲ့ သည်းခံမှု အတိုင်းအတာ လွန်သွားပြီပေါ့။
ဘုရင်ကြီးဟာ ဒေါသအမျက်ချောင်းချောင်းထွက်ပြီး ….
.
★ ★ သာမာဝတီ နဲ့တစ်ကွ နောက်ပါအခြွေအရံအားလုံးကို နန်းရင်ပြင် သူသတ်ကွင်းကိုခေါ် ဆောင်လာစေ …
သူတို့အားလုံးကို တိုင်တွေမှာ ချည်ပြီး လေးသည်တော် ၅၀၀ နဲ့တစ်ကွ ငါကိုယ်တော်တိုင် နေကွယ်တာနဲ့ ကွက်မျက်သုတ်သင်တော်မူမယ် …
လို့ အမိန့်ထုတ်ပြန်လိုက်တယ်
.
သာမာဝတီရဲ့ နန်းဆောင်မှာတော့ မိဖုရားသာမာဝတီက …
★ ★ ★ အချင်းတို့ မင်းကြီးသည် ကျွန်ုပ်အပါအ၀င် အသင်တို့ကို သတ်ရန်ခေါ်ချေပြီ ။
ဥပါယ်တမျှင်နဲ့ ဂုန်းတိုက်သူကြောင့် မင်းကြီးသည် မှားယွင်းတဲ့ဆုံးဖြတ်ချက်ကို ချမိခြင်း သာဖြစ်တယ်။
မောင်တော်မင်းကြီးဟာ သခင်မကို သူ့အသက်ထက်ပင် မြတ်နိုးတော်မူပေတယ်။
မောင်တော်မင်းကြီးမှာတင်မက လေးသည်တော်များမှာပါ အပြစ်မရှိပေ ။
.
ဒါကြောင့် ကျွန်ုပ်နှင့်တစ်ကွ အသင်တို့အားလုံးသည် မင်းကြီး နှင့် အားလုံးအပေါ်တွင် အမျက်မထွက်ကြပဲ သြဒိဿက မေတ္တာဖြင့် အဆက်မပြတ် မေတ္တာပို့ကြပါကုန်
မင်းကြီးနှင့်တစ်ကွ မင်းချင်းများအပေါ် အပြစ်မြူမှုန်မျှမမြင်ပဲ မေတ္တာသာ အထပ်ထပ် ပို့ကြပါကုန် ….. လို့ မှာသတဲ့
.
ဥတေန မင်းဟာ သာမာဝတီမိဖုရားနဲ့ မောင်းမ ( ၅၀၀ ) ကို အစဉ်လိုက် တန်းစီစေပြီး သူကဦးစွာ အဆိပ်လူးမျှားကို ချိန်ရွယ်ပြီး သာမာဝတီကိုပြစ်ဘို့ ကြိုးစားသတဲ့ ။
သာမာဝတီနဲ့ နောက်ပါတွေဟာ မင်းကြီးကို မမှိတ်မသုန် စိုက်ကြည့်ပြီး သြဒိဿက မေတ္တာသာ အဆက်မပြတ် ပို့လွှတ်နေသတဲ့
.
အဆိပ်လူးမြားဟာ ပြစ်လို့လည်း မထွက် ၊ ဖယ်ရှားလို့လည်း မတတ်နိုင် ။ လွှတ်ချလို့လည်းမရ နဲ့ ဥတေနမင်းကြီး ခမျာ ချွေးသီးချွေးပေါက်တွေကျပြီး တစ်ကိုယ်လုံး တဆတ်ဆတ် တုန်လာ တော့တယ် ။
.
★★★ အရှင်မင်းကြီး ပင်ပန်းတော်မူနေပါပြီလားဘုရား ….
★★ ဟုတ်တယ်သာမာဝတီ ကျုပ်အထင်မမှားရင် ကျုပ် အသင်မိဖုရားကို ပြစ်မှားမိပြီ
ဘုရင်ဖြစ်လျှက်နဲ့ ဆင်ခြင်ဥာဏ် ကင်းမဲ့ခဲ့ပြီ ထင်ရဲ့မိဖုရား …
ကျွန်ုပ်ကို သက်သာရအောင်သာ ပြုပေးပါနှမတော်။
.
သာမာဝတီလည်း မင်းကြီး၏မြား လက်က လွတ်ပါစေ လို့ အဓိဌာန် လိုက်ပြီး ….
.
★★★ အရှင်မင်းကြီး မြားကို မြေပေါ်သို့ လွှတ်ချလိုက်ပါဘုရား ….
လို့ ပြောမှ ဘုရင်လည်း မြှားကို လွှတ်ချလို့ရတော့တယ်။
.
ဥတေနမင်းကြီးဟာ သာမာဝတီရဲ့ ရှေ့မှာ သားငယ်တစ်ယောက်က မိခင်ကို တောင်းပန်ဟန်နဲ့ မုဆိုးဒူထောက် ထိုင်လျှက်
.
★ ★ နှမတော် မောင်တော့်ကို ခွင့်လွှတ်ပါ ။
ကျုပ်ဟာ သူတစ်ပါး ဂုန်းတိုက်စကားကို မဆင်မခြင် ယုံစားပြီး မှားယွင်းတဲ့ အမှုကို ပြုမိပြီ ။
ယနေ့က စပြီး နှမတော်တို့အလိုအတိုင်း မြတ်စွာဘုရား အား အလှူဒါန ပေးကြပါကုန် ။
ကျောင်းတော်သို့ သွားပြီး တရားနာကြပါကုန်။
ယနေ့ကစပြီး ဗုဒ္ဓနှင့်တစ်ကွ သင်တို့ရဲ့ အစောင့်အရှောက်ကို ငါပေးအံ့ ….
ငါ့အား ခွင့် လွှတ်ကြပါကုန် …. လို့မိန့်သတဲ့
.
★★★ မောင်တော်မင်းကြီးကို နှမတော်တို့က အပြစ်မမြင်တဲ့အပြင် အပြစ်ပြုသူလို့လဲ သတ်မှတ်မထားတဲ့ အတွက် အဘယ်မှာ ခွင့်လွှတ်စရာလိုမလဲ မောင်တော်။
.
နှမတော်တို့ နှလုံးသားထဲက အလိုဆန္ဒကို ဖြည့်ဆည်းပေးတဲ့ မောင်တော့်ကျေးဇူးသာလျှင် ကြီးကျယ် မြင့်မြတ်တော်မူလှပါတယ်။
သာဓု သာဓု သာဓု ပါ မောင်တော်မင်းကြီး
.
.
အခန်း ( ၇ )
.
ဘယ်လို … ဘယ်လို
အရှင်မင်းကြီးက သာမာဝတီထံက ခွင့်လွှတ် မှုရဘို့ မြေပြင်မှာဒူထောက်တောင်းပန်သတဲ့လား ။
ရဟန်းဂေါတမ ကိုအစောင့် အရှောက်ပေးမတဲ့လား ။
သာမာဝတီနဲ့ နောက်လိုက် ငါးရာ တရားနာသွားရင် အစောင့်အရှောက်ပေးမတဲ့လား ။
အားးးးးးးးးးးးးးးးးးးးးးးးး
.
အမိုက် အမှောင်ဖုံးနေရှာတဲ့ မာဂဏ္ဍီ ဟာ နောင်တ မရနိုင်ပဲ ဘုရားရှင် သာသနာတော်နဲ့ သာသနာတော်ကို ယုံကြည်သူတွေကိုပါ မြေလှန်ဘို့ ကြိုးစားတော့တယ်။
.
ဒီလိုနဲ့ ဥတေနမင်းကြီး တောကစားထွက်သွားတဲ့ တစ်နေ့မှာ
…..
ဦးရီးတော်စူဠ မာဂဏ္ဍီဦးဆောင်တဲ့ ရဲမက်တွေနဲ့ သာမာဝတီ မိဖုရားရဲ့ နန်းဆောင် တစ်ခုလုံးကို မီးလောင်တိုက် သွင်းလိုက်ပါတော့တယ်။
.
သာမာဝတီမိဖုရားနဲ့ နောက်ပါတွေဟာ ယမန်နေ့ညက ဘုရားရှင်ဟောတော်မူတဲ့ အတိုင်း မမေ့ မလျှော့သော လုံ့လ သတိတို့နဲ့ ဝေဒနာ ကမ္မဌာန်း နှလုံးသွင်းကြကာ ကိလေသာကို ရှို့မြှိုက် လိုက် ကြ ရင်း သကဒါဂါမ် အနာဂါမ်များအဖြစ် ဗြဟ္မပြည် အသီးသီးကို ရောက်ရှိသွားကြတယ်
.
နန်းဆောင် တစ်ခုလုံးပြာပုံနဲ့ အတူ သာမာဝတီမိဖုရားနဲ့ နောက်ပါ အခြွေအရံများရဲ့ အရိုးတွေပါ ပြာပုံ အဖြစ်ရောက်ရှိသွားကြတယ်။
.
ဥတေန ဘုရင်မင်းမြတ်ရဲ့ နှလုံးသား တစ်စစီ ပျက်ကြွေတဲ့ နေ့ပါပဲ …။
.
★ အရှင်မင်းကြီး တော်ကစားထွက်ရက ပြန်အလာ စိတ်မချမ်းမြေ့စရာ သတင်းအတွက် နှမတော် တစ်ကယ်စိတ်မကောင်းပါဘူး ဘုရား ။
အမတော် သာမာဝတီ နန်းပြသဒ် မီးလောင်စဉ် အချိန်မှာ နှမတော်က ဦးရီးတော်ဆီ သွားလည် နေခိုက်ဖြစ်ပြီး သတင်းကြားကြားချင်း ပြန်လာပေမယ့် နှောင်းခဲ့ပါတယ်ဘုရား။
အမတော်အတွက် နှမ မာဂဏ္ဍီလည်း နှလုံးပျက်ကြွေမတတ်ဖြစ်ရပါတယ် ဘုရား …။
ကျုပ် နန်းတော်ရောက်ရောက်ချင်း ကျုပ်ရဲ့ကျေးဇူးရှင်ကို လိုက်စုံစမ်းခဲ့တယ် ။
သူသတ်တွေဟာ မင်းဒါဏ်ကြောက်လို့ ငါ့ကို အမှန်အတိုင်းလျှောက်တင်ကြပေတယ် ။
သင့်ကို ကျုပ်က ကျေးဇူးတင်နေတာ နှမတော်။ မောင်တော်ပြုရမယ့် အမှုကို နှမတော်က မောင်တော့် ကိုယ် စား ပြုခဲ့ပေတယ်။
.
ရဟန်းဂေါတမနဲ့ အပေါင်းအဖော်ပြုပြီး ငါကိုယ်တော်ကို အမျိုးမျိုးသတ်ဘို့ကြံစည် အားထုတ် နေသူ သာမာဝတီကို သင်က သတ်ပေးပေသည်။
.
ဒီအတွက် သင့်ကို မိဖုရားကြီးရာထူးနှင့်တစ်ကွ ဆုလဒ်ပေးလိုပေတယ် နှမတော်။
ဒါကြောင့် နှမတော်ရဲ့ဆွေတော်မျိုးတော်များပါ မိဖုရားကြီးရဲ့ ဆွေတော် မျိုးတော်တွေအဖြစ် ရာထူးများ ချီးမြှင့်လိုတယ် နှမတော်။
.
နှမတော်ကျေးဇူးနဲ့ ခုတော့ငါ စိတ်အေးချမ်းသာစွာနေရပေပြီ နှမတော်။
နှမတော်ရဲ့ ဆွေမျိုး တော်တွေ စုံရင်သာ မောင်ကြီးဆီ အကြောင်းပြန်ပါနှမတော်။
.
★ အို ….၀မ်းသာလိုက်တာ အရှင်မင်းကြီးရယ် ။
နောက်ဆုံးတော့ အရှင်မင်းကြီး က မာဂဏ္ဍီရဲ့ အချစ်တွေ မာဂဏ္ဍီရဲ့ စေတနာ မေတ္တာတွေကို အသိအမှတ်ပြုပြီပေါ့။
.
စုန်းအတတ်နဲ့ ပြုစားတတ်တဲ့ လမ်းဘေးက သူဖုန်းစား မိန်းမတစ်ယောက်ရဲ့ မာယာကို သိပြီပေါ့ … နှမတော်ဝမ်းသာလိုက်တာ မောင်ကြီးရယ်။
နှမတော်ရဲ့ ဆွေတော်မျိုးတော်တွေ အားလုံး မောင်ကြီးရှေ့တော်မှောက် အမြန်ဆုံး ရောက်ရ ပါစေ့မယ် ဘုရား။
.
မာဂဏ္ဍီရဲ့ နိဂုံး ……
.
မာဂဏ္ဍီဟာ သူမရဲ့ ဆွေမျိုးတော်စပ်သူတွေအပြင် ဆွေမျိုးတော်စပ်တယ်လို့ လိမ်ညာပြောဆိုသူ မိမိအသိ မိမိမကောင်းတာလုပ်တိုင်း ခိုင်နေကျ သူတွေကိုပါ ဆွေမျိုးဆိုပြီးခေါ်လာခဲ့တယ်။
.
ဥတေနမင်းကြီးဟာ စုဠမာဂဏ္ဍီနဲ့တစ်ကွ မာဂဏ္ဍီရဲ့ ဆွေ( ၇ ) ဆက် မျိုး ( ၇ ) ဆက်ကို ဥပါယ်တမျှင်နဲ့ အထက်က ပြောတဲ့အတိုင်း ခေါ်လာပြီး
.
ပုခက်တွင်းကခလေးပါမကျန် နန်းရင်ပြင်မှာ တွင်းတူးစေပြီး တစ်ကိုယ်လုံးကို မြေမှာမြှုတ်လျှက် ခေါင်းမျှသာ ချန်ထားပြီး သံသွားတပ် ထွန်ယက်တွေနဲ့ ဥက္ခောင်းများ ညက်ညက်ကျေအောင် အထပ်ထပ်ထွန်စေခဲ့တယ်။
.
မာဂဏ္ဍီ မိဖုရားကိုတော့ နန်းရင်ပြင်မှာ မိမိကိုယ်တိုင် မီးဖို ဆီအိုးတည်စေပြီး မိမိအသားများကို မိမိကိုယ်တိုင် လှီးဖြတ် မသေမချင်း မိမိအသား မိမိဖာသာ လှီးဖြတ် ကျော်စားခိုင်ခဲ့တယ်။
နောက်မှ မာဂဏ္ဍီကို အရှင်လတ်လတ် အပိုင်းပိုင်းခုတ်ဖြတ် သတ်စေခဲ့တယ်။
.
မာဂဏ္ဍီရဲ့ မကောင်းမှုကုသိုလ်ကံဟာ ဘ၀မကူးခင်မှာပဲ ရက်ရက်စက်စက် ဆိုးရွားစွာ တုန့်ပြန် တာခံခဲ့ရတယ်။
.
။။။။။။။။။။။။။။။။။။။။။။။။။။။။။။။။။။
.
ဒီနေ့တော့ ဃောသိကာရုံကျော်တော်မှာ ရဟန်းတွေရော … ဃောသက ၊ ကုက္ကုဋ ၊ ပါဝါရိက သူဌေး သုံးပါးနဲ့ နောက်ပါအခြွေအရံများ စုဝေးပြီး သူ့ထက်ငါ အလုအယက် ထင်ကြေးတွေပေး စောဒကတွေတက်နေကြလေရဲ့ ….
.
…. သာမာဝတီ မိဖုရားက ဗုဒ္ဓကို ကြည်ညို ကိုးကွယ်ခဲ့တာတောင်ဘာလို့ မီးလောင်ပြီး ပက်ပက် စက်စက် သေရတာလဲ ။
.
…. မာဂဏ္ဍီ အလှမလေးကရော သေခါနီး ကိုယ့်အပြစ်ကို ဆင်ခြင်ရဲ့လား နောင်တရရဲ့လား
…. ဘယ်သူက သေသူအစစ်လဲ ဘယ်သူကရှင်သူလဲ စသည်ဖြင့် အချင်းများကြပြီး ဘုရား၇ှင်ထံ လျှောက်ထားကြတယ်။
.
★ ဘုန်းတော်ကြီးသော မြတ်စွာဘုရား
မာဂဏ္ဍီနှင့် သူ့ဆွေမျိုးများ၏ လုပ်ကြံမူကြောင့် သာမာဝတီ မိဖုရားကြီးနှင့်တကွ နောက်လိုက် ခုနှစ်ရာ၊ အခြွေအရံပါ မကျန်သေဆုံး၍ သွားရှာကြပါပြီ။
.
ဥတေနမင်းကြီး ကွပ်မျက်မူကြောင့် မာဂဏ္ဍီမိဖုရားနှင့်တကွ သူ့တစ်ဆွေတစ်မျိုးလုံး သေဆုံး၍ သွားကြရပါသည်။
.
ဒီသေခြင်း နှစ်မျိုးအနက် ဘယ်အရာဟာ သေခြင်း ဘယ်အရာဟာ ( ဘ၀ ၊ သမိုင်း ၊ နာမည် ) သေခြင်းအစစ် ဖြစ်ပါသလဲဘုရား ….
.
★ ★ ဗုဒ္ဓက ….
.
အပ္ပမာဒေါ အမတံပဒံ၊ ပမာဒေါ၊ မစ္စုနောပဒံ
အပ္ပမတ္တာ နမိယန္တိ၊ ယေပမတ္တာ မတာယထာ။
.
ချစ်သားတို့ …..
အပ္ပမာဒေါ- မမေ့မလျော့ခြင်းသည်၊
အမတံ- အပြန်ပြန် အထပ်ထပ် သေခြင်းမှ လွတ်ကင်းရာ ၊
ပဒံ- အကြောင်း တည်း။
.
ပမာဒေါ - မေ့လျော့ခြင်းသည်၊
မစ္စုနော - အပြန်ပြန် အထပ်ထပ် သေခြင်း၏၊
ပဒံ - အကြောင်းပင်တည်း။
အပ္ပမတ္တာ နမီယန္တိ - မမေ့မလျော့သူတို့သည် မသေကုန် ( သေခြင်းကို အောင်နိုင်၏ )။
ယေ ပမတ္တာ ယထာမတာ - မေ့လျော့သူတို့သည် အသက်ရှင်လျှက် သေသူတို့နှင့် တူကုန်၏ ….. တဲ့
ချစ်သားတို့ …. သတိမရှိပဲ မေ့လျှော့စွာနေသောသူဟာ အသက်ရှင် နေပေ မယ့် အသက်မဲ့နေသူလို ဖြစ်နေပြီး
မမေ့မလျှော့သော သတိနဲ့ ကျင့်ကြံအားထုတ်နေထိုင်သူ စက္ကန့်တိုင်း မိမိပြုနေတဲ့ ကာယ ၀စီ မနော တို့ကို စောင့်ထိန်းလျှက်
မိမိရဲ့အချိန်တွေကို တန်ဘိုးရှိစွာ သတိ ပညာ ဥာဏ်နဲ့ နေမှသာ တစ်ကယ့် အသက်ရှင်သူလို့ ဆိုနိုင်ပြီး ။
.
အရာရာကို မေ့လျှော့စွာနေထိုင် အသက်ရှင်သူ တွေဟာ ရှင်လျှက် သေနေသူတွေသာ ဖြစ်တယ်လို့ မိန့်တော်မူခဲ့တာပါ။
.
(((( သတိနဲ့ နေတဲ့ အကျင့်ကို များများလုပ်လာတဲ့အခါ မေ့လျော့ နေခြင်းသည် တကယ် အသက် မ၀င်ဘူး ဆိုတာ သိလာတယ်။ သတိနဲ့နေတာဟာ လူ့ဘ၀မှာ တစ်ကယ်ကို အသက်ရှင်နေခြင်း ဖြစ်တယ်။ ))))
.
★ မောင်လေး ညီမလေးတို့ရေ ….
.
ဘုရားရှင် ကောသမ္ဗီမှာရှိနေစဉ် အချိန်မှာပဲ သံဃသမိုင်းမှာ ပထမဆုံး သံဃာ ဂိုဏ်းကွဲမှုကြီးဖြစ်ခဲ့သေးတယ် ။
.
ဝိနည်းဆောင်ရဟန်း တစ်ပါးရဲ့ ကောက်ကျစ်စွာ သုတ္တံ ဆောင်ရဟန်းကို မုသားပြော သိက္ခာချမှုနဲ့ သံဃာထု ( ၂ ) ဖွဲ့ကွဲပြီး ထိန်းမရ သိမ်းမရနဲ့ အထိကရုန်းတွေဖြစ် ပြီး ဘုရားရှင်လည်း ပြန်လည် သင့်မြတ်ဘို့ အမျိုးမျိုး ညီညွတ်ရေးတရားတွေဟောပေမယ့်လည်း မရတာကြောင့်
မဂ်ဖိုလ်ကိစ္စမှ အချည်းနှီးဖြစ်သော ဤယောကျာ်းတို့သည် ဆုံးမ၍ မရတော့ကုန်၊ အသိတရားရဖို့ရန် မလွယ်ကူ လို့ နှလုံးသွင်းတော်မူပြီး ဘုရားရှင်ဟာ တစ်ပါးထည်း ပါလိလေယျ တောအုပ်ကို အားလုံးကို ထားခဲ့ပြီး ထွက်သွားတော်မူခဲ့ဘူးတယ်။
.
ဒီမကြောင်းတွေကိုနူးမရေးတော့ဘူးနော် ။
တစ်ချို့အကြောင်းအရာတွေဟာ ပစ္စုပ္ပန် ပြသနာတွေနဲ့ တစ်ထပ်ထဲနီးပါး တူနေတဲ့အခါ ရေးရတာ နူးအတွက် အဆင်မပြေဘူးလေ။
.
။။။။။။။။။။။။။။။။။။။။။။။။။။။။။။။။။။။။။။
.
★ သာမာဝတီလေးကတော့ …..
.
ဗုဒ္ဓမပွင့်မီ နှစ်တစ်သိန်း အထက် အခါက သာမာဝတီလောင်းလျှာနဲ့ နောက်ပါအခြွေအရံတွေဟာ
ရေချိုးဆိပ်ဆင်းပြီးအပြန် ချမ်းလှတဲ့အတွက် အနီးအနားမှာရှိတဲ့ ပစ္စေက ဗုဒ္ဓ သမာပတ်ဝင်စားနေတဲ့ သစ်ရွက်မိုး ကျောင်းသင်္ကန်းလေးကို အထဲမှာဘယ်သူရှိမလဲ မစူးစမ်းပဲ မီးရှို့ပြီး မီးလှုံခဲ့ကြတယ်။
.
သစ်ရွက်တဲ ပြိုကျတော့မှ အထဲက ပစ္စေကဗုဒ္ဓကိုတွေ့ပြီး ….
ဟာ …. ဒီအရှင်မြတ်ဟာ ငါတို့မင်းကြီးကိုးကွယ်တဲ့ အရှင်ပေပဲ ။ သူမသေပဲ မင်းကြီးထံ ရောက်သွားရင် ငါတို့မင်းဒါဏ်သင့်လိမ့်မယ်။
အခု မင်းကြီးမသိသေးခင် မီးလောင်တိုက်သွင်း အစဖျောက်ထားကြရအောင်လို့ တိုင်ပင်ပြီး ထင်းတွေရှာ မီးမီးတိုက်ကြပါတယ်။
.
ထင်းတွေကုန်သွားတဲ့အခါမှ ပစ္စေကဗုဒ္ဓက နိရောဓသမာပတ် ကထတော်မူပြီး ကောင်းကင်ကို ပျံတက်သွားတာမြင်တဲ့အခါမှာ သူတို့အားလုံး နောင်တကြီးစွာရခဲ့ကြတယ်။
.
အစ ပထမ မီးရှို့စဉ်က စေတနာမပါလို့ ကံမထိုက်သော်လည်း
ဒုတိယအကြိမ်မှာ စေတနာနဲ့ ပြုတဲ့အတွက် ကံထိုက်ပြီး ဒီအကုသိုလ်ကံကြောင့် ငရဲကျရောက်ခဲ့တယ်။ ငရဲကလွတ်ပြီး အခုဘ၀မှာ ၀ိပါတ် အကြွင်းအကျန်အနေနဲ့ မီးလောင်တိုက် သွင်းခံရပြီးသေဆုံးကြရတာပါ။
.
နောင်သောအခါ မြတ်စွာဘုရားရှင်ဟာ ဇေတဝန်ကျောင်း၌ သီတင်းသုံးနေတော်မူစဉ်
ချစ်သားတို့ ဥပါသိကာ အမျိုးသမီးတို့တွင် သာမာဝတီ သည် မေတ္တာဈာန်ဖြင့် နေလေ့ရှိသောသူတို့တွင် အသာဆုံး အမြတ်ဆုံး ဖြစ်ပေသည်လို့ ဧတဒတ် ထားတော်မူခဲ့ပါတယ်။
.
★ မာဂဏ္ဍီလေးမှာတော့ ….
.
မိမိကို ငြင်းပါယ်တဲ့ အတွက် ဘုရားရှင်အပေါ်မှာ ထားခဲ့တဲ့ အမုန်းတရား နဲ့ ရန်ညှိုး ကို မွေးမြူပေါင်းသင် ကြီးထွားစေကာ
.
အမိုက် အမှောင် ဖုံးပြီး ဗုဒ္ဓကိုသာမက နောက်ပါ သံဃာအားလုံးနဲ့ တစ်ကွ
ဗုဒ္ဓ ဘာသာဝင် တွေကို အညှိုးအတေးနဲ့ မိမိ အာဏာရှိချိန်မှာ မြေလှန်ဘို့ ကြိုးစားခဲ့တဲ့ အကုသိုလ်ကံ ရဲ့ အကျိုးပေးကို မသေခင်ထဲက ခံစားသွားရှာတယ်။
.
.
ကဲ မောင်လေးညီမလေးတို့ကလည်း မိမိအသက်ရှင်နေတဲ့ ရေတစ်ပွက်စာမျှ မရှိတဲ့ အချိန်လေးမှာ အသက်ရှင်သူ စစ်စစ်များ အဖြစ် မိမိတို့အချိန်တိုင်းပြုနေတဲ့ ကာယ ၀စီ မနော ကံသုံးပါးကို မမေ့ မလျှော့ သတိနဲ့ ထိန်းချုပ်နေထိုင်နိုင်ကြပြီး
.
လောဘ ဒေါသ မောဟအမှောင်တွေ ဖုံးတဲ့ ……
မာဂဏ္ဍီ လို
မာဂဏ္ဍီရဲ့ နောက်လိုက် တွေ လို
မျက်ကန်း တွေ မဖြစ်ကြစေဘို့ ဆန္ဒပြုရင်း ……
.
.
ချမ်းမြေ့ကြပါစေ ရှင် …..
