တစ်ကယ်တော့ ... ဘုရားရှင်ခြေရာတော် ... ဘုရားရှင်အရပ်တော် ... ပြီးတော့ ရှင်ဥပဂုတ္တဆိုတဲ့ ရဟန္တာလို့ပြောတဲ့ ပုဂ္ဂိုလ် အကြောင်းတွေကို ... မတင်ချင်ပါဖူး ... ဘာလို့လဲဆိုတော့ .... နူး တင်ရင် မြန်မာကလက်ခံထားတာနဲ့ ... လွဲနေမှာ ဖစ်တဲ့အတွက် ... မတင်တာပါ ...ခုတော့ ရှင်ဥပဂုတ္တ အကြောင်းတင်ပေးပါဆိုတာ ... လွန်ခဲ့တဲ့ ၄လကျော်လောက်ထဲက ...ခုထိ ၁၀ယောက်မကတော့တာနဲ့ တင်ပေး လိုက်တာပါ ... ။
တစ်ကယ်တော့ ရှင်ဥပဂုတ္တရဟန္တာ ရှိတယ်ဆိုတာ ထေရ၀ါဒရဲ့ ဘယ် ဘုရားဟော ပိဋကတ် ကျမ်းဂန်မှာမှ မပါ ပါဖူး ...
ဒီ ဇတ်လမ်းရဲ့ အစက ... ထုံးစံအတိုင်း ကြုံရာနေရာဒေသမှာ ... အဲ့ဒေသတွေမှာ လက်ရှိ ကိုးကွယ်တဲ့ ဘုရား သို့မဟုတ် နတ်ရဲ တွေနဲ့ ဘုရားရှင်ရဲ့ တရားတွေ ကို ရော သမမွှေပြီး သာသနာပြု တတ်ကြတဲ့ မြောက်ပိုင်း သာသနာဝင်တွေ လို့လူသိ များတဲ့ မဟာယနတွေကစတာပါ....။
ဒီလိုဆိုပြန်တော့ မြန်မာပြည်မှာ မဟာယန ဗုဒ္ဓဘာသာ ရှိခဲ့ မရှိခဲ့ ဆိုတာကို အရင်ဆုံးလေ့ လာကြရအောင်ပါ။
★ ★ မြန်မာနိုင်ငံ တွင် မဟာယန ဗုဒ္ဓသာသနာ ထွန်းကားခဲ့ပုံ
မဟာယန ဗုဒ္ဓဘာသာသည် ပျူခေတ်ကတည်းကပင် မြန်မာနိုင်ငံသို့ ရောက် ရှိနေခဲ့ပြီ ဖြစ်ကြောင်း၊ ပျူခေတ် ဘုရားလောင်းပုံပါ အုတ်ခွက်များက သက်သေ ခံနေခဲ့သည်။
ပျူမြို့တော်ဟောင်း များကို တူးဖော်ပြီး ဖြစ်သော်လည်း ပြည့်ပြည့်စုံစုံ သုတေသန မပြုရသေးသောကြောင့် ပျူခေတ်တွင် ဗုဒ္ဓဘာသာ တန္တရ၀ါဒ ထွန်းကားခဲ့ခြင်း ရှိ၊မရှိကိုမူ အတိအကျမ သိရသေးချေ။
ပျူခေတ်ကို ဆက်ခံသော ပုဂံခေတ် ၌ကား၊ သမိုင်းဝင်ဖြစ်ရပ်များ၊ သုတေသန အထောက်ထားများအရ မဟာယနဗုဒ္ဓဘာသာတဖြစ်လဲ တန္တရ၀ါဒ ထွန်းကားလျက် ရှိသည်ဟု ယူဆနိုင်ပါသည်။
★ မဟာယာနကျမ်းတစ်ခုဖြစ်သောအရှင်ဥပဂုတ္တဒိဗျာဝဒါနသက္ကတကျမ်းတွင်
ရှင်ဥပဂုတ္တမထေရ်မြတ်အား ယုံကြည်ကိုးကွယ်ခြင်းကို ပုဂံမင်းဆက်၌ပင် ရှိသည် ကိုတွေ့မြင်ရကြောင်း အဘယ်ကြောင့်ဆိုသော် ကျန်စစ်သားမင်း၏ သားတော် ရာဇ ကုမာရ် မင်းသားသည် မြင်းကပါအရပ်တွင် ဂူပြောက်ကြီးဘုရားကို တည်ထား ကိုးကွယ် ၏။ ထိုဘုရားစေတီရှိ နံရံဆေးရေး ပန်ချီတို့တွင် ရှင်ဥပဂုတ္တနှင့် အသောက မင်းကြီးတို့ သာသနာတော် ပြန့်ပွားရေး အတွက်ဆွေးနွေးနေ ပုံဆေးရေးပန်း ချီကျောက်ထွင်း ပန်းချီများအပြင် ရေးထိုးထားသော ကျောက်စာအရ ရှင်ဥပဂုတ္တနှင့် အသောကမင်းကြီးတို့ ဖြစ်ကြောင်းကို သိရှိရပါသည်။
★သက္ကရာဇ် ( ၁၁၅၄ ) ခုနှစ်တွင်ပုဂံ၌ရှင်အဂ္ဂ၀ံသ ရေးသားပြုစုခဲ့သော သဒ္ဒနီတိပါဠိ သဒ္ဒါကျမ်းတွင်လည်း
ရှင်ဥပဂုတ္တက မာရ်နတ်မင်းကို(ခါးပန်းကြိုးဖြင့်) ချည်နှောင်ကာ ဆုံးမတော်မူသည်။ (ဥပဂုတ္တောမာရဗန္ဓော)ဟု ဆေးရေးပန်ချီ၊ ကျောက်စာတို့တွင် ရေးသားထားသည်ကို တွေ့ရှိနိုင်ပါသည်။
★ ပုဂံခေတ် အရည်းကြီးများသည် တန္တရ၀ါဒ ( မဟာယန ) ကို ကျင့်သုံးခဲ့သူများပင် ဖြစ်သည်ဟု ယူဆခဲ့ကြသည်။
အနော်ရထာမတိုင်မီက အရည်းကြီးများသည် တန္တ၀ါဒီတို့ ကျင့်သုံးသော အရက်သေ စာသောက် စားခြင်း(မေရယ)၊ အမဲသားငါး စားခြင်း(မံသ)နှင့် ပန်းဦးလွတ်၊ ပန်းဦး အလှူခံကာ မေထုန် မှီဝဲခြင်း(မေထုန) လမ်းစဉ်တို့ကို ကျင့်သုံးခဲ့ကြသည် ဟု ဖော်ပြခြင်း များရှိခဲ့သည်။
အနော်ရထာမင်းသည် ထေရ၀ါဒဗုဒ္ဓဘာသာကို ယုံကြည် လက်ခံပြီးနောက် အရည်းကြီး တို့ ကို နှိမ်နှင်းခဲ့သည်။ သို့ရာတွင် အရည်းကြီးတို့၏လုပ်ရပ်မှာ လုံးလုံးပျောက် ကွယ်သွားခြင်း မဟုတ်၊ ခေတ္တတိမ်ငုတ် သွားခြင်း သာ ဖြစ်ပြီး ပုဂံခေတ် နရပတိစည်သူမင်း နောက်ပိုင်းတွင် ပြန်လည်ထွန်းကားလာသည်။
ဤမင်း လက်ထက်တွင် ထေရ၀ါဒဗုဒ္ဓဘာသာဝင် ရဟန်းတော်အချို့ သည် တောကျောင်း ဂိုဏ်းဟု ဂိုဏ်းသီးခြား တည်ထောင်လာကာ နေ့ညမဟူ အမဲသားငါး စားခြင်း၊သေရည်သေရက်သောက်ခြင်း တို့ကို ပြုကြလေသည်။
အိန္ဒိယတန္တ၀ါဒီတို့၏ လုပ်ရပ်တချို့ဖြစ်သောနတ်ဘုရား၊ နတ်ဘုရားမ ပူဇော်ကာ၊ မန္တာန်ရွတ်ဖတ်ခြင်း၊ အင်း၊ အိုင်၊ ခလှည့်လက်ဖွဲ့စီရင်ခြင်းစသည့် ဂန္ဓာရီကျင့်စဉ်များကို အကောင်အ ထည်ဖော် ခဲ့ကြသည်။ သိဒ္ဓိ(လိုရာပြီးစီးခြင်း)၊ မဟိဒ္ဓိ(တန်ခိုးအစွမ်း အမျိုးမျိုးပြည့် စုံခြင်း)လမ်းတို့ကို လိုက်ခဲ့ကြသည်။တောကျောင်း ဂိုဏ်းသည် အင်းဝခေတ် ၁၅ -ရာစုအထိ ထွန်းကားခဲ့သည်။
ထို့နောက်တွင်လည်း အရည်းကြီးတို့၏ အယူအဆဖြစ်သော ထွက်ရပ်ပေါက် လုပ်ငန်း၊ ဂန္ဓာရီလုပ်ငန်း လိုက်စားမှု့များ ကြိုကြားပေါ်ပေါက်ခဲ့သည်။ မျက်မှောက်ကာလတိုင် အချို့ က လိုက်စားနေဆဲ ရှိသည် ကို တွေ့နိုင်ပါသည်။
ထိုခေတ် အချိန်အခါက ထေရ၀ါဒဗုဒ္ဓဘာသာဝင် အမည်ခံအချို့သည်ပင် ထွက်ရပ်ပေါက် ပုဂ္ဂိုလ် ဆိုသူကိုလည်းကိုးကွယ်နေကြသည် ဖြစ်ရာ မဟာယန ကျမ်းများတွင်ပါသော အသေထွက်၊ အရှင်ထွက် ထွက်ရပ်ပေါက်သည်ဟု ခံယူသူတို့ အထွတ်မြတ်ထားသော ရဟန္တာအရှင်မြတ် ရှစ်ပါး ( သေလေးပါး၊ ရှင်လေးပါး ) တို့ကို ကိုးကွယ် ကုန်ကြသည် ...
သေလေပါးမှာ........
အရှင်မဟာကဿပ(ဝေဘာရတောင်ထက်)
ရှင်မဟာသံသာရ(ဥတ္တမတောင်)
ရှင်ဥပေက္ခေ(မကုလတောင်)
ရှင်ဓမ္မသာရ(မကုလတောင်) တို့ ဖြစ်ကြသည်။
ထိုရဟန္တာများသည် လူ့ဝေါဟာရအရပရိနိဗ္ဗာန်ပြုပြီးသော်လည်း မပုပ်မသိုး မပျက်မစီး ဆက်လက် ရှင်သန်နေသည်။ တန်ခိုးအစွမ်း ရှိနေသည်ဟု ယုံကြသည်ကြသည်။
ရှင်လေးပါးမှာ........
တောင်သမုဒ္ဒရာ၌ ကြေးပြဿဒ်နှင့်နေသော ရှင်ဥပဂုတ္တ၊
မြောက်သမုဒ္ဒရာ၌ ရွှေပြဿဒ်နှင့်နေသော ရှင်သာရဒတ္တ၊
အရှေ့သမုဒ္ဒရာ၌ ရွှေပြဿဒ်နှင့်နေသော ရှင်အက္ကောသာရ၊
အနောက်သမုဒ္ဒရာ၌ ကြေးပြဿဒ်နှင့်နေသော ရှင်မေဓရ တို့ ဖြစ်သည်ဟု ဆို၏။
ထိုအရှင်မြတ်များသည် နှစ်ပေါင်းထောင်ချီကာ မအိုမနာ မသေ ဆက်လက်ရှင်နေဆဲဖြစ်သည်ဟု ယုကြည်ကြသည်။ ( ထေရ၀ါဒနှင့် ဖြောင့်ဖြောင့်ကြီး ဆန့်ကျင်သောအယူဖြစ်သည်။ )
★ မြန်မာနိုင်ငံရှိ အမှန်တစ်ကယ် ထွက်ရပ် ပေါက်များ
အမှန်တစ်ကယ် ... သက်သေအထောက်အထား ရှိစွာ ထွက်ရပ်ပေါက် ပုဂ္ဂိုလ်ထူး များအဖြစ် မြန်မာ ပြည်၌ အလေးထားခံရသူများမှာ ရှင်အဇ္ဇဂေါဏ၊ ရှင်မထီး၊ ဘားမဲ့၊ ဘိုးဘိုးအောင်၊ ဘိုးမင်ခေါင်၊ ယက္ကန်းစင်တောင် ဆရာတော် စသည်တို့ဖြစ်ကြသည်။
ရှင်အဇ္ဇဂေါဏ၊ ရှင်မထီး၊ ဘားမဲ့ တို့မှာ ထေရ၀ါရအနွယ်ဝင်များ မဟုတ်ဘဲ အရည်ကြီး အဆက်နွယ်များသာ ဖြစ်ကြသည်။
ရှင်အဇ္ဇဂေါဏ မှာ အဂ္ဂိရတ်ဖြင့် ထွက်ရပ်ပေါက် ပြီး ရှင်မထီး နှင့်ဘာမဲ့ တို့မှာ ဂါထာ မန္တာန် အင်းအိုင်များဖြင့် ထွက်ရပ်ပေါက်သည်ဟု ဆိုသည်။
ထိုပုဂ္ဂိုလ်များသည် ယခုတိုင် ပျံလွန်ခြင်းမရှိသေးဘဲ ဆရာစဉ်ဆက် ၀င်စား လာကြ သည်။ ယနေ့တိုင် ဓာတ်စီး ၀င်ခြင်း၊ လူသတ္တ၀ါတို့အား ကျေးဇူးပြုခြင်း ရှိနေသေးသည် ဟု ဆိုသည်။
ဤအယူအဆများသည်လည်း ထေရ၀ါဒဗုဒ္ဓဘာသာနှင့် မကိုက်ညီကြောင်းမြဲသော အတ္တရှိသည်ဟု ယူဆသော အတွေးခေါ်မျိုးသာဖြစ်ကြောင်း ဝေဖန်ကြသည်။
ထိုပုဂ္ဂိုလ်များသည် သေလွန်ပြီးနောက်နတ်သောလည်းကောင်း၊ ဗြဟ္မာသော်လည်းကောင်း၊ဖြစ် သွားဖွယ် ရှိသည်ဟု ဝေဖန်ချက်များပေးခဲ့ကြသည်။
★ ★ ★ ဒီတော့ ဘယ်ကျမ်းဂန်တွေကြောင့် မြန်မာပြည်မှာ ရှင်ဥပဂုတ္တကို ကိုးကွယ်ကြ တာလဲ ဆိုတာ သုံးသပ်ကြရအောင်ပါ ....။
★ များလိုက်တဲ့ ဗျာဒိတ်တော် ..
( ၁ ) မဟာယာနဂိုဏ်းလာ ဒ်ိဗျာဝဒါနသက္ကတကျမ်းမှာ ရေးထားတာက
ဂေါတမမြတ်စွာဘုရားရှင်သည် မထုရာမြို့သို့ ကြွရောက်တော်မူခဲ့သည်။ ထိုမြို့တွင် ရှင်အာနန္ဒာအား ဤသို့ဗျာဒိတ်စကား မြွက်ကြားခဲ့သည်။ အာနန္ဒာ-ရှေးအခါက ဤမထုရာမြို့တွင် ဥရုမုဏ္ဍ မည်သော တောင်ကြီးရှိခဲ့၏။ တောင်၏တဖက်တွင် ပစ္စေကဗုဒ္ဓါ ငါးရာ နေကြသည်။ တဖက်တွင် ရသေ့ ငါးရာနေ၍တဖက်တွင် မျောက် ငါးရာ နေကြ၏။ မျောက်ငါးရာတို့၏ အကြီး အကဲ မျောက်မင်း သည်ပစ္စေက ဗုဒ္ဓါ တို့အား သစ်သီး သစ်ဥ စသည်တို့ဖြင့် ပြုစုလုပ်ကျွေး၏။
ပစ္စေကဗုဒ္ဓါတို့ ပရိနိဗ္ဗာန်စံတော်မူသောအခါ ရသေ့ငါးရာကို လုပ်ကျွေးပြန်သည်။ရသေ့ငါးရာတို့အား ပစ္စေက ဗုဒ္ဓါတို့ကဲ့သို့ တရားအားထုတ်ရန် မျောက်မင်းကလက်ဟန်ဖြင့် ပြသညွှန်ကြား၏။
ရသေ့ငါးရာလည်း ၀ိပဿနာတရားကို အားထုတ်လေရာပစ္စေကဗုဒ္ဓါများ ဖြစ်ကြသည်။ မျောက်မင်း လည်း အိုမင်းမစွမ်းဖြစ်ကာကွယ်လွန်လျှင် ပစ္စေကဗုဒ္ဓါတို့က နံ့သာ၊ ထင်း စသည်တို့ဖြင့် သင်္ဂြိုဟ်ကြ၏။
ထိုမျောက်မင်း သည် နောင်အခါ နံ့သာဆီ၊ နံ့သာမွှေးတို့ ရောင်းချသည့်သူဌေး၏သားဖြစ်ကာ ရှင်ဥပဂုတ္တဟု အမည်တွင်လျက် ငါဘုရား၏ သာသနာတော်ကိုစောင့်ရှောက်ကာ အကျိုးပြုပေလိမ့်မည်-ဟုဗျာဒိတ်ပေး ဟောကြားတော် မူခဲ့ပါသည်တဲ့
( ၂ ) မဟာယန အယူရောထွေးနေသော ထေရ၀ါဒဗုဒ္ဓဘာသာဝင် သီဟိုဠ် ဆရာတော်များရေးသော မဇ္ဈိမနိကာယ၊ မဇ္ဈိမပဏ္ဏာသ ပါဠိတော် ပရိဗ္ဗာဇက၀ဂ်၊ စူဠသကုလုဒါယီသုတ်၌
ရှင်ဥပဂုတ္တရဟန္တာ အလောင်းအလျာဖြစ်သည့် စူဠသကုလုဒါယီ ပရိဗိုဇ်မှ ဘုရား ရှင်နှင့်တွေ့ခွင့်ရ၏။ ဘုရားရှင်ထံ ရဟန်းအဖြစ်ကို ရလိုကြောင်းခွင့်တောင်းရာ ဘုရားရှင် က ခွင့်ပြုတော်မူသည်။ သို့ရာတွင် ၄င်း၏တပည့်ပရိဗိုဇ်များက ၀ိုင်းဝန်း တားမြစ်ကြ သဖြင့် ရဟန်းပြုခွင့် မရရှိလိုက်ပေ။
စူဠသကုလုဒါယီ ပရိဗိုဇ်သည် မြတ်စွာဘုရား ပရိနိဗ္ဗာန်စံတော် မူပြီးနောက် အနှစ် တရာရှိသော် သီရိဓမ္မာသောကမင်း (အသောကမင်း) လက်ထက်တွင် ရဟန္တာဖြစ်၍ တန်ခိုးဣဒ္ဓိပါဒ် စွမ်းအားကြီး မားတော်မူမည်။
သီရိဓမ္မာသောကမင်းသည်စေတီပေါင်း ရှစ်သောင်းလေးထောင် စသော ဒါနအလှူကြီး များ ပြုလုပ် သည့်အခါ မာရ်နတ်မင်းနှောင့်ယှက်ခြင်း မပြုနိုင်ရန် ကာကွယ်စောင့်ရှော က် လိမ့် မည် လို့ ဗျာဒိတ် တော်ထားခဲ့ပါတယ်လို့ ရေးထားပြန်ပါရော...။
( ၃ ) မဟာယန ကျမ်းတစ်ခုတွင်လည်း
ဘုရားရှင်လက်ထက်တော်က ဆွမ်းခံကြွလာသော ဘုရားရှင်အား ပီယဒဿီ-အမည်ရှိ သူဌေးသားသူငယ်က ကြည်ညိုသဒ္ဓါ လှသဖြင့် (မိမိတို့ကစားနေသော နေရာတွင် အခြားလှူဖွယ်ပစ္စည်းလည်း တစုံတရာ မရှိသဖြင့်) ကစားနေသော မြေမှုန့်များကိုသာ
အမွန်အမြတ်ပြုကာ ရိုရိုသေသေ လောင်းလှူလိုက်လေ၏။ ထိုသဒ္ဓါတရား အလှူကု
သိုလ်အဟုန်၏ အကျိုးပေးကို သိမြင်တော်မူသော ဘုရားရှင်က သာသနာနှစ် ဤရွေ့ ဤမျှ အချိန်တွင် အသောကမင်းကြီး၏ အနုမောဒနာပွဲ၌ မာရ်နတ်၏ အန္တရာယ် ခပ်သိမ်း မှ တားဆီးကာ အသောကမင်းကြီး၏ သာသနာပြုခြင်းကို ကူညီထောက် ပံ့မည့် ဥပ ဂုတ္တမည်သော ရဟန္တာဖြစ်လတံ့ ဗျာဒိတ်တော် ၇ှိလာပါသည် ဟု ရေး ထားပြန် ပါသည်။
( ၄ ) ရာဇ၀ံသကျမ်းနှင့် လောကပညတ္တိကျမ်းမှာတော့
ဗာရာဏသီပြည့်ရှင် ဗြဟ္မဒတ်မင်းကြီးသည် သားသမီးမရရှိသောကြောင့် အမွေခံ သားသမီးရရန် ကြီးစွာသော မဟာဒါနကို ပြုလုပ်ပေးလှူ၏။ ထိုစဉ် တံငါသည်တို့က ငါး၏၀မ်းထဲမှ လူမိန်ကလေး ရရှိသဖြင့် မင်းကြီးအား ဆက်သကြသည်။ မင်းကြီးလည်း ၀မ်းမြောက်စွာဖြင့် မွေးမြူထား၍ မစ္ဆဒေ၀ီဟု အမည်ပေးထား၏။ မစ္ဆဒေ၀ီအရွယ်ရာက် လာသော် ကိုယ်မှ မကောင်းသော အပုပ်နံ့ထွက်ရာ မည်မျှပင် ကုသပါသော်လည်း အပုပ်နံ့ မပျောက်ချေ။ ထို့ကြောင့် စားနပ်ရိက္ခာ အပြည့်အစုံနှင့် ဖောင်ပေါ်တင်ပြီး မြစ် တွင် မျှော လိုက်လေသည်။
မြစ်အကွေ့တခုတွင် ရှင်ဥပမည်သော ရသေ့က မြစ်တဖက်ကမ်းသို့ ကူးလို၍ ပို့ပေး ရန်ပြောရာ မစ္ဆဒေ၀ီကသူ၏မျက်နှာကို မကြည့်လျှင် ပို့ပေးမည်ဟုပြော၏။ ရသေ့က မကြည့်ပါဝန်ခံသဖြင့် တဖက်ကမ်းသို့ပို့ပေး၏။
ကမ်းသို့ရောက်သောအခါ ရသေ့က အမျိုးသမီး၏ အမျိုးအနွယ်ကို သိလိုသဖြင့် မစ္ဆဒေ၀ီအား ကြည့်လိုက်ရာ မျက်နှာချင်းဆုံမိသောကြောင့် မစ္ဆဒေ၀ီတွင် ပဋိသန္ဓေ တည်ရှိသွားလေ၏။
ထို့ကြောင့် ရသေ့အား ပြောပြ၍ စောင့်ရှောက်ရန် မေတ္တာရပ်ခံရာ ရသေ့က သဘော တူသည်။ သားကိုဖွားမြင်သည့်အခါ ရသေ့ဥပ၏ စောင့်ရှောက်ကျွေးမွေး သည်ကို အစွဲပြု၍ ဥပဂုတ္တဟုအမည်ပေး၏။
အရွယ်ရောက်သောအခါ ရဟန်းပြု၍ တရားကျင့်ရာဈာန်သမာပတ် တို့ကို ရရှိသော ရဟန္တာဖြစ်ပြီး လျှင် တောင်သမုဒ္ဒရာ၌ကြေးပြာသာဒ် နှင့်စံနေတော်မူသည်။
သီရိဓမ္မာသောကမင်းကြိး၏ မဟာဒါန အလှူတော်ကြီး ကောင်းမွန်ပြီးစီးအောင်မြင်ရန် မာရ်နတ်မင်း၏ အန္တရာယ်တို့ကို တားဆီးလျက် မာရ်နတ်မင်းအား လည်းဆုံးမတော် မူ၏ ဟုရေးထားပြန်ပါသည်။
( ၅ ) ရှင်ဥပဂုတ်ပူဇော်နည်းနှင့် ကိုယ်တွေ့ဖြစ်ရပ်ဆန်းများ စာအုပ်တွင် ရှင်ဥပဂုတ် သည် မစ္ဆဒေ၀ီ၏ သားဟုဖေါ်ထားသော်လည်း ဒိဗျာဝဒါနကျမ်းတွင် ရှင်ဥပဂုတ်သည် မဓုရပြည်သားရေမွှေး ကုမ္ပဏီပိုင်ရှင်ဂုတ္တ၏သားဟူ၍ဖေါ်ပြလေ၏။
( ၆ ) မုန်ရွေးဇေတ၀န် ဆရာတော်ဘုရားကြီး ပြုစုသော သမန္တစက္ခုဒီပနီကျမ်း တွင်
အရှင်ဥပဂုတ္တ၏ အတ္ထုပ္ပတ္တိ ၀တ္ထုထုံးစံများကို ခိုင်ခိုင်ခံ့ခံ့ ဒဠှီကမ္မဉာ ပကပြု၍ မှတ်းသား လောက်အောင် ကျမ်းဂန်ကို မတွေ့ဖူးသော်လည်း ရာဇ၀ံသကျမ်း၌ သီရိ ဓမ္မာသောက မင်းကြီးသည် စေတီ ရှစ်သောင်းလေးထောင်တို့ကို အနုမော ဒနာပြုသော ကာလ မာရ်နတ်ကို အရှင်ဥပဂုတ္တကဆုံးမကြောင်း၊ သဒ္ဒါကစ္စည်းကျမ်း သဒ္ဒနီတိကျမ်းတွင်ဥပဂုတ္တေနမာရဗန္ဓောဟုဥဒါဟရုဏ်သာဓကထုတ်ဖော်ကြောင်း၊
( ၇ ) မိလိန္ဒပဥှာတွင်ယထာ မောဂ္ဂလိပုတ္တတိဿ တ္ထေရာဥပဂုတ္တတ္ထေရာဒယော နိဒ္ဒိဿတိ၊ ဧ၀ံဧတေပိနိဒ္ဒိသတိမယံပရိနိဗ္ဗုတေပဉ္စသတ ၀ဿသတေကာလေ ဧတေ ဥပဇ္ဇိဿန္တိစသည်ဖြင့်အရှင်မောဂ္ဂလိပုတ္တတိဿမထေရ်၊အရှင်ဥပဂုတ္တထေရ်စသည်တို့သည်တရားညွှန်ပြသကဲ့သို့ထို့အတူပရိနိဗ္ဗာန်စံပြီးနောက်အနှစ်ငါးရာတိုင်သော် ဖြစ်ကုန်လတံ့၊တရားညွှန်ပြကုန်လတံ့ဟုဗျာဒိတ်ထားတော်မူကြောင်းများကိုသာ တွေ့ဖူးချေသည်ဟူ၍ ဖော်ပြထားပါသည်။
( ၈ ) ရှင်ဥပဂုတ္တကို ပူဇော်ကိုးကွယ်သော အရပ်ဒေသတွင် နတ်ဆိုးနတ်ယုတ်များ မဖမ်းစားနိုင်ခြင်း၊ မြေဘုတ်ဘီလူး တစ္ဆေ၊ သရဲ၊ စသည်တို့ မကပ်ရောက်နို င်ခြင်း၊ ရော ဂါကင်းခြင်း၊ စသည့်အကျိုးများကို ရသည်ဟု ဘားမဲ့ဆရာတော်က မိန့်တော်မူ ခဲ့ကြောင်း မှတ်သားဖူးသည်။
အထက်ဖော်ပြခဲ့သည့်ပုဂ္ဂိုလ်များအထောက်အထားအကြောင်းအရာများအရမဟာယနကျမ်းလာ ရှင်ဥပဂုတ္တမထေရ်မြတ် ကို မြန်မာထေရ၀ါဒ သာသနာတော်ဝင် လူအများ ယုံကြည် ကိုး ကွယ်ပူဇော်ကြသည်ဟု ယူဆမိပါသည်။
★ ★ ★ ကဲ....ဒီတော့.. နောက်ဆုံး ကောက်ချက်ချကြည့်၇ရင် တော့
★ ★ သီဟိုဠ် မဟာယန ဆရာတော်တွေက သူတို့ ဘုရားဟောမဟုတ်တာကို သာဓက တစ်ခုခု ပေးချင်ပြီဆိုရင် အမည်မသိ ဗာရာဏ မင်းမသိ ဗြဟ္မဒတ် ဆိုတဲ့အတိုင်း ဗျာဒိတ်တော်တွေမှာ ... ဗာရာဏသီ ဗြဟ္မဒတ် လို့သုံးထားခြင်းကို ကြည့်ခြင်းအားဖြင့် မဟာယနဂိုဏ်းမှ လုပ်ကြံဖန်တီး ၍ရောသမမွှေကာ ၀င်ရောက် လာသော ရှင်ဥပဂုတ္တ ဇာတ်လမ်းသည် ဖြူစင်သော သန့်ရှင်းသော စင်ကြယ်သော ,မြင့်မြတ်သော အထက်တန်း ထေရ ၀ါဒ ဗုဒ္ဓဘာသာ၌ အမည်းစက်တစ်ခုသာဖြစ်ပေလိမ့်မည်။
★ ★ ဗျာဒိတ်တော်တွေက အမျိုးမျိုး ပြောင်းနေခြင်း ကြောင့်လည်း တစ်ကယ်ရှိမရှိဆိုတာ သံသယဖစ်စရာပါ
★ ★ မဟာယန ဂိုဏ်းသားတွေဟာ ဘာသာဝင်အားလုံး ဘုရားဆုပန် (ဗောဓိသတ္တ) များသာ ဖြစ်ကြရမယ် ဆိုတဲ့ အယူဝါဒရှိပါတယ် ... ဒီရှင်ဥပဂုတ် ဒဏ္ဍာရီက မရ်နတ်ကြီး ညည်းတွားသံက ဒါဟာမဟာယနအယူဆိုတာ ခိုင်မာတဲ့ သက်သေပါ ..။
★ ★ မာရ်နတ် နဲ့ ရှင်ဥပဂုတ် တန်ခိုးပြိုင်ပြီး ရှင်ဥပဂုတ္တက မာရ်နတ်ရဲ့ လည်ပင်း ကို ခွေးသေကောင် ပုတ်ကြီး စွပ်ပေးလိုက်တဲ့အခါ မာရ်နတ်ဟာ နတ်ပြည်၊ ဗြပ္မာာ့ပြည် များမှာ သွားပြီး ချွတ်ပေးဘို့တောင်းပန် ခဲ့ပါတယ်တဲ့ ဒါပေမယ့် ဘယ်သူမှ မချွတ်ပေးရဲကြဖူးတဲ့ ဒီအခါမာရ်နတ်ကြီးဟာ ဘယ်လိုညည်းတွားလဲဆိုတော့...
ငါသည် ရှေးအခါက မြတ်စွာဘုရားအား များစွာဖောက်ပြန်သော အမှုကိုပြုခဲ့၏မြတ်စွာ ဘုရား သည် ငါ့အား တစ်စုံတစ်ခုသော ညှင်းဆဲခြင်းကို မပြု ၊ယခုသာဝက(ရှင်ဥပ ဂုတ်) သည် သနားခြင်း မရှိ သည်ဖြစ်၍ ငါ့အားညှင်းဆဲနှိပ်စက်ဘိ၏
ငါသည်ရှေးရှေးသော ဘ၀ကလည်း ဘုရားရဟန္တာဖြစ်အောင် ပုညအစု ကောင်းမှု အထူးကို ဆည်းပူးခဲ့ပြီး ဤကုသိုလ်၏အာနိသင်ကြောင့်နောင်သောအခါ ဘုရားဆုကို သာ ရလိုပါ၏ ။သတ္တ၀ါတို့အား သနားခြင်းမရှိသော သာဝက မဖြစ်လိုပါ
ဒီဆုတောင်းတွေအရ မဟာယာန တို့၏ သာဝက(ရဟန္တာ)မဖြစ်ချင် ဘုရားလောင်း (ဗောဓိသတ္တ) သာ ဖြစ်ချင်သည် ဆိုသည့်အချက် နှင့် တစ်ထပ်တည်းကျနေပါတယ်..။
★ ★ မာရ်နတ် နဲ့ ရှင်ဥပဂုတ် တန်ခိုးပြိုင် ရာ မာရ်နတ်ကြီး ရှုံးပြီး ရှင်ဥပဂုတ္တက မာရ်နတ် ရဲ့လည်ပင်း ကို ခွေးသေ ကောင် ပုတ်ကြီး စွပ်ပေးလိုက် သည်တဲ့
ဒီမှာလဲမေးစရာ တစ်ခုရှိနေပြန်ပါတယ် ... ဗုဒ္ဓ ပစ္စေကဗုဒ္ဓ ရဟန္တာ များ တန်ခိုးပြခြင်း မရှိကြပါ ...
★ ★ မြတ်စွာဘုရားရှင် ကိုယ်တော်ဟာ သည်တပည့်သာဝကတို့ကိုတန်ခိုးအရာမှာ အားပေးတော်မူခြင်း မရှိခဲ့ပါ။
ဝေရဉ္ဇာပြည်ဒု ဗ္ဘိက္ခ န္တရ ကပ်ကြီး ဆိုက်ရောက်၍ ဆန်ကွဲထ္မင်းကို မျှတရုံ ဘုဉ်းပေးနေရသော အချိန် လက်ဝဲတော်ရံ အရှင်မဟာ မောဂ္ဂလာန် မထေရ်မြတ်မှ - ဘုန်းတော်ကြီးတော် မူသောမြတ်စွာဘုရား ကမ္ဘာ ပထ၀ီမြေကြီး၏ အောက်အပြင်တွင် အလွန်ချိုမြိန်ကောင်းမြတ်သောမြေဆီ မြေလွှာ မြေသြဇာများရှိပါ
သည်။ ထိုမြေဆီမြေလွှာများကို ယူ၍ ရဟန်းသံဃာတော်တို့အားဆက်ကပ်ပါမည် ခွင့်ပြုတော်မူပါ ဟုမြတ် စွာဘုရား အားလျှောက်ထားရာ
ဘုရားရှင်က ချစ်သား မောဂ္ဂလာန် သတ္တ၀ါတွေကို သင်ဘယ်လိုဆောင်ရွက်မည်နည်း ဟု မေးပါတယ် ဒီအခါ မထေရ် မြတ်က မှန်လှပါဘုရားတပည့်တော်၏ လက်တစ်ဘက်ကို ယ္ခုနေသောမြေကြီး အဟန်ဖန်ဆင်း၍ လက်တစ်ဘက်ဖြင့် မြေဆီမြေလွှာကိုယူပါမည်ဘုရားဟု လျှောက်ထားပါတယ် ..
ထိုအခါ ဘုရား ရှင်ကအလံတေမောဂ္ဂလာန မာတေရုစ္စိပထ၀ိံပရိဝတ္တေတုံ၊၀ိပ္ပလ္လာသံ ပိသတ္တာပဋိလဘေယျုံ အစရှိသော ဂါထာကို မိန့်တော်မူပါ တယ် အဓိပ္ပါယ် ကတော့
ချစ်သားကမ္ဘာပထ၀ီမြေကြီး ကိုပြောင်းပြန်လှန်ပြီးမြေဆီမြေလွှာ ကိုယူဖို့သင်မနှစ် သက်ပါနှင့်။ သတ္တ၀ါတွေဟာ သင်တို့လွန်မြောက် ရာ ကာလရောက်သော်ဖောက်ပြန် ခင်း အမှုကိုပြု ကြပေလိမ့် မည် ဟုအရှင်မဟာမောဂ္ဂလာန်၏ တန်ခိုးအရာကိုကန့့် ကွက် တော်မူခဲ့ပါတယ်
★ ★ အရှင်ပိဏ္ဍောလဘာရဒွါဇမထေရ်စန္ဒကူးသပိတ်ကိုတန်ခိုးပြ၍ယူရာ တွင်လည်းနောင် အခါတန်ခိုးမပြရ အာပတ်သင့်စေ ဟုတားမြစ်တော်မူခဲ့ပါ၏။
★ ★ ဒီတော့ မာရ်နတ်ကို တရားမဟောပဲ တန်ခိုး ပြိုင်ခြင်းဟာ စဉ်းစားစရာပါ .... ဒါ့အပြင် ဘုရားရှင် လက်ထက်တော်က မာရ်နတ်ရဲ့ ဦးရီးတော်ခဲ့ဖူးသူ ရှင်သာရိပုတ္တရာ ဆုံးမခဲ့တဲ့အတွက် မာရ်နတ်ဟာ သံဝေဂ ရပြီးတဲ့အထောက် အထားတွေ ရှိနေပါတယ်။
★ ★ ★ ကဲနောက်ဆုံးး ရှင်ဥပဂုတ္တ ကိုဘာကြောင့်ကိုးကွယ်သနည်း လို့ သုံးသပ်ကြရအောင်ပါ...
★ ယ္ခုရှင်ဥပဂုတ္တကို အဘယ့်ကြောင့် ကိုးကွယ်ကြသနည်း ဟုလေ့လာကြည့် ရာတွင် အသောကမင်း အလှူပွဲတွင် မာရ်နတ်ကိုနှိမ်နင်း၍ အနိူင်ရ လောက်အောင် တန်ခိုးကြီးသောကြောင့် ဆိုသည့် အဖြေကိုတွေ့ရလေ၏ ။
★ ဒါဆို တန်ခိုးကြီး တဲ့ ရဟန္တာကိုမှ ကိုးကွယ်ချင်ကြတယ် ဆိုရင် တန်ခိုးအရာ ဧတ ဒဂ် ရတော်မူတဲ့ လက်ဝဲတော်ရံ မထေရ်မြတ်ကြီးကို မကိုးကွယ်သင့်ပါလော
★ ယ္ခုရှင်ဥပဂုတ္တသည် ငါတို့၏ထေရ၀ါဒ ပိဋကတ်ကျမ်းတို့တွင်မလာမရှိပေ။ သဒ္ဒါကျမ်းများတွင် ဥဒါဟရုဏ်ပုံစံ(example) အနေဖြင့် ဥပဂုတ္တေနမာရော ဗန္ဓော။ ဟုသာထုတ်ပြထားလေ၏။ သို့စဉ်လျှင် ပုရိသေနသြဒနောပစ္စတေ--စသည်တို့ကိုမည်ကဲ့သို့သဘောထားကြလေမည်နည်း ။
★ ★ ရှင်ဥပဂုတ်နှင့်ပတ်သက်၍စကြာ ရန်အောင်ဆရာတော် ရေးသားတော်မူသော- ဗုဒ္ဓနိူင်ငံတော်- စာမျက်နှာ(၄၉၀)တွင် ဤကဲ့သို့ဖေါ် ပြထားလေ၏။
( က ) မဟာယာန ဗုဒ္ဓဘာသာမှတ်တမ်းများအရ အသောကမင်းတရား လက်ထက်က မဓုရမြို့အနီးနတဘာသိတတောအုပ်ကြီး အတွင်းဂုရုမုဏ္ဍတောင် ပေါ်တွင် သီတင်း သုံးသော ဥပဂုတ္တမထေရ် စသည်ဖြင့် မဟာယာနမထေရ် တစ်ပါးသာဖြစ့်ကြောင်းပြဆို ထားလေ၏ ။
( ခ ) ဆရာဇာဂရုဆိုသောပုဂ္ဂိုလ် တစ်ဦးရေးသားသည့် ရှင်ဥပဂုတ္တရဟန္တာ ပူဇော် နည်းနှင့်ပရိတ်တော် စာအုပ်တွင်ရဟန္တာဟုပြဆိုထားရုံမျှမက ဣုန္ဒဂုတ္တ အဿဂုတ္တ မထေရ်ကြီးများပင် ရှင်ဥပဂုတ်ဖြစ်ကြောင်းပြ ဆိုထားရာ များစွာရောထွေးသွားလေ၏။
( ဂ ) သို့ရာတွင်မဟာယာန သာသနာဝင်ဖြစ်သော သက္ကတဘာသာရေး ဒိဗျာဝဒါန ကျမ်းမှ ရှင်ဥပဂုတ် အတ္ထုပ္ပတ္တိကို ဖတ်ရှုရပေရာ တနည်းအားဖြင့် ထိုကျမ်းဆရာ အား ကျေးဇူး တင်ရပေသည်။
ထိုစာအုပ်မှာ ဒိဗျာဝဒါနမဟာယာနသာသနာဝင် ကိုမူထား၍ ဟိန္ဒူပညာရှင်များ ခရစ်ယာန်သာသနာပိုင် ကာလ်ဒ၀ဲလ် စသောပညာရှင်များ၏ (သက္ကတ၊ဟိန္ဒီ၊အင်္ဂလိပ်) အဆိုအမိန့် များကိုပေါင်းစပ်၍ သုတေ သနပြုထားသောကျမ်းဖြစ်သည်
ရှင်ဥပဂုတ်သည် မဓုရပြည်သားရေမွှေးကုမ္ပဏီပိုင်ရှင် ဂုတ္တ၏ သားငယ်ဖြစ်ပြီး ရှင်ဥပဂုတ်သည် လက္ခဏာကြီးငယ် မပါသောဘုရားတစ်ဆူ ဖြစ်ကြောင်း
အဃတ်စ်တျသံဟိတာကျမ်း၊အဃတ်စ်တျဂီတာကျမ်း၊သကလအာဒိကာရကျမ်း များပြုစုကြောင်း ဂဏန်းကျမ်းကောင်းကင်နက္ခတ် ကုမ္ဘစက်ဂြိုဟ်နေကြတ် လကြတ် စသည် တို့ကိုဓာတ်စေတော်မူသည့် တန်ခိုးကုဒ္ဓိပါဒ်အရှင်ဖြစ်ကြောင်း ရေးသား ထားတာ ကိုဖတ်ခြင်းအားဖြင့် ရှင်ဥပဂုတ်ဟူသည် မည်သို့သောပုဂ္ဂိုလ်ဖြစ်ကြောင်း ကွဲကွဲပြားပြား သိစေမှာပါ။
စည်းပွား အာဏာ ရာထူး စသည်တို့အတွက် ကိုးကွယ် ပသခြင်း ဆိုတာ သေချာ သွားပါတယ်။
★ ★ မိမိတို့ယုံကြည်ရာအလိုက်ကိုးကွယ်နေကြတာကို မပြောလိုသော်လည်း အရှေ့နှင့် အနောက်ခြားနား လှသော သဘာဝ နှစ်ခုကိုမူ ထပ်တူပြုခံယူရေးသားခြင်း ဗုဒ္ဓအယူနှင့်ဖြောင့်ဖြောင့်ကြီးဆန့်ကျင်နေသည်ကို ထပ်တူပြုခြင်းသည် ဆိုးရွား လှပါ သည်။
★ ★ နောက်ဆုံး ကောက်ချက်ချကြည့် ရရင်ဖြင့် ရှင်လေးပါးကိစ္စပါ ပေါင်းဆို ချင်ပါတယ်။ (၁)တောင်သမုဒ္ဒရာရှိ အရှင် ဥပဂုတ္တ၊ (၂) အနောက်သမုဒ္ဒရာရှိ အရှင်ခေမ (၃)မြောက်သမုဒ္ဒရာရှိ အရှင်ဘဒ္ဒ (၄)အရှေ့သမုဒ္ဒရာရှိ အရှင်ဓမ္မသာရတို့ ကို ယခုတိုင် သက်ရှိထင်ရှားရှိသောတန်ခိုးရှင်များအဖြစ် ယုံကြည်ကိုးကွယ်ကြ၏။
မိမိတို့ကား ယင်းမထေရ်ကြီးတို့သည် ဆဠာဘိညာပတ္တရဟန္တာများအဖြစ် လက်မခံခြင်းမျိုးမရှိ။ စာမတင်မိသောသမိုင်းတွင် ယင်းကဲ့သို့ဖြစ်နိုင်၏။ သို့သော်…..…ယခုတိုင် သက်ရှိထင်ရှား ရှိနေတယ်လို့ ဆိုကြ၀ယ် ဣဒ္ဓိပါဒ်လေးပါးနှင့် အသက်အာယကို ဆက်စပ်စဉ်းစားမိ၏။ “ဣဒ္ဓိပါဒ်လေးပါးကို ပွားများထားပါက ထိုပုဂ္ဂိုလ်များသည် အလိုရှိသည်ဖြစ်အံ့ တစ်ကပ်လုံးသော်လည်းကောင်း ထိုထက် အလွန်သော်လည်းကောင်း တည်နိုင်၏ဟု” သုတ်မဟာဝါမဟာပရိနိဗ္ဗာနသုတ်တွင် မြတ်ဗုဒ္ဓ မိန့်တော်မူ ခဲ့ခြင်းကြောင့် သေလောက်သောရောဂါပင် ရှိစေဦး တစ်ကပ်ပြည့်အောင် ထို့ထက်လွန်အောင် မိမိ၏ သက်တမ်းကို ဆွဲထားနိုင်၏ဟု မှတ်သားရ၏။
ကပ်ဟူသောစကားသည် (၁)အာယုကပ် (၂) အန္တရကပ် (၃) အသင်္ချေယကပ် (၄)မဟာကပ်ဟု ပြားသည်ကို သိရာ၏။ ထိုတွင် ဘုရားရှင်တို့သည် ပြိုင်ဆိုင်ပွင့်ရိုးမရှိခြင်း တစ်ကမ္ဘာအတွင်း ၅-ဆူအထိ ပွင့်နိုင်ခြင်းတို့ကို ထောက်ဆက မဟာကပ်စသည်ကို မဆိုလို။ အာယုကပ်(သက်တမ်းတစ်ခု)ကိုသာ ဆိုသည်ဟုသိရာ၏။
မြတ်စွာဘုရားစသော ဣဒ္ဓိပါဒ်နှင့်ပြည့်စုံသော ပုဂ္ဂိုလ်များသည် မည်သည့်ရောဂါပင်ဖြစ်စေ (အသက်တစ်ရာတမ်း တစ်ထောင်တမ်း စသည်အားဖြင့်) မိမိတို့ရောက်ရာခေတ်၏ သက်တမ်း ကုန်အောင် နေနိုင်ကြ၏။ ရောဂါမတိုးအောင် ထိန်းထားနိုင်၏ ((ခန္ဓာကြီးအိုတာကိုတော့ ပျိုအောင် မလုပ်နိုင်ဟူသတတ်)) ။
ဘုရားရှင်သည် ဝေဠုဝရွာသီတင်းသုံးစဉ် သေပျက်လောက်သော ရောဂါဆိုး ခံစားရ၏။ အာယုပါလကခေါ် သက်စောင့်ဖလ သမာပတ်ဖြင့် အန္တရာယ်ကို ဟန့်ထားပယ် ခွာတော် မူခဲ့၏။ မည်သို့ဆိုစေ သက်တမ်းတရာ တမ်းဖြစ်ရကား သက်တော်(၈၀) တွင် စံတော်၏။
ယခုသာသနာ၏ သက်တော်ရှည်မထေရ်ကြီး အရှင် ဗာကုသ (ရောဂါကင်းသူတို့တွင် အသာလွန်ဆုံး ဧတဒဂ်ရ) မထေရ်ကြီးသည်လည်း သက်တော် (၁၈၀)တွင် လွန်တော် မူခဲ့၏။
သို့ဖြစ်ရကား အရှင်ဥပဂုတ္တစသောမထေရ်များသည် တန်ခိုးကြီးရဟန္တာများအဖြစ်ကား အတိတ်တွင် ရှိခဲ့နိုင်ပါ၏။ ရှိခဲ့သည်ဟု ယုံကြည်သည့်နောက် သုပ္ပဋိပန္နတာ ဂုဏ်တော် များဖြင့် သံဃာဂုဏ် မှန်းပူဇော်က လည်း အကျိုးမနည်းတန်ရာ။ လွန်စွာကောင်းလှပါ၏။
သို့သော် သာသနာ့နောက်ပိုင်း အရှင်ဥပဂုတ္တစသည် တို့သည် ယခုတိုင် သက်တော်ထင်ရှားရှိနေသည်ဟု ယုံကြည်ခြင်းသည် မသင့်တန်ရာ။
ဘုရားမနှစ်သက်သော သဘာဝလွန် ယူဆမှားမှုဟုသာ သုံးသပ်လိုပါ၏။ ဆင်ခြင်ကြ ပါကုန်……….။
★ ★ နှစ်ဦးသား ဗာလတို့
မိုက်ကြသည့်အနေ။
တစ်ဦးသား ဗာလက
ရဟန္တာ ဧကန္တကို
ဤသူလျှင် ဒုဿီလဟု
မြွက်ဟတုံပေ။
တစ်ဦးမှာ ဒုဿီလကို
ရဟန္တာ ဧကန္တဟု
ခွန်းနှုတ်က ဖွင့်ချေသည်
ဆိုပုံလေ လွန်ရိုင်း။
နှစ်ပါးစုံ ထိုကံညစ်မှာ
အပြစ်ကယ် အတူရှိတယ်
ဖြေ၏ မှန်တိုင်း။ ။
မင်းကွန်းဆရာတော်နှင့် မန်လည်ဆရာတော်တို့၏ ပညာဝီမံသကထာကျမ်းမှ အထက်ပါ အဆိုအမိန့်ကိုထောက်၍ ရဟန္တာမဟုတ်သူကို ရဟန္တာဟု ဆိုနေကြခြင်းမှ ရှောင်ကြဉ်နိုင်ကြပါစေ။
ကိုးကားချက်များ
၁။ ရှင်ဥပဂုတ္တ ရဟန္တာပူဇော်နည်း။ ဓမ္မာစရိယ ဦးခင်မောင်လင်း (၁၉၇၇-ဇူလိုင်လ)
၂။ သာသနာ ၂၅၀၀-ခရီး။ (မောင်အံ့)
၃။ အသောကကျောက်စာ (ပါရဂူ)
၎။ ထေရ၀ါဒ နှင့် ပတ်သက်သော မှတ်ချက်များ (နန္ဒာသိန်းဇံ)
၅။ ဓမ္မဂဝေသီ အရှင်ကဉ္စနောဘာသ
၆။ သီဟိုဠ်ခေတ်စံတော်ဝင်အရိယာများ
၇။ အရှင်ဥာဏိဿရ ( ကချင်ပြည်နယ် )
၈။ အရှင် ကောဏ္ဍည ( ထူးကြီးဆရာတော် )
★ ★ ဒါက ကျမ သုံးသပ်ချက်ပါ
ဗုဒ္ဓဘာသာအယူမှာ ထာဝရ ဆိုတာ မရှိပါဖူး ... ဗြဟ္မာအယူပဲ ရှိပါတယ်
ရဟန္တာ တန်ခိုးပြိုင်ရိုးထုံးစံလဲ မရှိပါ ...
ဘယ် ရဟန္တာမှ အာယုကပ် ( လက်ရှိသက်တမ်း ) ကိုကျော်ပြီးနေရရိုးထုံးစံမရှိပါဖူး ... ဘုရားရှင်လက်ထက် အရှင် ဗာကုသ (ရောဂါကင်းသူတို့တွင် အသာလွန်ဆုံး ဧတဒဂ်ရ) မထေရ်ကြီးသည်သော်မှ သက်တော် (၁၈၀)မှာ ခန္တာ၀န်ချခဲ့ တာပါ
ဘုရားရှင်ဗျာဒိတ်တော်ထားရှိခဲ့တဲ့ ပရိနဗ္ဗန်ပြုပြီး ရဟန္တာတွေ အများအပြားပေါ်ပေါက်မယ်ဆိုတဲ့ စကားကို နင်းပြီး ... ရှင်ဥပဂုတ္တ ဆိုတဲ့နာမည်ကို ဘုရားရှင်နှုတ်တော်မှ ဗျာဒိတ်တော်မူခဲ့သယောင် ဒဏ္ဍာရီ လုပ်ကြ တာလို့မြင်ပါတယ်
ဒီဒဏ္ဍာရီဟာ ... တစ်ခြားထေရ၀ါဒနိုင်ငံတွေ မဟာယန နိုင်ငံတွေမှာ မတွေ့ရပဲ မြန်မာတစ်နိုင်ငံထဲ မှာ တွေ့ခြင်းကြောင့် ... မြန်မာနိုင်ငံကို မဟာယနတွေဝင်တဲ့အခါ အနော်ရထာခေတ်က ခေတ်စားတဲ့ ထွက်ရပ်ပေါက်ယုံကြည်မှုတွေနဲ့ ရောမွှေ ဒဏ္ဍာရီတစ်ခု ထွင်ပြီး ထေရဒါဒထဲ မဟာယနအယူ သပ်လျှို ခံရတယ်လို့ပဲ သတ်မှတ်ရမှာပါ
ပြီးတော့ မြန်မာနိုင်ငံမှာ ထေရ၀ါဒ မဟာယန ကျမ်းတွေ သေသေချာချာမကွဲပြားခင်မှာ ... ယုံကြည် ကိုးကွယ်မှု ဖြစ်လာတယ်လို့ပဲမှတ်ယူရမှာပါ...။
သက်တော်ရှည်မထေရ်ကြီကအအရှင်ဘာကုလဖြစ်မယ်ထင်တယ် ဗာကုသ မဟုတ်ထင်မိပါတယ်
ReplyDeleteမြင့်မိုရ်တောင်ကို ၇ပတ်ပတ်ပြီး နဂါးကို တန်ခိုးပြတာရော ဘတွေလဲ
ReplyDelete