မောင်လေး ညီမလေး တို့ရေ ....
ဒီတစ်ခါတော့ မောင်လေးတစ်ယောက်အမေးရော ....
ဘာသာခြားတွေရဲ့အမေးတွေဖြစ်တဲ့ မာန်နတ်အကြောင်းကို ... ဖြေပေးလိုက်ပါတယ်။
သူတို့မေးတာက ...
.
( ၁ ) အမနူးရေ ... မာန်နတ် ရဲ. အကြောင်း လေး တင်ပေးပါလား။ တရားတွေ ဟောရင်လည်း သူ. အကြောင်း နဲတယ်သေသေချာချာ လေး ဖတ်ကြည့်ချင်လို.သူ.ကျ ငရဲ ဘာလို.မကျသေးတာလဲ
ကျွန်တော်တို. သိထားတာက သူက ဘုရား ကို စစ်တပ်တွေ နဲ. တိုက်ပြီး ခြိမ်းခြောက်တာ လို. သိထားတာ
.
( ၂ ) မာန်နတ်ဆိုတာ နတ်ပြည် ( ၆ ) ထပ်မှာ အမြင့်ဆုံးဖြစ်တဲ့ ဝဿဝတ္တီ နတ်ပြည်က နတ်မင်းကြီးဆိုရင် သူဟာ ဘယ်ကုသိုလ်တွေကြောင့် အကောင်းဆုံးဘုံကိုရောက်ပြီး ... လောကမှာ အဆိုးဆုံး အလုပ်တွေကို လုပ်နေရတာလဲ ...
.
( ၂ ) မာရ်နတ်ကြီးဟာ နတ်ပြည်ခြောက်ထပ်ရဲ့ အပေါ်ဆုံးအထပ်က နတ်အကြီးအမှူးဖြစ်တဲ့အတွက် တာဝတိ`ံသာက သိကြားမင်းထက် တန်ခိုးအရာမှာ သာလွန်လိမ့်မယ်လို့တော့ တွေးမိပါတယ်။ မာရ်နတ်မင်း ဖျက်ဆီးတာတွေကို သိကြားနတ်အပါအဝင် လောကပါလ နတ်မင်းကြီးလေးပါး တို့တောင် မတားဆီး နိုင်ဘူးပေါ့ ဒါဆို ဒီလိုမကောင်းတာလုပ်တဲ့နတ်ဆိုးဟာ နတ်အားလုံးရဲ့အကြီးအမှူးဖြစ်နိုင်တယ်ဆိုရင် ဘုရားဟောတွေနဲ့ သွေဖည်မနေဘူးလား ...
.
.................................................................................................
.
မာရ်နတ်အကြောင်းမပြောခင် မာရ်ဆိုတဲ့ စကားရဲ့အဓိပါယ်လေးကိုပြောပြပါရစေ ... မာရ်ဆိုသည်မှာ ဖျက်ဆီးခြင်း၊ ညှဉ်းဆဲခြင်း၊ နှောင့်ယှက်ခြင်း၊ တားဆီးခြင်း မကောင်းမှုကို လှုံ့ဆော်ခြင်း စတဲ့ သဘောရှိတဲ့ အရာများကို ဆိုလိုပါတယ်။
.
ကျမတို့ ဗုဒ္ဓသာသနာတော်အယူအရ ... မာရ် ( ၅ ) ပါးရှိပါတယ် ....
.
မြတ်စွာဘုရားများအောင်မြင်တော်မူတဲ့ မာရ်(၅)ပါး ပါ ...။
.
★ ၁။ ဒေ၀ပုတ္တမာရ် ((ဒါကတော့ အားလုံးသိချင်တဲ့ သက်ရှိ မာန်နတ်ပေါ့ ))
★ ၂။ ကိလေသမာရ် ((ကိလေသာ ၁၀ - ပါး အပြား အပါး ၁၅၀၀ ကိုကိလေသာမာရ် လို့ခေါ်တာပါ))
★ ၃။ အဘိသင်္ခါရမာရ် ((ဘ၀သစ်ဖြစ်ရန်စီမံပေးတဲ့ လောကီ ကုသိုလ်၊ အကုသိုလ်ကံများ )))
★ ၄။ မစ္စုမာရ် သေခြင်းတရား။
★ ၅။ခန္ဓမာရ် ((ရဟန္တာမဖြစ်မီ အတွင်းကာလမှာ အဘိသင်္ခါရကံတို့ရဲ့ စီမံချက်အရ ဘ၀သစ်ဖြစ်ရလတ္တံ့သော ခန္ဓာငါးပါးတို့ကို ခန္ဓမာရ်ဟု ခေါ်တာပါ ))
.
မာရ် ( ၅ ) ပါးထဲက .... ကိလေသမရ်၊ အဘိသင်္ခါရမာရ်၊ ခန္ဓမာမာရ်၊ မစ္စုမာရ်၊ ဆိုတဲ့ မာရ် ( ၄ ) ပါးက လောဘဒေါသမောဟရဲ့ ကိုယ်ပွားတွေပါ ......
.
ဒေ၀ပုတ္တမာရ် တစ်ခုတည်းကသာ တစ်ခုတည်းသော သက်ရှိ မာရ် ဖြစ်ပါတယ် နတ်ဆိုးတစ်ပါးပါ ။ ကျန်သော မာရ်တို့မှာ သက်မဲ့ မာရ်များသာဖြစ်ပါတယ်။
ရဟန်းဖြစ်ဖြစ်၊ လူဖြစ်ဖြစ် တစ်စုံတစ်ယောက် သံသရာမှလွတ်မြောက်ကြောင်း ကျင့်ကြံနေပြီဆိုလျှင် ကာမဂုဏ်မျိုးစုံက နှောက်ယှက် တတ်ပါတယ် ... ဒါကိုမာရ်နတ် နှောင့်ယှက်တယ်လို့ ခေါ်ပါတယ်။
.မာရ် ( ၅ ) ပါးလုံးဟာ အဆုံးသတ်မှာ မတည်မြဲသော သေခြင်း၏ အကြောင်းတရားများသာ ဖြစ်ပတယ် ...။
.
★ ★ ၁။ ဒေ၀ပုတ္တမာရ်
.
ဒါကတော့ အားလုံးသိချင်တဲ့ သက်ရှိ မာရ်နတ်ပေါ့...
မာန်နတ်အကြောင်းပြောမယ်ဆိုရင် ဒေ၀ပုတ္တဆိုတဲ့ စကားရဲ့အဓိပါယ်ကို အရင် သိသင့်ပါတယ်
ဒေ၀ = နတ် ....
ပုတ္တ = သားရတနာ
မာရ် = မကောင်းမှုကို နှိုးဆော်တတ်သော အဖျက် အဆီး အတား တို့ကိုသာ ပြုလုပ်တတ်သော (( တစ်နည်း ဖျက်ဆီးခြင်း၊ ညှဉ်းဆဲခြင်း၊ နှောင့်ယှက်ခြင်း၊ တားဆီးခြင်း သဘောရှိတဲ့ အရာများ ... လို့ ))) လို့ အဓိပါယ် ရတာပါ ...
.
ဒီတော့ ဒေ၀ပုတ္တမာရ် ကို မြန်မာပြန်လိုက်ရင် ....
မကောင်းမှုကို နှိုးဆော်တတ်သော အဖျက် အဆီး အတား တို့ကိုသာ ပြုလုပ်တတ်သောနတ်သား (နတ်ဆိုး) လို့ အဓိပါယ်ရတာပေါ့...။
.
မာရ်နတ်အကြောင်းကိုပိဋကတ်လမ်းညွှန်ကျမ်း ဒုတိယတွဲ၊ စာမျက်နှာ (၂၅၁) မှာ မာရ်နတ် (အစစ်၊အတု) နှစ်မျိုး လို့ရေးထားတာ တွေ့ရပါတယ်။
.
★ (၁) မာရ်နတ်မင်း (အစစ်)မှာ ဝသဝတ္တီ လို့ခေါ်ပြီး အဲဒီနတ်ပြည်မှာနေကာ နတ်ပြည်ခြောက်ထပ်ကို အစိုးရပါတယ်။ ဒီမာရ်နတ်မင်းအစစ်က ဘုရားရှင်အား နှောင့်ယှက်တဲ့ မာရ်နတ်မဟုတ်ပါဘူး ။ ဒီမာရ်နတ်က မာရ်နတ်အစစ်ပါ ။
.
★ (၂) ဘုရားရှင်အား အနှောက်အယှက် အမျိုးမျိုးပေးနေတဲ့မာရ်နတ်ကတော့ ''မာရ၊ ကဏှ၊ ပဇာပတိ၊ အန္တဂူ၊ နမုစိ၊ ပမတ္တဗန္ဓု၊ ပါပိမ၊အန္တက'' လို့အမည်အမျိုးမျိုးခေါ်ပြီး ပရနိမ္မိတ ဝသဝတ္တီ ဘုံမှာနေတဲ့ နတ်ဆိုးတစ်ပါး ပါ ပရနိမ္မိတ ဝသဝတ္တီ နတ်မင်း မဟုတ်ပါဘူး။ ဆိုးသွမ်းတဲ့နတ်ဆိုးကြီးသာ ဖြစ်ပါတယ်။ ဒီမာရ်နတ်ကတော့ မာရ်နတ်အတုပေါ့
.
ဒီမာရ်နတ်ဟာ ကကုသန်ဘုရားရှင် လက်ထက်တော်ကရှိခဲ့ဘူးတဲ့ ဒုဿီ မာရ်နတ်ရဲ့ နှမဖြစ်သူ ကာဠီရဲ့သားဖြစ်ပြီး ယခု ဂေါတမဘုရားရှင်လက်ထက်တော်တွင် မာရ်နတ်ဖြစ်လာကြောင်း သိရ ပါတယ်။
.
ယခုဂေါတမမြတ်စွာဘုရားရှင်ကို လိုက်လံဖျက်စီးနေတဲ့ မာရ်နတ်ဟာ ဒုဿီမာရ်နတ်ရဲ့ တူတော်သူ ဒုဿီမာရ်နတ်ရဲ့ နှမတော် ကာဠီရဲ့ သားဖြစ်တယ်လို့ သိရပါတယ်။
.
ဆရာပါရဂူဘာသာပြန်တဲ့ဗုဒ္ဓဒိုင်ယာရီစာအုပ်ထဲမှာတော့ မာရ ခေါ် မာရ်နတ်ကို အတွင်း စိတ်မှာဖြစ်ပေါ်လာတဲ့ အနှောင့်အယှက် ဒွိဟ ဖြစ်ပေါ်မှု တစ်မျိုးလို့ရေးထားပါတယ် ။
ဒီလို ယူကြတဲ့ အနောက်တိုင်း အယူအဆ သမားတွေလဲ ရှိကြပါတယ်။
.
★ မာရ်နတ်ဟာ နတ်ပြည်ခြောက်ထပ်ထဲက ဝဿဝတ္တီနတ်ပြည်မှာစံပါတယ်။ ဝဿဝတ္တီ နတ်မင်းကြီးလဲ မနိုင်တဲ့ နတ်ဆိုးလို့ ပါ ...
နတ်တွေဟာ နတ်ပြည်တစ်ထပ်ကနေ တစ်ခြားတစ်ထပ်ကို မလည်ပတ်ကြပေမယ့် မာရ်နတ်ကတော့ လျှောက်သွားနေတတ်ပါတယ်။
.
★ မာရ်နတ်ဟာ ဗုဒ္ဓကို တောမထွက်ခင်ကတည်းက စတင်နှောက်ယှက်ပါတယ်။
တောထွက်ပြန်တော့လဲ တံခါးဝကပိတ်ပြီး မင်းသား နောက်တစ်ပတ်ဆို စကြာရတနာရောက်ပြီ။ ဘာလို့တောထွက်မှာတုန်း .... စကြ၀တေးမင်း ဘ၀နဲ့ ကုသိုလ်အမှုတွေကို လုပ်စမ်းပါလို့ ဆွယ် ပါတယ်။ သိဒ္ဓတ္တမင်းသားမောင်း ထုတ်လိုက်မှ ထွက်ပြေးပါတယ်။
.
★ေ နာက်တော့ ဒုက္ကရစရိယာကျင့်တဲ့အခါမှာ မာရ်နတ်က လူသားတွေကို ကယ်တင် စရာမလိုကြောင်း ကယ်တင်လည်းအကောင်းမြင်မှာမဟုတ်ကြောင်း သံလျှက်မိုးပြီး ဂုတ်ပေါ်ခွစီးထားသူစကားကိုသာ ကြောက်ရွံ့ယုံကြည်ကြောင်းသွေးထိုး နှောက်ယှက်ပြန်ပါတယ်။ ဒီတော့မောင်းထုတ်ရပြန်ပါတယ်။
.
ဒီလိုနဲ့ အကြိမ်ကြိမ် နှင်ထုတ်ခံရတဲ့အခါမှာ မာရ်နတ်က ကြိမ်းဝါးပါတယ်။
★ အသင်မင်းသား ... သင့်ဆီမှာ ကာမဂုဏ်အာရုံ ခံစားချင်တဲ့စိတ်၊ သူတစ်ပါးကိုညှဉ်းဆဲလိုတဲ့ စိတ်၊ နောက် တွေဝေပျံ့လွင့်တဲ့စိတ် သုံးမျိုးထဲက တစ်ခုခု ဖြစ်ခဲ့သော် … သင်ဟာ ကျွနုပ်ကိုရှုံးပြီ … သင်ဒီဘ၀မှာဘုရားဖြစ်မှာမဟုတ်တော့ဘူးလို့ ကြိမ်းဝါးပါတယ်။
ဒါပေမယ့်ကိလေသာ အညစ်အကြေးမြူတစ်မှုန်စာတောင်ရှာမရခဲ့ပါဘူး … အလောင်းတော် ဘဝက တည်းက ဖြူစင်မှုကို ထင်ရှားစေတာပါ။
.
★ ဘုရားဖြစ်မယ့် ညမှာလည်း မာရ်နတ်ရောက်လာပြန်ပါတယ်။
မာရ်နတ်ဟာ ဂီရိ မေခလာဆင်ကိုစီးပြီး လက်ရုံးတစ်ထောင်ဖန်ဆင်းကာ အလောင်းတော် ဗောဓိသတ်ကို နှောင့်ယှက်ပါတယ် ။
အလောင်းတော်က အသက်မဲ့မြေကြီးကိုသစ္စာတိုင် တည်တော့ မာရ်နတ်ရှုံးပါတယ်။
လက်တစ်ဖက်မှာကိုင်ထားတဲ့ သူပိုင်တဲ့ ဗေလုဝ နတ်စောင်း လွတ်ကျပါတယ် ….
သိကြားမင်းက ခံယူပြီး ပဉ္စသီင်္ခက နတ်သားကိုပေးခဲ့တယ်လို့ သိရပါတယ်။
.
★ သဗ္ဗညုတဥာဏ်တော်ကို ရတဲ့အခါမှာ မာရ်နတ်ဟာ မြေပေါ်မှာ အစင်းကြောင်းတွေခြစ်ပြီးစိတ်ပျက်လက်ပျက်နဲ့ ရဟန်းဂေါတမ ကျင့်တဲ့ ပါရမီအကျင့်တွေ မကျင့် ခဲ့လို့ ငါသူ့လို ဘုရားမဖြစ်တာလို့ ညည်းညူပါတယ်။
ဒါကို မြင်တဲ့ သမီးသုံးပါးက မခံနိုင်ဖြစ်ပြီး အသက်ငယ်ငယ်၊ အသက်လတ်လတ်၊ အသက်ကြီးကြီး မိန်းမလှသုံးယောက်လို ဖန်ဆင်းလို့ မြူဆွယ်ခဲ့ပါတယ်။ ရှုံးပါတယ်။
.
★ ဘုရားဖြစ်ပြီးတော့လည်း သင်လိုချင်တဲ့ သဗ္ဗညုတဉာဏ်ရပြီ မဟုတ်လား တော်ပြီလေ တရားမဟောနဲ့နော်လို့ တားပါသေးတယ်။
ဘုရားရှင်က တရားလိုက်ဟောနေတော့လည်း ဘုရားရှင်ကို မြန်မြန်ပရိနိဗ္ဗာန်ပြုဘို့ ခနခန နားပူ နားဆာလုပ် တောင်းပန်ပါတယ်။
တစ်ကယ်ဆိုးတဲ့မာရ်နတ်ကြီးပါပဲ ….
.
★ ဇာတ်တော်တွေထဲမှာတော့
ဘုရားလောင်း လယ်သမားဘဝတုန်းက ဒေဝဒတ်နဲ့ မာရ်နတ်ဟာ ကျီးကန်းနဲ့မြွေဖြစ်ပြီး အလောင်းတော်ကို သတ်ဖို့ ကြိုးစားခဲ့ဖူးတယ်လို့ ဆိုပါတယ်။
.
★ တစ်ခါမှာတော့ မာရ်နတ်ဟာ ရဟန္တာမတစ်ပါးကို သွားနှောင့်ယှက်ပါတယ် … ရဟန္တာမကြီးက ပဌါန်းကို အကျယ်ဟောပြလိုက်တဲ့အခါ … မာရ်နတ်ထွက်ပြေးရပြန်ပါတယ် …။
.
★ အခါတစ်ပါးမှာတော့ … အရှင်မောဂ္ဂလာန်ကိုယ်တော်ကြီး ဆွမ်းဘုန်းပေးပြီး ဗိုက်ထဲ မအီသာလို့ တန်ခိုးနဲ့ ဆင်ခြင်တော့ မာရ်နတ်က အစာအိမ်ထဲဝင်နေတာကိုတွေ့ရပါတယ်။
.
ဒီအခါမှာ သာဝကကြီးက ထွက်လာဘို့ပြောပေမယ့် ပေကပ်ပြီးနေခဲ့ပါတယ် …. ဒီတော့မှာ သျှင်မဟာ မောဂ္ဂလာန် ကိုယ်တော်မြတ်ကြီးက … မာရ်နတ်ကို ...
.
★ ★ အသင်မာရ ငါဟာ အရင်ဘဝက သင့်ဦးရီး တော်ခဲ့သူဖြစ်တယ် .... သင့်မိခင် ကာဠီနတ်သမီးရဲ့မောင်တော်သူဖြစ်တယ်။
.
ငါဟာ ကဿပ ဘုရားရှင်လက်ထက်တော်က ဒုဿီမာရ်နတ်ဘ၀နဲ့ သူကြွယ်ပုဏ္ဏားတွင် စွဲဝင်ပြီး ဘုရားရှင်ကိုဆဲရေးခြင်း၊
ရဟန်းတို့ကို ဆဲရေးချောက်ချားစေခြင်း၊
ကဲ့ရဲ့ရှုတ်ချခြင်း၊
ရဟန်း၊ ရဟန်းမတို့အနီးတွင် ဝိသဘာဂအာရုံဖန်ဆင်းပြီး လူတို့ကိုမြင်စေခြင်း၊
ရဟန်း၊ ရဟန်းမတို့အား အပျိုမများ၊ လူပျိုများနှင့် ဆက်ဆံကြပုံတို့ကို ဖန်ဆင်းပြခြင်း၊
မုဆိုး တံငါတို့ကဲ့သို့ ငါးမျှားပုံ ငှက်ထောင်ပုံတို့ကိုဖန်ဆင်းပြခြင်း၊
လူတို့က မကြည်ညိုအောင်လုပ်ခြင်း၊
နောက်ဆုံးတွင် ကကုသန်ဘုရားရှင်ရဲ့ လက်ျာရံဖြစ်တဲ့ ဝိဓုရထေရ်ရဲ့ ဦးခေါင်းကို ကျောက်ခဲနဲ့ ကွဲသွားအောင် ပစ်ခြင်းစသည်တို့ကို ပြုခဲ့ပါတယ်။
ဒီအခါမှာ သာဝကကြီးက … မာရ ငရဲဘုံကို ပျော်စရာနေရာများထင်ရော့သလားလို့မိန့်တဲ့အခါမှာ … ချက်ချင်းနတ်သက်ကြွေပြီး… အပါယ်ငရဲကျခဲ့ပါတယ်
.
အဝီစိငရဲမှာ နှစ်ပေါင်းတစ်သိန်းမျှ ကာလပတ်လုံး ဒုက္ခခံရပါတယ်။ အရဟန္တဃာတက ကံကြီး ထိုက်ခဲ့သူဖြစစ်ခဲ့ပါတယ် .... လို့ဟောတော်မူတော့မှ မာရ်နတ်ဟာ စိတ်ထားနူးညံ့လာပြီး သံဝေဂရ ထွက်သွားပါတယ်။
.
တန်ခိုးအရာမှာ ဘုရားရှင်မှတစ်ပါး သူ့ထက်သာလွန်သူမရှိခဲ့တဲ့ တန်ခိုး အာနုဘော်ကြီးမားတဲ့ သာဝကကြီးတောင်မှ မာရ်နတ်ကို မေတ္တာဖြင့်ဆုံးမခဲ့ပါတယ်။
.
★ တစ်ကယ်တော့ ဒီမာန်နတ်ကြီးဟာ သူ့စိတ်ထဲမှာ (၃၁) ဘုံရှိတဲ့ သတ္တ၀ါတို့မှာ သူသာ တန်ခိုး ကြီးတယ်၊
ကာမဂုဏ်ဆိုတာ သတ္တ၀ါတွေအတွက် သူကပဲ ဖန်ဆင်းပေးထားတာမျိုး အထင်ရောက်နေသူပါ။
.
သတ္တ၀ါတွေ သံသရာမှာ ဘ၀မျိုးစုံ ကျင်လည်ရင်း သူဖန်တီးပေးထားတဲ့ လောကီအာရုံ ကာမဂုဏ် တွေကို ခံစားနေကြတာကိုကြည့်ပြီးသူက သဘောကျနေသူပါ။
.
ဒါကြောင့် ကာမဂုဏ်ကို စွန့်ပယ်ဖို့ နည်းလမ်းမှန်မှန်နဲ့ တရားဟောမဲ့ ဘုရားလောင်းတွေဆိုရင် သူကလိုက်ပြီး နှောက်ယှက်တာပါ။
.
အဲဒီတော့ ဒီမာရ်နတ်မင်းဟာ သူဖန်ဆင်းပေးထားတာလို့ ထင်နေတဲ့ လောကကြီးထဲမှာရှိတဲ့ ကာမဂုဏ်များကို သူလိုပဲ အများကိုပါ ခံစားစေချင် နေသူ ဖြစ်ပါတယ်။
.
သူဟာ မာရ်နတ်မင်း ဘ၀ကနေ သက်တမ်းကုန်ရင်တော့ သူလုပ်ခဲ့တဲ့ မကောင်းမှုများကို ပြန်လည် ပေးဆပ်ရပါ လိမ့်မယ်။
.
………………………………………………………..
.
မာရ်နတ်နဲ့ အခြားဆရာတော်တွေပတ်သက်မှုကို တော့ မြန်မာသာသနာဝင်မှာ စွန်းလွန်းဂူဆရာတော်ကြီး၊ မိုးကုတ်ဆရာတော်ကြီးတို့ ခန္ဓာဝန်ချခါနီး လာတောင်းပန်သလို ဖတ်ဖူးပါတယ်။
.
နောက်လယ်တီဆရာတော်ကို လာနှောက်ယှက်တဲ့ သဘောလက္ခဏာတွေကို လဲ ဖတ်မိဘူးပါတယ်။
.
မဟာဗောဓိမြိုင်ဆရာတော်ကြီးကတော့ တောနေရဟန်းတွေ တစ်ပါးတည်း တောထဲအားထုတ်ရင် ညဖက် အသံပေးတာတွေ၊ အလင်းရောင်တွေနဲ့ အုပ်လိုက်ကြီးချီတက်လာတတ်တာတွေ၊
.
နှစ်ပါးသီတင်းသုံးရင် တစ်ပါးနဲ့တစ်ပါး သည်းမခံနိုင်အောင် ပြဿနာတက်လာတတ်တာတွေကို သတိပေးဖူးပါတယ်။
.
အပူ နဲ့ အအေး
အဖို နဲ့အမ
အကောင်း နဲ့ အဆိုး
ဓမ္မ နဲ့ အဓမ္မ
ကောင်းမှု နဲ့ မကောင်းမှု
စသည် ဒွန်တွဲနေတဲ့လောကကြီးမှာ လူတွေဟာ မိမိတို့ပြုသမျှကို ဓမ္မ လား အဓမ္မလား ဆိုတာ ... မိမိတို့ဆောက်တည်ခဲ့တဲ့ ပါရမီအနု အရင့်နဲ့သာခွဲခြား နိုင်တာကြောင့် .... ပါရမီရင့်သန်အောင်သာ ကြိုးစားကြပါလို့ တိုက်တွန်းရင်း ....
.
( ကျန်တဲ့မာရ် ( ၄ ) ပါးကို လာမယ့်တနင်္ဂနွေ ထပ်တင်ပေးပါ့မယ် )
.
ချမ်းမြေ့ကြပါစေရှင် ...
