ကိုယ်တော်အီဗရာဟီးမ် (မင်းကြီး သင်္ခါ) ( ၁ )

ကိုယ်တော်အီဗရာဟီးမ် (မင်းကြီး သင်္ခါ)

ကိုယ်တော် အီဗရာဟီးမ် ကို ကုရ်အံကျမ်းတော်တွင် အမည်နာမအားဖြင့် (၆၉)ကြိမ် ဖေါ်ပြပြီး။ ယုံကြည်ချက်၌ ယိုင်လဲမှု မရှိသော ပုဂ္ဂိုလ် (သရဏဂုံ မြဲသော ပုဂ္ဂိုလ်) “ဟနီးဖ်” ဟု ဘွဲ့တော်ရပေသည်။ အီဗရာဟီးမ် ဆိုသည့် အဓိပ္ပါယ်မှာ “လူမျိုးများ၏ ဖခင်” ဟု ဖြစ်ကြောင်း (သမ္မာကျမ်းစာ၏ ကမ္ဘာဦးကျမ်း ၁၇း ၆)၊ တွေ့ရပေသည်၊ အစ္စလာမ်ဘာသာဝင်တို့အား “မူဆလင်” ဟုခေါ်ခြင်းမှာ ကိုယ်တော် အီဗရာဟီးမ် လက်ထက်တော် ကတည်းက အသိအမှတ်ပြုပေးခဲ့သော အမည်နာမ ဖြစ်ပေသည်။ (၂၂း၇၈) နောက်ဆုံးပွင့် ဉာဏ်စဉ်တော်ဆောင် ကိုယ်တော် မုဟမ္မွဒ်သည် သူ၏မျိုးနွယ်ထဲမှ ဖြစ်ပေသည်။
ဤနေရာ၌ တင်ပြစရာ အနည်းငယ် ရှိပေသည်၊ မြန်မာ ဗုဒ္ဓဘာသာများ အနေဖြင့်လည်း ဤဘဒ္ဒကမ္ဘာ၌ နောက်ဆုံးပွင့် ပညတ်ဘုရား တစ်ပါး ပွင့်ပေါ်ရန် ရှိပေသည်၊ ထို ကိုယ်တော်၏ အလျှင် စကြာဝတေးမင်းကြီး သင်္ခါ ပွင့်ပေါ်လာမည်ဟု ပိဋကတော် စက္က၀တ္တိသုတ်၌ ဆိုထားပေသည်၊ ထိုမင်းကြီးတွင် အချွေအရံ မိဘုရား များနှင့် ပြည့်စုံသည့် အပြင် အဖိုးထိုက်လှသော သားဦးရတနာနှင့် သားသမီးများ အထောင်အသောင်း ရှိလိမ့် မည်ဟု ဆိုထားပေသည်။ (စက္က၀တ္တိသုတ် ၁၀၆)၊ ပိဋကတော်လာ ဖေါ်ပြသော စကားလုံးများအား ရှေးသုံး ပေါရာဏ ဝေါဟာရများနှင့် မကောက်ယူခဲ့သော် မင်းကြီးသင်္ခါ၏ သမိုင်းသည် ကိုယ်တော် အီးဗရာဟီးမ်၏ သမိုင်းနှင့် လွန်စွာ နီးကပ်မှု ရှိပေသည်။
ထိုသုတ်တော်၌ မင်းကြီးပေါ်ထွန်းမည့် အရပ်သည် ကျူပင် မြက်ပင်နှင့်တောတောင် ထူထပ်မှုတို့ ကင်းသည့် လူအများနေထိုင်ရာ ဇဗ္ဗူဒီပါကျွန်းဟု ဆိုထားသဖြင့်၊ ထိုအရပ်သည် တောတောင်များ အလွန်ထူပြောသည့် ဟိမ၀န္တာနှင့် နီးစပ်သည့် အရပ်ဒေသဟု သတ်မှတ် နားလည်ရန် မဖြစ်နိုင်ပေ။ ထိုအင်္ဂါရပ်မှာ ကျွန်းဆွယ် တစ်ခုခု နှင့်သာ ကိုက်ညီမှုရှိပေသည်။ ထိုအချက်ကို အဆိုပါသုတ်တော်ပါ “ပင်လယ်လေးတန်နှင့် ၀န်းရံလျှက်ရှိသည်” ဟုဆိုခြင်းက တိကျခိုင်မာ စေပေသည်။ ၎င်းသည် အာရေဗျ ကျွန်းဆွယ်တွင် ပေါ်ထွန်းခဲ့သော ကိုယ်တော် အီဗရာဟီးမ်၏ သမိုင်းများနှင့် ကိုက်ညီနေသည်ကို တွေ့ရပေသည်။
(၁) မင်းကြီးတွင် သားသမီး အထောင်အသောင်း ရှိမည်ဟူသော အချက်မှာလည်း။ အီဗရာဟီးမ်အား ကောင်းကင်မှ ကြယ်များ၏ အရေအတွက်ကို မရေတွက်နိုင် သကဲ့သို့ သားသမီးမျိုးနွယ် များပြားစေမည် ဟူသော (သမ္မကျမ်းစာ ကမ္ဘာဦး (၁၅း ၅)နှင့် တိုက်ဆိုင် နေပါသည်။

(၂) မင်းကြီးတွင် အဖိုးထိုက်တန်သော သားဦးရတနာ ရှိလိမ့်မည်ဟူသော အချက်မှာလည်း။ အီဗရာဟီးမ်သည် အဘိုးမဖြတ်နိုင်သော သားဦးရတနာ အီစ္စမာအီးလ်ကို ရခဲ့ပေသည်၊ သူ၏ ဖခင်အပေါ်၌ အနစ်နာခံမှုကို ယခုအခါ အစ္စလာမ်ဘာသာဝင်ပေါင်း သန်း၂၀၀၀ ခန့်(ကမ္ဘာ့ လူဦးရေ၏ သုံးပုံ တစ်ပုံ နီးပါး)က “စွန့်လွှတ်စတေးမှု” (ကုရ်ဘာနီ)ကို နှစ်စဉ် ဆောင်ရွက် နေရခြင်းက သက်သေတည်နေပေသည်။ ထိုအချင်းအရာကြောင့် ကမ္ဘာ့လူသားပေါင်းများစွာသည် သားအဖနှစ်ဦးအား မည့်သည်အခါတွင်မှ မေ့ကွယ်၍ မရနိုင်ပေ။
(၃) မင်းကြီးမှာ ထိုဇဗ္ဗူဒီပါကျွန်းမှ ကေတုမတီမည်သော နေပြည်တော်၏ ပြည့်ရှင်မင်း ဖြစ်မည် ဟူသော အချက်ကိုလည်း ကုရ်အံကျမ်းလာ သုတ်တော် (၂း ၁၂၄) တွင် “သင့်အား လူသားတို့၏ ရှေ့ဆောင်အဖြစ် ခန့်အပ်တော်မူပြီ” ဟူသော အချက်က ထောက်ပြနေပြီး။ သူပြန်လည် ထူထောင်ခဲ့သော မက္ကာဟ်မြို့အား မြို့ရွာတို့၏ မိခင်ဟု ကုရ်အံကျမ်းတော်က ဆိုပေသည်၊ (၆း ၉၂)။
(၄) မင်းကြီးသည် စကြာဝတေးမင်းကြီး ဖြစ်သည် ဆိုခြင်းကို- သင့်အားလူမျိုးကြီး ဖြစ်စေမည်။ သင်၏ နာမကို ကြီးမြတ် စေတော်မူမည်၊ ခါနန်ပြည် (ယခု အာရဗ်ကမ္ဘာ) ကိုသင်၏ မျိုးနွယ်အား အစဉ်အမြဲ အပိုင်ပေးမည်။ (ကမ္ဘာဦး ၁၂း ၂။ ၁၇း ၁၀) ဟူ၍တိုက်ဆိုင်နေ ပြန်သည်။
(၅) အံ့သြစရာကောင်းသည်က မင်းကြီးသင်္ခါသည် ရှေးရှေးက မင်းကြီး မဟာပန်နဒ အတွက်တည်ဆောက် ခဲ့သော အဆောက်အဦးတော်ကို ပြန်လည် မြှင့်တင်တော်မူလိမ့်မည် ဟူ သောအချက်ပင်တည်း။ အီဗရာဟီးမ်သည် သူ၏ သားဦးရတနာနှင့်အတူ ရှေးဟောင်း လူသားတို့ အမြတ်တနိုးထားသော အဆောက်အဦး (၀တ်ကျောင်းတော်) ကို ပြန်လည် မြှင့်တင်တော်မူခဲ့သည် ဆိုသည်ပင်ဖြစ်၏၊ (ကုရ်အံ ၂း ၁၂၇)။

မင်းကြီးသင်္ခါသည် နောက်ဆုံးပွင့်ပေါ်မည့် မေတ္တယျ (မေတ္တာ၏ ကံပုဒ်။ မေတ္တာပို့ ခံထိုက်သူ ) ဘုရားရှင် အတွက် ရှေးပြေးနိမိတ် ဖြစ်သည်ဟု ဆိုထားသကဲ့သို့

အစ္စလာမ်ဘာသာဝင်တို့က နောက်ဆုံးပွင့် ဉာဏ်စဉ်တော်ဆောင်ဟု အခိုင်အမာ ယုံကြည်သော မုဟမ္မဒ် (မေတ္တာပို့ခံထိုက်သူ)ကိုယ်တော်၏ ရှေးပြေးနိမိတ်မှာ ကိုယ်တော်အီဗရာဟီးမ် ဖြစ်ပေသည်။

မည်သို့ပင်ဖြစ်စေ ကျွန်ုပ်တို့ အနေဖြင့် ဘာသာတရားတစ်ခုနှင့် တစ်ခုအကြား နားလည်မှုရစေရန် ပိုမို နီးစပ်မှုရှိစေရန် စေတနာကောင်းများဖြင့် သုတေသန ပြုလုပ်သင့်ပေသည်။

ဌေးလွင်ဦး

.
ဆိုလိုတာက .....
ဗုဒ္ဓကျမ်းဂန်တွေမှာ စင်္ကြ၀တေးမင်းဟာ ဘဒ္ဒကမ္ဘာရဲ့ နောက်ဆုံးပွင့်မယ် အရိမေတ္တေယျ မြတ်စွာဘုရား လို့ အခိုင်အမာပါ ရှိသလို  ....
.
မွစ္စလင် အယူမှာလည်း အီဗရာဟင်ကနေ ဆင်းသက်လာတဲ့ မိုဟာမက်ဟာလည်း နောက်ဆုံး တမန်လိုကပြောတဲ့အတွက်
.

လူသူကင်းတဲ့ တောင်ပေါ်မှာ ဘုရားရှင်က တောင်းလို့ သူ့သားအရင်း အစ္စမေးကို လည်လှီးလိုက်တဲ့အခါမှာ အလှီးခံရတဲ့သူဟာ သူ့သားမဟုတ်ပဲ သူ့သားကျောင်းတဲ့သိုး တစ်ကောင် ဖြစ်သွားတယ်ဆိုတဲ့ ဒဏ္ဍရီလာ တမန် အီဗရာဟင် ဆိုတဲ့ လူက သင်္ခစင်္ကြ၀တေးမင်း ဖြစ်ပြီး
.
အီဗရာဟင် မျိုးဆက်ကနေ ဆင်းသက်လာတဲ့ မွစ္စလင်တွေရဲ့ နောက်ဆုံးတမန်မိုဟာမက်ဟာ အရိမေတ္တေယျ ဘုရား ဖြစ်ပါတယ်တယ် လို့ အခိုင်အမာ ဆိုလိုက်တဲ့သဘောပါ ။
.
အံ့သြပါ့ ကိုဌေးလွင်ဦးရယ် ......
အဲ့စကားကိုလေ ဆော်ဒီက ဘာသာရေးခေါင်းဆောင်တွေဆီမှာဖြစ်ဖြစ် နာမည်ကြီး AZHA တက္ကသိုလ်က ကျောင်းအုပ်ဆီမှာဖြစ်ဖြစ်သွားပို့ကြည့်လိုက်ပါလားဟင် ....
အကို့ကို လည်တောင်လှီးသတ်လိုက်လိမ့်ဦးမယ်။
ဂျူးတွေကို သွားပြရင်တော့ သူတို့ သမ္မာကျမ်းကို ပေါက်ကရဘာသာပြန်လို့ ရှင့်ကို နုတ်နုတ်စင်းကြလိမ့်မယ်။
.
ဘယ်မွစ္စလင်ဥသျှောင် နိုင်ငံမှ ဒီလို ၇ူးကြောင်ကြောင် ပေါက်လွှတ်ပဲစားအတွေး မတွေးကြဘူးရယ် ...။
ဘယ်လိုဖြစ်နိုင်မှာလဲရှင် ....
 .
ကဲ အရင်ဆုံး ကျမ်းဂန်လာ စကြ၀တေးမင်း အကြောင်း ပြောကြပါစို့ ....
စကြ၀တေးမင်း ......

အလျားယူဇနာ(၁၀၀)၊
အနံယူဇနာ(၂၅၀)၊
အ၀န်းယူဇနာ(၉၀၀) ရှိတဲ့ မဇ္ဈိမဒေသ အရပ် က မင်းမျိုးမင်းနွယ်မှာ မွေးဖွားမယ် ။
ကမ္ဘာတိုင်းမှာ မဇ္ဈိမဒေသ ဟာ ဘုရား ပစ္စေကဗုဒ္ဓ အဂ္ဂသာဝက၊ မဟာသာဝက စတဲ့ မြင့်မြတ်သူများ ဖြစ်ရာအရပ်ဖြစ်တယ်
.
ဒါကြောင့် ရေမရှိ အပင်မရှိ သဲကန္တာရလို ပစ္စန္တရစ်အရပ်မှာ ဘုရား ၊တန်ခိုးရှင်၊ ဗြဟ္မဏ၊ သူတော်စင်၊ မဖြစ် မပေါ် မပွင့်ပါဘူး
.
ပြီးတော့ စကြ၀တေးမင်းနဲ့ သူ့သားတော်ဟာ သိုးကျောင်းတဲ့ သိုးကုန်သည် သားအဖ မဟုတ်ပါဘူး ။ အလွန်တရာမြင့်မြတ်တဲ့ မဟာဆီ မဟာသွေးတွေပါ ။
.
သူ့မှာ ရတနာ ( ၇ ) ပါးရှိပါတယ် ....
စကြာရတနာ
ဆင်ရတနာ
မြင်းရတနာ
မြရတနာ
မိဖုရားရတနာ
သူဌေးရတနာ
သားကြီးရတနာ တဲ့ .....
.
စကြမင်းပေါ်တာနဲ့
စကြရတနာအရင်လာတယ်
ဆင်ရတနာ မြင်းရတနာ အတူတူဖွားတယ် ။ သာမန် ဆင်းမြင်းတွေနဲ့မနှိုင်းအပ်တဲ့ ဆဒ္ဒန်ဆင် အသထိုရ်မြင်းအမျိုးတွေဖြစ်တယ်။
.
ကုလားအုပ် ကို ရတနာလုပ်စီးပြီး ဆင် မြင်းဆိုတဲ့ အရာကို လုံးလား ပြားလားတောင် မသိတဲ့သူမဟုတ်ပါဘူး ။
.
မိဖုရားရတနာက အဆင်းလှတယ် ကြည်ညိုဖွယ်ရှိတယ် မြင့်ခြင်း၊ နိမ့်ခြင်း ဟူသော အပြစ်ခြောက်ပါး ကင်းတယ် ကိုယ်နံ့သင်းတယ် ။ ခံတွင်းနံ့ သင်းတယ် မဒ္ဒတိုင်းက မင်းမျိုး ဖြစ်တယ် မြောက်ကျွန်းသူ ဖြစ်တယ်။
.
အီဗရာဟင်ရဲ့ မိန်းမအကြောင်းကတော့ ပြောစရာမလိုတော့ဘူးထင်ပါတယ် ကျွန်မဆိုလားပဲ ။
.
သူဌေးရတနာကတော့ မြေကြီးအတွင်း တစ်ယူဇနာတိုင်တိုင် အရှင်ရှိပြီး မြှုပ်ထားသော ဥစ္စာ၊ အရှင်မဲ့ မြှုပ်ထားသော ဥစ္စာတွေကို မျက်စိနဲ့ မြင်နိုင်တယ်။ စကြ၀တေးမင်း စုံစမ်းခိုင်းတဲ့ အခါ ပိုင်ရှင်မဲ့ ရတနာတွေကို ယူပေးတယ်။
.
သားကြီးရတနာသည် ပညာရှိသည်၊ လိမ္မာသည်၊ သူတစ်ပါး၏ အကြံအစည်ကို သိနိုင်သည်။
တစ်နေ့လုံးကုန် သိုးပတ်ကျောင်းနေ၇တဲ့ သိုးကျောင်းသားမဟုတ်သလို သူ့အဖေသူ့ကိုသတ်ဘို့လာတာကို တောင်သူ့အဖေပြောမှသိတဲ့ သိုးကျောင်းသားမဟုတ်ပါဘူး။
ရှင်ပြောသလို သားသမီး ထောင်ချီ မရှိပါဘူး သားတော်တစ်ပါးထဲပါ ..။
.
စကြ၀တေးမင်း သေပြီး (၇)ရက်မြောက်နေ့မှာ စကြာရတနာ ကွယ်တယ်
ဆင်၊ မြင်းရတနာ သေတယ်
မြရတနာ ပျောက်ကွယ်တယ်
မိဖုရားရတနာ တန်ခိုးအာနုဘော် ကွယ်တယ်
သူဌေးမျက်စိ သာမန်မျက်စိသာရှိတော့တယ်
သားကြီးရဲ့ ဉာဏ်ပညာလဲ သာမန်ပညာတတ် တစ်ယောက် အဆင့်သသာ ဖြစ်တော့တယ်။
.
မဟာသုဒသန သုတ်တော်အရ စကြ၀တေးကျင့်ဝတ်သုံးပါးရှိတယ် ...
ဒါန = အလှူပေးခြင်း၊
ဒမ္မ = က္ကနြေ္ဒကို ဆုံးမခြင်း၊
သံယမ = ငါးပါး၊ ရှစ်ပါးသီလတို့ကို ဆောက်တည်ခြင်း၊(တစ်နည်း) ကိုယ်နှုတ်တို့ကို စောင့်စည်းခြင်း၊
(ဒီဃနိ ကာယ် ပါထိက၀ဂ် စက္က၀တ္တိသုတ်) အရ ဆယ်ပါး
သံမယ ဆယ်ပါးကတော့ ....

၁။ သားမယားတို့ကို သီလ၌ ဆောက်တည်စေခြင်း၊ အ၀တ် ပုဆိုး၊ နံ့သာ၊ ပန်း စသည်တို့ကို ပေးခြင်း၊ဘေးဥပဒ် မရှိအောင် စောင့်ရှောက်ခြင်း၊

၂။ အဘိသိက် ခံလေပြီးသော မင်းတို့အား မြည်း၊ မြင်း၊ အဿဇနေယျ စသော ရတနာတို့ကို ပေး၍ ချီးမြှောက်ခြင်း၊

၃။ မိမိထံ၌နေသော မင်းတို့ကို ထိုက်သည့်အားလျှော်စွာ ယာဉ်၊ သံလျင်းပေး၍ နှစ်သက်စေခြင်း၊

၎။ ပုဏ္ဏားတို့အား ထမင်း၊ အဖျော်၊ ပုဆိုး စသောလှူဖွယ်ဝတ္တုကို ပေးခြင်း၊ သူကြွယ်တို့အား မျိုးစေ့၊ ထွန်တုံး၊ ထွန်သွား၊ နွားလား စသည်တို့ကို ပေးခြင်း၊

၅။ နိဂုံး၊ ဇနပုဒ် နေသူတို့အား ထမင်း၊ မျိုးစေ့၊ ရိက္ခာ၊ ထွန်တုံး၊ ထွန်သွား၊ ကျွဲ၊ နွား စသည်တို့ကို ပေးခြင်း၊

၆။ ရဟန်းတို့အား ရဟန်းတို့နှင့်လျော်သော ပရိက္ခရာများ လှူဒါန်း၍ ပူဇော်ခြင်း၊

၇။ သားရဲတိရစ္ဆာန်တို့အား ဘေးမဲ့ပေး၍ သက်သာရာကို ရစေခြင်း၊

၈။ မတရားသော အမူအရာကို မပြုစေခြင်း၊

၉။ ဥစ္စာ မရှိသောသူတို့အား ဥစ္စာကိုပေးခြင်း၊

၁၀။ ရဟန်း၊ ပုဏ္ဏားတို့ထံသို့ကပ်၍ ကုသိုလ်၊ အကုသိုလ်၊ အပြစ်ရှိ၊ အပြစ်မရှိ၊ မှီဝဲအပ်၊ မမှီဝဲအပ် စသော တရားကိုမေး၍ အကုသိုလ်ကိုပယ်၊ ကုသိုလ်ကို ဆောက်တည်စေခြင်း၊
.
တစ်နှစ်တစ်ခါ ကုန်ဘာရီဆိုတဲ့ လည်လှီးတာနဲ့တင် တစ်ချက်မှ မညီတာသိလောက်ပြီ ထင်ပါတယ် ။
.
စကြ၀တေးမင်း တန်ခိုး .....
.
ကျွန်းကြီး လေးကျွန်း နှင့် အရံကျွန်းငယ် (၂၀၀၀) ကို အစိုးရတဲ့မင်းလို့ ကျမ်းဂါန်တွေကဆိုတယ်
ဇမ္ဗူဒိပ် မင်းအပေါင်းက ၀ပ်တွား ခညောင်းရတဲ့ မင်းဖြစ်တယ်
အလိုခပ်သိမ်းပြည့်စုံစေတတ်တဲ့ စကြရတနာရှိလို့ စကြ၀တေးမင်းလို့ခေါ်တယ်
 စကြ၀တေးမင်းကို မန္ဓာတု စကြာမင်း ၊ မန္ဓတ်မင်း လို့လည်းခေါ်တယ်
ဂေါတမ မြတ်စွာဘုရားအလောင်းဟာ မဟာသမ္မတမင်းကနေ စရေတွက်ရင် နှစ်ကျိပ်ရှစ်ပါးသော မင်းတို့မှာ ခုနစ်ဆက်မြောက် မန္ဓတ်မင်း ဖြစ်ဖူးပြီး
ကျွန်းငယ် အရံ (၂၀၀၀) နဲ့ တကွ ကျွန်းကြီး လေးကျွန်းမှာ စကြ၀တေးမင်း စည်းစိမ်ကို ခံစားတော်တယ်။
.
တန်ခိုး ၄-မျိုးရှိတယ်
.
လူတကာတို့ထက်လွန်ကဲသော အဆင်းရှိခြင်း၊
လွန်ကဲသောအသက်ရှည်ခြင်း၊
အနာရောဂါကင်းခြင်း၊
အမျိုးလေးပါးတို့၏ ချစ်မြတ်နိုးခံရခြင်း ......  စတာတွေဖြစ်တယ်။
.
အံ့ဘွယ် လေးပါး ရှိတယ် ......

ဘုန်းကံ ပါရမီအလျောက် အလွန်အဆင်း တင့်တယ်၍ အသံသြဇာရှိခြင်း ၊
သတ္တ၀ါတို့၏ ကောင်းကျိုးကို ဆောင်ရွက်တတ်ခြင်း ၊
ကောင်းကင်ခရီးဖြင့် သွားလာတတ်ခြင်း ၊
တရားနှင့်အညီ စိုးစံတတ်ခြင်း တို့ ဖြစ်တယ် ......

ဒီဂုဏ်တွေကြောင့် အခြားသော မင်း ၊ ပုဏ္ဏား ၊ သူကြွယ် ၊ ရသေ့ ၊ ရဟန်းတို့ဟာ အဆင်းကို ရှု၍မ၀ ၊ အသံကို ကို ကြား၍မ၀ ၊ တရားစကား နှီးနှော၍ မ၀ အောင် ဖြစ်ကြရတယ်
စကြာရတနာတန်ခိုးကြောင့် အခြားသော မင်းများ မတုပြိုင်နိုင်သော တန်ခိုးရှင်လည်း ဖြစ်တယ်။
.
ဗုဒ္ဓ၀င်မှာတော့ ဂေါတမ မြတ်စွာဘုရား အလောင်းတော်ဟာ ကောဏ္ဍညမြတ်စွာဘုရားထံတော်မှာ ဝိဇိတာ စကြာမင်းဖြစ်ပြီး
ရဟန်းအဖြစ် နဲ့

ပြီးတော့ သုဇာတမြတ်စွာဘုရားထံတော်၌ စကြာမင်းဖြစ်၍ ရဟန်းအဖြစ် ဗျာဒိတ်ခံယူတော်မူခဲ့တယ် ။
.
ကဲ .....
ပြောကြည့်ပါအုန်း အကို ဘယ်နေရာတွေမှာများ မြူတစ်မှုံစာလောက်လေးတောင် တူနေပါလိမ့် ရှင် ....
.
မိုဟာမက်နဲ့ ဂေါတမ ဗုဒ္ဓကွာခြားချက်ကိုတော့ လာမယ့်အပတ်ဆက်တင်ပေးပါ့မယ် ။
.
ချမ်းမြေ့ကြပါစေရှင် ....
.

http://islaminmyanmar.blogspot.com/2012/09/blog-post_2940.html