ဗြဟ္မာ
မင့်မြတ်သော ဈာန် သမာပတ်များဖြင့်ပြည့်စုံပြီး ဗြဟ္မ၀ိဟာရတရားလေးပါးကို စောင့်ထိန်းသော သူများကို ဗြဟ္မာ ဟုခေါ်သည်။
ကာမဂုဏ်အာရုံ နဲနိုင်သမျှ နဲမှသာ ဈာန်စသည့်တရားများ ရရှိနိုင်ပြီး ဗြဟ္မာဘုံ (၂၀)
(((( ဗြဟ္မပါရိသဇ္ဖာ၊ ဗြဟ္မပုရောဟိတာ၊ မဟာဗြဟ္မာ၊ ပရိတ္တာဘာ၊ အပ္ပမာဏာဘာ၊ အာဘဿရာ၊ ပရိတ္တာသုဘာ၊ အပ္မမာဏာသုဘာ၊ သုဘကိဏှာ ၊ ဝေဟပ္ဖိုလ် ၊ အသညသတ် ၊ အဝိဟာ ၊ အတပ္ပါ ၊သုဒဿာ၊သုဒဿီ၊အကနိဋ္ဌ၊ အာကာသာနဉ္စာယတန၊ ၀ိညာဏဥစ္စာယတန၊ အာကိဉ္စာညာယတန၊ နေဝသညာနာသညာယတန )))) သို့ရောက်ရှိနိုင်ပါတယ်။
( ၃ ) ရူပါဝစရဘုံ ( ၁၆ ) ဘုံ
( ၄ ) အရူပါဝစရ ( ၄ ) ဘုံ ဆိုပြီးဗြဟ္မာဘုံ ( ၂၀ ) ကို - ၂ ပိုင်း ခွဲခြားထားပါတယ်။
ရူပဗြဟ္မာဘုံ( ၁၆ ) ဘုံ
ရူပဗြဟ္မာ
ဤရူပဗြဟ္မာ များသည် နတ်ပြည်ထက် ကြီးကျယ်ခမ်းနားစွာနေကြသည်။
ယောင်္ကျား မိန်းမ(ဖိုမ) အင်္ဂါများမရှိပေ။
သို့သော် ပုံသဏ္ဍာန်မှာ ယောင်္ကျားပုံ ဖြစ်သည်။
ဗြဟ္မာများ နေထိုင်ပုံမှာ ယောကီကြီး များ နေထိုင်ပုံကဲ့သို့ သန့်ရှင်းစင်ကြယ်လှသည်။
အချို့မှာ မေတ္တာ၊ ကရုဏာ၊ မုဒိတာ၊ ဥပေက္ခာ ဟူသောဗြဟ္မဝိဟာရတရားလေးပါးကို ပွားများနေကြသည်။
အချို့ကား ဈာန် သမာပတ် ဝင်စားလျက် ချမ်းသာအေးမြစွာ နေထိုင်ကြသည်။ ၄င်းဘုံတွင်
( ၁ ) ပထမဈာန် ( ၃ ) ဘုံ
၁ … ဗြဟ္မပါရိသဇ္ဖာ ဘုံ
၂ ... ဗြဟ္မပုရောဟိတာ ဘုံ
၃ ... မဟာဗြဟ္မာ ဘုံ
( ၂ ) ဒုတိယဈာန် ( ၃ ) ဘုံ
၎ ... ပရိတ္တာဘာ ဘုံ
၅ ... အပ္ပမာဏာဘာ ဘုံ
၆ ... အာဘဿရာ ဘုံ
( ၃ ) တတိယဈာန် ( ၃ ) ဘုံ
၇ … ပရိတ္တာသုဘာ ဘုံ
၈ ... အပ္မမာဏာသုဘာ ဘုံ
၉ ... သုဘကိဏှာ ဘုံ
( ၄ ) စတုတ္ထဈာန် ( ၇ ) ဘုံ ရှိပါတယ် …။
၁၀ ... ဝေဟပ္ဖိုလ် ဘုံ
၁၁ ... အသညသတ် ဘုံ
၁၂ ... အဝိဟာ ဘုံ
၁၃ ... အတပ္ပါ ဘုံ
၁၄ ... သုဒဿာ ဘုံ
၁၅ … သုဒဿီ ဘုံ
၁၆ ... အကနိဋ္ဌ ဘုံ
ဗြဟ္မာပါရိသဇ္ဇာဘုံမှ အကနိဋ္ဌအထိ (၁၆)ဘုံကို ရူပဗြဟ္မာ ၁၆-ဘုံဟု ခေါ်သည်။ ၎င်းတို့အနက် အသညသတ်ဘုံတွင် ရုပ်တရား သက်သက်သာ ရှိပြီး
ကျန်(၁၅)ဘုံ မှာ ရုပ်တရား နာမ်တရား ၂ပါးလုံး ရှိကြါတယ် ....
ပထမဈာန် ( ၃ ) ဘုံ
ဗြဟ္မပါရိသဇ္ဇာ
((( မဟာဗြဟ္မာမင်း၏ ကျေးကျွန်အစေအပါးပရိသတ် ဖြစ်ကြသောဗြဟ္မာငယ်များ )))
ဗြဟ္မပုရောဟိတာ
((((မဟာဗြဟ္မာမင်း၏ မှူးမတ်ကြီးများ ပုရောဟိတ်ကြီးများသဖွယ်ဖြစ်သော ဗြဟ္မာလတ်များ ))))
မဟာဗြဟ္မာ
ပါရိသဇ္ဖာ၊ ပုရောဟိတာဗြဟ္မာတို့ထက် မြင့်မြတ်သော ဗြဟ္မာကြီးဖြစ်သည်။ စကြ၀ဠာတစ်ထောင်၊ နှစ်ထောင်၊ သုံးထောင်ကို အစိုးရကြ၍ မြင့်မြတ်သာလွန်သော အဓိပတိဗြဟ္မာပင် ဖြစ်သည်။
ကမ္ဘာတည်စကတည်ရှိသော ဤမဟာဗြဟ္မာကြီး ကိုပင် အခြားသော ဘာသာဝင်များက `ထာဝရ ဘုရား´ဟုခေါ်ကြသည်။
( ဗြဟ္မာမင်းကို အောက်တန်း ဗြဟ္မာတို့က တမင်ကိုယ်ထင်မပြလျှင် မမြင်နိုင်ကြပေ )
ပထမဈာန်ရ ဗြဟ္မာတို့ နေထိုင်ရာဘုံ များမှာ အဆင့်ဆင့် မဟုတ်ဘဲ တစ်ပြင်တည်း တည်နေကြပေမယ့် အသက် အရှည်အတို၊ ဘုံနိဗ္ဗာန်တို့၏ ခမ်းနားကြီးကျယ်ပုံ၊ ဘုန်းတန်ခိုး စသည်တို့တွင် ၎င်းတို့အားထုတ်ခဲ့သော ကျင့်စဉ် အားလျော်စွာ ကွာခြားကြပါတယ်။
ဘုရားရှင်အောင်နိုင်တော်မူတဲ့ အောင်ခြင်း ရှစ်ပါးထဲက ပကဗြဟ္မာကြီးဟာ ပထမဈာန်ဘုံကပါ …
သူဟာအခြွေအရံပေါတယ် .. ဘုန်းတန်ခိုးကြီးတယ် …ပြီးတော့ ကမ္ဘာပေါင်းများစွာ အသက်ရှင်တဲ့အတွက် … ဤခန္ဓာကိုယ်နှင့် ဗြဟ္မာလောကသည် မပြိုမကွဲ အစဉ်အမြဲ၏ ၊ ထာဝရခိုင်ခံ့တည်တံ့၏ စသည်ဖြင့် သဿသမိစ္ဆာဒါဌိအယူကို စွဲယူနေတဲ့ ဗြဟ္မာကြီးပေါ့ ….
မြတ်စွာဘုရားက ပကဗြဟ္မာကြီးရဲ့ မိစ္ဆာဒိဌိစိတ်အကြံကို သိတော်မူတော့ ဗကဗြဟ္မာကြီးကို ဆုံးမကယ်ချွတ်ရန် ဗြဟ္မာပြည်သို့ ကြွတော်မူခဲ့ပါတယ်…. မြတ်စွာဘုရားကိုမြင်လျှင် ဗကဗြဟ္မာကြီးက …
အသျှင်မြတ် လာပါလော့၊ အသျှင်မြတ် (အသျှင်မြတ်၏) လာခြင်းသည် ကောင်းသော လာခြင်းပါတည်း၊ အသျှင်မြတ်ဤဗြဟ္မလောက သို့ လာခြင်း၏ အလှည့်ကို ကြာမြင့်မှပင် ပြုဘိ၏၊
အသျှင်မြတ် ဤဗြဟ္မလောကသည်မြဲ၏၊ ဤဗြဟ္မ လောကသည် ခိုင်ခံ့၏၊ ဤဗြဟ္မလောကသည် တည်တံ့၏၊ ဤဗြဟ္မလောကသည်သီးသန့်ဖြစ်၏၊ ဤဗြဟ္မ လောကသည် ရွေ့လျောခြင်းသဘော မရှိ၊ ဤဗြဟ္မလောက၌ ပဋိသန္ဓေမနေ၊ မအို၊ မသေ၊ မရွေ့လျော၊ (ပဋိသန္ဓေအားဖြင့်) မကပ်ရောက်၊ ဤဗြဟ္မလောကမှတစ်ပါး လွန်မြတ်သောထွက်မြောက်ရာလည်း မရှိ ဟု ဆို၏။
ဒီအခါမှာ ထက်ရပ် ၀န်းကျင်မှ ရောက်လာကြသော ဗြဟ္မာပရိသတ်ရှေ့မှာ မြတ်စွာဘုရားက အချင်းတို့ ဗကဗြဟ္မာသည် မိုက်မဲလေစွ တကား ...
မမြဲသည်သာလျှင် ဖြစ်လျက် ‘မြဲ၏’ဟု ဆိုတုံဘိ၏၊
မခိုင်ခံ့သည်သာလျှင် ဖြစ်လျက် ‘ခိုင်ခံ့၏’ဟုဆိုတုံဘိ၏၊
မတည်တံ့သည်သာလျှင် ဖြစ်လျက် ‘တည်တံ့၏’ဟု ဆိုတုံဘိ၏၊
သီးသန့်မဟုတ်သည်သာလျှင် ဖြစ်လျက် ‘သီးသန့် ဖြစ်၏’ဟု ဆိုတုံဘိ၏၊
ရွေ့လျောခြင်းသဘောရှိသည်သာလျှင် ဖြစ်လျက် ‘ရွေ့လျောခြင်းသဘောမရှိ’ဟု ဆိုတုံဘိ၏။
(ပထမဈာန်) ဗြဟ္မာဘုံလောက၌ ပဋိသန္ဓေ နေသူ၊ အိုသူ၊ သေသူ၊ ရွေ့လျားသူ၊ တဖန်ရောက် လာသူများ ရှိနေပါလျက် မရှိဟုလည်းဆို၏ ၊
ဤ ပထမဈန်လောကမှ တပါး ဒုတိယဈာန်၊ တတိယဈာန်၊ စတုတ္ထဈာန် ဗြဟ္မာဘုံလောကများ၊ မဂ်ဖိုလ်နှင့် နိဗ္ဗန်ဟူသော သာလွန် မြင့်မြတ် သောထွက်မြောက်ရာ များရှိပါလျက် မရှိဟုလည်းဆို၏ စသည်ဖြင့် ဗကဗြဟ္မာကြီး၏ မိစ္ဆာဒိဌိအယူမှားကို သုံးသပ်ဝေဖန် တော်မူလေသည်။
ထိုအခါ ဗကဗြဟ္မာက .... ရဟန်းကြီး……ဤလောက၌ သင့်ထက်ရှေးကျသော သမဏဗြာဟ္မဏ တို့သည် ဤခန္ဓာကိုယ်နှင့် ဗြဟ္မာလောကမှ တပါးအခြားလွတ်မြောက်ရာ ရှိ မရှိကို သိကြ၏ ။ သင် သည် အခြားလွတ် မြောက်ရာကို တွေ့လိမ့်မည်မဟုတ်’ ဟုပြောဆိုပြန်လေသည်။
မြတ်စွာဘုရားက- ဗြဟ္မာ… ဤပထမဈာန်ဘုံလောကမှ တပါးသော ဘုံဘ၀ လောကများ ရှိသေးသည် သာ။ သင်သည်အာဘဿရ ဗြဟ္မာ့ဘုံဘ၀မှ စုတေခဲ့၍ ဤပထမဈာန်ဘုံဘ၀သို့ ရောက်လာ ရသူဖြစ်၏။ ထိုအာဘဿရဘုံဘ၀ကို သင်ကမသိမမြင်တော့သော်လည်း ငါဘုရားသိမြင်၏ ….
ထိုမျှမက ဗက ဗြဟ္မာ၏ ရှေးဘ၀က ကျင့်ခဲ့သော တရားများ၊ ဝေဟပ္ဖိုလ်ဘုံ၊ သုဘကိဏှဘုံ ၊ အာဘ ဿရ ဘုံများ ၌ ဗကဗြဟ္မာဖြစ်ခဲ့ ပုံများ၊ ရှေးလူဘ၀တွင် ဗကဗြဟ္မာလောင်း ရသေ့ကြီး ပြုလုပ်ခဲ့သော ကုသိုလ် ကံများ ကိုပါ အကျယ်တ၀င့် ဟောပြတော်မူလေရာ ဗကဗြဟ္မာကြီးသည် အတိတ်ဘ၀ဖြစ်စဉ်မျာိးကု ထင်မြင်မှတ်မိ သတိရလာလေ၏ ။
ထို့ပြင် မြတ်စွာဘုရားက ဓါတ် ( ၆ ) ပါးတရားကို ဆက်လက်ဟောပြတော်မူရာ-
ဗကဗြဟ္မာကြီးသည် မိမိ၏ သဿသမိစ္ဆာဒိဌိအယူဝါဒကို စွဲမြဲစွာ ဆုပ်ကိုင်မထားနိုင် တော့ချေ။ သို့ရာတွင် မိမိ၏အရှုံးကို ဖုံးကွယ်လို၍ တန်ခိုးချင်းပြိုင် ရန်ပြောဆိုသည်။
ရဟန်းကြီး…..သင်၏ အရှေ့မှောက်၌ ယခုပင် ကျွန်ုပ်ကွယ်လိုက်မည်၊ တွေ့အောင်ရှာလော့ ဟု ဗကဗြဟ္မာကြီးက ပြောဆိုလျှင် မြတ်စွာဘုရားက
သင်စွမ်းနိုင်လျှင် ကွယ်လိုက်လော့ ဟုမိန့်၏
သို့သော် … ဗကဗြဟ္မာကြီးသည် မည်သို့မျှ ကိုယ်ကို ကွယ်ပျောက်အောင် မပြုလုပ်နိုင်ချေ။ ဗကဗြဟ္မာကြီးသည် မြတ်စွာဘုရားရှေ့မှာ ကိုယ်ကို ကွယ်ပျောက်အောင် မစွမ်ဆောင်နိုင်သဖြင့် ဘုံဗိမာန်နှင့် ပဒေသာပင်အတွင်းသို့ ၀င်၍ ပုန်းအောင်းနေ၏ ။
သို့ရာတွင် သူ့ကို ဗြဟ္မာပရိသတ်က မြင်နေကြရ၏ ။
မကြံသာသည့်အဆုံး ဆောင့်ကြောင့်ထိုင်နေသော ဗကဗြဟ္မာကို ဗြဟ္မာများက ပြောင်လှောင်သဖြင့် ဗကဗြဟ္မာကြီး မျက်နှာ မသာမယာ ရှိလေတော့သည် ။
ဗြဟ္မာ…….သင် မပုန်းကွယ်နိုင်လျှင် ငါဘုရားပုန်းကွယ်ပြမည် ဟုမြတ်စွာဘုရားက မိန့်တော်မူပြီး ဗြဟ္မာပရိသတ်၏ ရှေ့မှောက်မှာ ခန္ဓာကိုယ်တော်ကို ကွယ်စေတော်မူ လျက် တရားဓမ္မကို ဟောပြတော်မူလေ၏ ။
မြတ်စွာဘုရား ဟောကြားသော တရားတော်ကို နာယူရသဖြင့် ဗြဟ္မာအများ တရားသိမြင် ကျွတ် တမ်း ၀င်ကြလေသည်။
ဗကဗြဟ္မာကြီးလည်း မြတ်စွာဘုရား၏ ဂုဏ်တော်များကို ချီးမွမ်းပြောဆိုပြီး မိစ္ဆာအယူကို စွန့်လေ တော့ သည်။
( ၂ ) ဒုတိယဈာန် ( ၃ ) ဘုံ
ပရိတ္တာဘာဘုံ
အပ္ပမာဏာနှင့် အာဘဿရာ ဗြဟ္မာတို့ကဲ့သို့ ကိုယ်ရောင်မတောက်ဘဲ နည်းသော ကိုယ်ရောင်ကိုယ်ဝါရှိသော ဗြဟ္မာ တို့နေထိုင်ရာဘုံကို ပရိတ္တာဘာဘုံ ဟုခေါ်သည်။
အပ္ပမာဏာဘာ
အတိုင်းအရှည် ပမာဏကို မပြောပြနိုင်လောက်အောင်ပင် များလှစွာသော ကိုယ်ရောင် ကိုယ်ဝါရှိသော ဗြဟ္မာ တို့နေထိုင်ရာဘုံကို အပ္ပမာဏာုဘာ ဘုံဟု ခေါ်သည်။
အာဘဿရာဘုံ
တိမ်တိုက်မှ လျှပ်စီးများ ကွန့်မြူး၍နေသကဲ့သို့ ကိုယ်ရောင်ကိုယ်ဝါများသည်လည်း စိတ်ကြည်လင်သည်နှင့်အမျှ ခန္ဓာကိုယ်မှ တလျှပ်လျှပ် ထွက်ပေါ်နေကြသော ဗြဟ္မာများဖြစ်သည်။
ဤသုံးဘုံမှာ ဒုတိယဈာန်ရသော ဗြဟ္မာများ၏ အရပ်ဌာန ဖြစ်၏ ၎င်းသုံးဘုံသည်လည်း ကောင်းကင်တစ်ပြင်တည်း၌ပင် တည်ရှိကြသည်။
ထိုဗြဟ္မာတို့တွင် အာဘဿရဗြဟ္မာတို့သည် ဗြဟ္မာမင်း(မဟာဗြဟ္မာ) ဖြစ်သည်။
( ၃ ) တတိယစ်ာန္ဘံု ( ၃ ) ဘံု
ပရိတ္တာသုဘာဘုံ
အောက်ဘုံများမှ ဗြဟ္မာများထက် ကိုယ်ရောင်ကိုယ်ဝါ သာလွန်သော်လည်း အထက်ဗြဟ္မာများ ကဲ့သို့ မတောက်ပသော ဗြဟ္မာများဖြစ်သည်။
အပ္မမာဏာသုဘာဘုံ
အတိုင်းမသိ၊ ပမာဏမရှိ၊ တင့်တယ်သည့် ကိုယ်ရောင်ကိုယ်ဝါရှိသော ဗြဟ္မာများဖြစ်သည်။
သုဘကိဏှာဘုံ
တင့်တယ်သည့် ကိုယ်ရောင်ကိုယ်ဝါဖြင့် ရောပြွန်းသော ဗြဟ္မာများဖြစ်သည်။ (မှတ်ချက်။ ။ ပရိတ္တသုဘာ၊ အပ္ပမာဏသုဘာ၊ သုဘကိဏှာ ဤတတိယဈာန် သုံးဘုံသည် ဒုတိယဈာန် သုံးဘုံထက် မြင့်သော အထက်ကောင်းကင်ဝယ် တစ်ပြင်တည်း၌ပင် တည်ရှိကြသည်။)
ပရိတ္တသုဘာ၊ အပ္ပမာဏသုဘာ၊ သုဘကိဏှာ ဤတတိယဈာန် သုံးဘုံသည် ဒုတိယဈာန် သုံးဘုံထက် မြင့်သော အထက်ကောင်းကင်ဝယ် တစ်ပြင်တည်း၌ပင် တည်ရှိကြသည်။
( ၄ ) စတုတ္တဈာန်ဘုံ ( ၇ ) ဘုံ
ဝေဟပ္ဖိုလ်ဘုံ၊ အသညသတ်ဘုံ ၊ အဝိဟာဘုံ၊ အတပ္ပါဘုံ ၊ သုဒဿာဘုံ ၊ သုဒဿီဘုံ
အကနိဋ္ဌဘုံ ဟူ၍ စတုတ္ထဈာန် ၇-ဘုံ ရှိ၏။
ဝေဟပ္ဖိုလ်ဘုံ
ပြန့်ပြောကြီးမားသောအကျိုးရှိသော ဗြဟ္မာကြီးများ၏ ဌာန
အသညသတ်ဘုံ
စိတ်, စေတသိက်တို့ မရှိဘဲ ရုပ်ခန္ဓာကြီးသာရှိသော ဗြဟ္မာကြီးများ၏ ဌာန
အသညသတ်ဗြဟ္မာ
လူပြည့်တွင်ကျင့်ကြံအားထုတ် လျှက် ... ဈာန်ရပြီသောအခါ တချို့က စိတ်ဝိညာဉ်နှင့်အမှတ် သညာရှိ၍သာ မြင်ချင်၊ ကြားချင်၊ နံချင်၊ စာချင်၊ တွေ့ချင်၊ ထိချင်၊ သိချင်သော သဘောများဖြစ်နေရသည်။ စိတ်နှင့်သညာသာမရှိလျှင် အင်မတန် အေးမြပေလိမ့်မည် ဟု စိတ်နှင့် သညာအပေါ် အတော်များစွာ အပြစ်မြင်နေ၏။
ထိုသို့ အပြစ်မြင်သည့် အတိုင်းပင် စိတ်သည် စက်ဆုပ်ဖွယ်၊ စိတ်သည်စက်ဆုပ်ဖွယ် ဟု ကြပ်ကြပ် အပြစ်ရူမိသောအခါ သညာဝိရာဂ - ဘာဝနာ ခေါ် စိတ်သညာနှင့် နာမ်အားလုံးကို ရွံမုန်းသော ကမ္မဋ္ဌာန်းတစ်မျိုး ပေါ်လေသည်။
ထိုပုဂ္ဂိုလ် စုတေလျှင် အသညသတ်ဗြဟ္မာ့ဘုံ၌ ဖြစ်၍ ကမ္ဘာ ၅၀၀-ခန့် ဘာကိုမျှ မသိတော့၊ ရွှေရုပ်ကြီးကဲ့သို့ တချို့က မတ်မတ်ရပ်၊ တချို့က ထိုင်၊ တချို့က အိပ်လျက် နေလေသည်။
ဤဝေဟပ္ဖိုလ်ဘုံနှင့် အသညသတ်ဘုံတို့မှာ တပြင်တည်း ရှိ၏။
အဝိဟာဘုံ = မိမိတို့ဘုံဌာနကို ခေတ္တခဏဖြင့် မစွန့်ကြဘဲ ကမ္ဘာပေါင်းများစွာကြာအောင် တည်နေသော ဗြဟ္မာကြီးများ၏ ဌာန
အတပ္ပါဘုံ = မည်သည့်အကြောင်းကြောင့်မျှ မပူပန်ရဘဲ အလွန်အေးမြသော ဗြဟ္မာကြီးများ၏ ဌာန
သုဒဿာဘုံ = အလွန်လှပတင့်တယ်ကြသဖြင့် ချမ်းသာစွာ ရှုစားအပ်သော (ကြည့်ချင်ဖွယ်အလွန်ကောင်းသော) ဗြဟ္မာကြီးများ၏ ဌာန
သုဒဿီဘုံ = သူတစ်ပါးကို ပကတိစက္ခု၊ ပညာစက္ခုတို့ဖြင့် ကောင်းကောင်းမွန်မွန် ရှုစားတတ်သော ဗြဟ္မာကြီးများ၏ ဌာန
အကနိဋ္ဌဘုံ = စည်းစိမ်ချမ်းသာ လွန်စွာကြီးသဖြင့် မည်သည့်ဘက်ကမဆို သေးငယ်သောသဘော မရှိကြ၊ အထက်တန်းကျသော ဗြဟ္မာကြီးများ၏ ဌာန
ဤအဝိဟာဘုံမှ အကနိဋ္ဌဘုံ ၅-ဘုံကို စင်ကြယ်သော ပုဂ္ဂိုလ်များ၏နေရာ သုဒ္ဓါဝါသ ၅-ဘုံဟု ခေါ်၏။
အနာဂါမ်ပုဂ္ဂိုလ်များမှာ ဤဘုံများတွင် ဖြစ်၏။
အရူပဘုံ (အရူပဗြဟ္မာ ၄-ဘုံ)
အရူပဗြဟ္မာ
ဤဗြဟ္မာလောင်းတို့ကမူ ဈာန်ရိုးရိုး ရပြီးနောက် ရုပ်ခန္ဓာ ကြီးရှိနေ၍သာ အရာရာ အပြစ်များရ ဆင်းရဲဒုက္ခ များရလေသည်။ စိတ်ဝိညာဉ် နာမ်တရားချည်းသာရှိနေပါမူ လွန်စွာချမ်းမြေ့ပေလိမ့်မည် ဟု ရုပ်ကို အပြစ်ရူကာ ဘာဝနာပွားများသောအခါ ရူပ၀ိရာဂ - ဘာဝနာ ခေါ်သော ရုပ်ခန္ဓာကို ရွံမုန်းသော ကမ္မဋ္ဌာန်းတစ်မျိုးပေါက်လေသည်။
ထိုပုဂ္ဂိုလ်စုတေလျှင် အရူပဘုံဟုခေါ်သော ကောင်းကင်ပြင်ဝယ် ကမ္ဘာပေါင်းများစွာ ရုပ်ခန္ဓာမပါဘဲ စိတ်ဝိညာဉ်ချည်းသာ တည်ရှိလေတော့၏။ ဤစိတ်ဝိညာဉ်အစဉ်ကိုပင် အရူပဗြဟ္မာဟု ခေါ်ဝေါ်ရလေသည်။
(ဘာသာခြားတို့ကမူ ဤဗြဟ္မာ ၂-မျိုးကို ယုံကြည်ဖို့ ခဲယဉ်းပေလိမ့်မည်။)
ရူပဗြဟ္မာ (၁၆)ဘုံအထက်တွင် အရူပဗြဟ္မာ (၄)ဘုံ ရှိသည်။ ဘုံဆိုသော်လည်း တကယ့်ဘုံဗိမာန် ရှိသည်မဟုတ်။
( ၁၇ ) အာကာသာနဉ္စာယတနဘုံ
အာကာသာနဉ္စာယတန ဝိပါက်စိတ် စေတသိက်ဖြင့် ပဋိသေန္ဓေတည်နေလျက် ... ကမ္ဘာနှစ်သောင်း အသက်ရှည်သော ဗြဟ္မာကြီးတုိ့၏ နေရာဘုံ၊
( ၁၈ ) ၀ိညာဏဥစ္စာယတနဘုံ
ဝိညာဏဉ္စယတန ဝိပါက်စိတ် စေတသိက်ဖြင့် ပဋိသန္ဓေတည်နေလျက် ကမ္ဘာလေးသောင်း အသက်ရှည်သော ဗြဟ္မာကြီးတို့၏ နေရာဘုံ၊
( ၁၉ ) အာကိဉ္စာညာယတနဘုံ
အာကိဉ္စညာယတန ဝိပါက်စိတ် စေတသိက်ဖြင့် ပဋိသန္ဓေတည်နေလျက်အဆက်ဆက်ဖြစ်ပွားနေသော နာမ်ခန္ဓာအစဉ်၏ ဖြစ်တည်ရာ ကောင်းကင်ပြင်။ကမ္ဘာခြောက်သောင်းအသက်ရှည်သော ဗြဟ္မာကြီးတို့၏ နေရာဘုံ၊
( ၂၀ ) နေဝသညာနာသညာယတနဘုံ
နေဝသညာနာသညာယတန ဝိပါက်စိတ် စေတသိက်ဖြင့် ပဋိသန္ဓေတည်နေလျက်
အဆက်ဆက်ဖြစ်ပွားနေသော နာမ်ခန္ဓာအစဉ်၏ ဖြစ်တည်ရာ ကောင်းကင်ပြင်။ ကမ္ဘာရှစ်သောင်းအသက်ရှည်သော ဗြဟ္မာကြီးတို့၏ နေရာဘုံ ဟုခေါ်သည်။
ဤ ၄-ခုမြောက်ဘုံကိုပင် ဘ၀ဂ်ဟုခေါ်သည်။
ဗြဟ္မာ့ပြည်၌ ဖြစ်ရသူတို့သည် အရိယာအဖြစ်သို့ ရောက်လျှင် (မဂ်ဖိုလ်ရလျှင်) ထိုဗြဟ္မာ့ဘုံမှ အောက်ကာမဘုံသို့ ပြန်၍ ပဋိသန္ဓေ မနေရဘဲ အဆင့်ဆင့်ရင့်ကာ ရဟန္တာဖြစ်၍ နိဗ္ဗာန်စံကြလေတော့သည်။ အရိယာ မဖြစ်သေးလျှင်ကား သူတို့၏ ဈာန်အဟုန်ကုန်သောအခါ လူ့ဘုံနတ်ဘုံဟူသော အောက်ကာမဘုံများ၌ တစ်ဖန်ပြန်၍ ပဋိသန္ဓေနေကြရပြန်သည်။ သို့ရာတွင် ဈာန်မရမီက မိမိအားထုတ်ခဲ့သော ကုသိုလ်အဟုန်ကြောင့် ရုတ်တရက် အောက်တန်းမကျသေးဘဲ ဒွိဟိတ် တိဟိတ် ပုဂ္ဂိုလ် (ဒွိဟိတ် လူနတ်၊ တိဟိတ် လူနတ်)များ ဖြစ်ပြီးလျှင် ထိုလူနတ်အဖြစ်မှ တစ်ဆင့် ကံအကြောင်းမသင့်၍ လျှော့ကျရပြန်သောအခါ အပါယ် ၄-ပါး၌ ငရဲကောင် ပြိတ္တာကောင် တိရစ္ဆာန်ကောင်များလည်း ဖြစ်ခွင့်ရှိကြလေပြန်သည်။
...........................................................................................................
ရူပါဝစရစိတ် ၁၅-ပါး
၁။ ရူပါဝစရ ကုသိုလ်စိတ် ၅-ပါး (ရူပဈာန်ရ ပုထုဇဉ်နှင့် သေက္ခပုဂ္ဂိုလ်တို့၏ ရူပဈာန်ကုသိုလ်စိတ်များ)
၂။ ရူပါဝစရ ၀ိပါက်စိတ် ၅-ပါး (ရူပဈာန်ကုသိုလ်၏ အကျိုးစိတ်များ)
၃။ ရူပါဝစရ ကြိယာစိတ် ၅-ပါး (ရူပဈာန်ရ ရဟန္တာတို့၏ ရူပဈာန်စိတ်များ)
ဤစိတ်တို့သည်
ရူပဗြဟ္မာဘုံတို့၌ အများအားဖြင့် ဖြစ်ကြသော်လည်း ရူပကုသိုလ်စိတ်နှင့်
ရူပကြိယာစိတ်တို့သည် လူ့ဘုံ၌လည်း ဖြစ်နိုင်ကြ၏။
စ်ာန္ရသည္အထိ သမထဘာ၀နာ
ပွားများကြသော သူတို့၌ ဖြစ်နိုင်ကြ၏။ ရူပကုသိုလ်စိတ်တို့သည် ဈာန်ရသည့်
ပုထုဇဉ်၊ သောတာပန်၊ သကဒါဂါမ်နှင့် အနာဂါမ်တို့၌ ဖြစ်ကြ၏။
ရူပကြိယာစိတ်တို့သည် ဈာန်ရသည့် ရဟန္တာအရှင်မြတ်တို့၌ ဖြစ်ကြ၏။ ရူပါဝစရ
ဝါပါက်စိတ်တို့သည် ရူပဗြဟ္မာတို့၏ ပဋိသန္ဓေစိတ်များ ဖြစ်ကြ၏။
ဈာန်ဟူသည်မှာ ၀ိတက်၊ ၀ိစာရ၊ ပီတိ၊ သုခ(ဥပေက္ခာ)၊ ဧကဂ္ဂတာတည်းဟူသော ဈာန်အင်္ဂါတို့၏ အပေါင်းအစုဖြစ်၏။
ဝိတက် = ယှဉ်ဖက် စိတ်စေတသိက်တို့ကို အာရုံသို့ တင်ပေးခြင်းသဘော၊
ဝိစာရ = အာရုံကို သုံးသပ်ခြင်းသဘော
ပီတိ = အာရုံကို နှစ်သက်ခြင်းသဘော
သုခ = ချမ်းသာသည့် ခံစားခြင်းသဘော
(ဥပေက္ခာ) = ချမ်းသာ ဆင်းရဲမဖြစ်ဘဲ အလယ်အလတ် ခံစားခြင်းသဘော
ဧကဂ္ဂတာ = တစ်ခုတည်းသော အာရုံ၌ စိုက်ဝင်တည်တံ့ခြင်းသဘော
ဤဈာန်အင်္ဂါစေတသိက်တို့သည် စိတ်နှင့်စေတသိက် အပေါင်းအစုက ဘာဝနာအာရုံ၌ စူးစိုက်၍ တည်နေကြရန် ဆောင်ရွက်ပေးကြ၏။
ပထမဈာန်တွင် ၀ိတက်၊ ၀ိစာရ၊ ပီတိ၊ သုခ၊ ဧကဂ္ဂတာ ဈာန်အင်္ဂါ ၅-ပါး ပါဝင်ကြ၏။
ဈာန်ဟူသည်မှာ ၀ိတက်၊ ၀ိစာရ၊ ပီတိ၊ သုခ(ဥပေက္ခာ)၊ ဧကဂ္ဂတာတည်းဟူသော ဈာန်အင်္ဂါတို့၏ အပေါင်းအစုဖြစ်၏။
ဝိတက် = ယှဉ်ဖက် စိတ်စေတသိက်တို့ကို အာရုံသို့ တင်ပေးခြင်းသဘော၊
ဝိစာရ = အာရုံကို သုံးသပ်ခြင်းသဘော
ပီတိ = အာရုံကို နှစ်သက်ခြင်းသဘော
သုခ = ချမ်းသာသည့် ခံစားခြင်းသဘော
(ဥပေက္ခာ) = ချမ်းသာ ဆင်းရဲမဖြစ်ဘဲ အလယ်အလတ် ခံစားခြင်းသဘော
ဧကဂ္ဂတာ = တစ်ခုတည်းသော အာရုံ၌ စိုက်ဝင်တည်တံ့ခြင်းသဘော
ဤဈာန်အင်္ဂါစေတသိက်တို့သည် စိတ်နှင့်စေတသိက် အပေါင်းအစုက ဘာဝနာအာရုံ၌ စူးစိုက်၍ တည်နေကြရန် ဆောင်ရွက်ပေးကြ၏။
ပထမဈာန်တွင် ၀ိတက်၊ ၀ိစာရ၊ ပီတိ၊ သုခ၊ ဧကဂ္ဂတာ ဈာန်အင်္ဂါ ၅-ပါး ပါဝင်ကြ၏။
အလေ့အကျင့်များလာသည့်အခါ ၀ိတက်မပါဘဲ ဈာန်သို့တက်နိုင်၏။ ထိုစ်ာန္ကို
ဒုတိယဈာန်ဟုခေါ်သည်။
တတိယဈာန်တွင် ၀ိစာရကိုပါ ထပ်ပယ်သဖြင့် ပီတိ၊ သုခ၊
ဧကဂ္ဂတာ ဈာန်အင်္ဂါ ၃-ပါးသာ ကျန်၏။
စတုတ္ထဈာန်တွင် ပီတိကိုပါ ထပ်ပယ်သဖြင့်
သုခ၊ ဧကဂ္ဂတာ ဈာန်အင်္ဂါ ၂-ပါးသာ ကျန်၏။ ပဉ္စမဈာန်တွင် သုခထက် ပိုမို
သိမ်မွေ့သော ဥပေက္ခာနှင့် ဧကဂ္ဂတာဟူ၍ ဈာန်အင်္ဂါ ၂-ပါးသာ ပါဝင်၏။
ရူပါဝစရကုသိုလ်စိတ် ၅-ပါး
၁။ ၀ိတက်၊ ၀ိစာရ၊ ပီတိ၊ သုခ၊ ဧကဂ္ဂတာ ဈာန်အင်္ဂါ ၅-ပါးနှင့် ပြည့်စုံသော ပထမဈာန် ကုသိုလ်စိတ် ၁၊
၂။ ၀ိစာရ၊ ပီတိ၊ သုခ၊ ဧကဂ္ဂတာ ဈာန်အင်္ဂါ ၄-ပါးနှင့် ပြည့်စုံသော ဒုတိယဈာန် ကုသိုလ်စိတ် ၁၊
၃။ ပီတိ၊ သုခ၊ ဧကဂ္ဂတာ ဈာန်အင်္ဂါ ၃-ပါးနှင့် ပြည့်စုံသော တတိယဈာန် ကုသိုလ်စိတ် ၁၊
၎။ သုခ၊ ဧကဂ္ဂတာ ဈာန်အင်္ဂါ ၂-ပါးနှင့် ပြည့်စုံသော စတုတ္ထဈာန် ကုသိုလ်စိတ် ၁၊
၅။ ဥပေက္ခာ၊ ဧကဂ္ဂတာ ဈာန်အင်္ဂါ ၂-ပါးနှင့် ပြည့်စုံသော ပဉ္စမဈာန် ကုသိုလ်စိတ် ၁၊
ရူပါဝရစ၀ိပါက်စိတ် ၅-ပါးနှင့် ရူပါဝစရကြိယာစိတ် ၅-ပါးတို့ကို အထက်ပါအမည်များ အတိုင်းပင် ခေါ်ဆို၏။ `ကုသိုလ်စိတ်´နေရာ၌ `၀ိပါက်စိတ်´သို့မဟုတ် `ကြိယာစိတ်´ဟု ပြောင်းလဲပေးရန်သာ လိုအပ်၏။
ဤလူ့ဘ၀၌ ပထမဈာန်ရအောင် အားထုတ်သောသူသည် ထိုဈာန်မပျက်ဘဲကွယ်လွန်လျှင် ပထမဈာန်ဝိပါက်စိတ်ဖြင့် ပထမဈာန်ရူပဘုံ၌ ဥပပတ်ပဋိသန္ဓေဖြစ်ရ၏။ အခြားဈာန်ကုသိုလ်စိတ်တို့ကလည်း အလားတူ အကျိုးပေးကြပါသည်။
ဒေါက်တာမင်းတင်မွန် ဗုဒ္ဓအဘိဓမ္မတရားတော် အနှစ်ချုပ်(မေတ္တာရိပ်)
ရူပါဝစရကုသိုလ်စိတ် ၅-ပါး
၁။ ၀ိတက်၊ ၀ိစာရ၊ ပီတိ၊ သုခ၊ ဧကဂ္ဂတာ ဈာန်အင်္ဂါ ၅-ပါးနှင့် ပြည့်စုံသော ပထမဈာန် ကုသိုလ်စိတ် ၁၊
၂။ ၀ိစာရ၊ ပီတိ၊ သုခ၊ ဧကဂ္ဂတာ ဈာန်အင်္ဂါ ၄-ပါးနှင့် ပြည့်စုံသော ဒုတိယဈာန် ကုသိုလ်စိတ် ၁၊
၃။ ပီတိ၊ သုခ၊ ဧကဂ္ဂတာ ဈာန်အင်္ဂါ ၃-ပါးနှင့် ပြည့်စုံသော တတိယဈာန် ကုသိုလ်စိတ် ၁၊
၎။ သုခ၊ ဧကဂ္ဂတာ ဈာန်အင်္ဂါ ၂-ပါးနှင့် ပြည့်စုံသော စတုတ္ထဈာန် ကုသိုလ်စိတ် ၁၊
၅။ ဥပေက္ခာ၊ ဧကဂ္ဂတာ ဈာန်အင်္ဂါ ၂-ပါးနှင့် ပြည့်စုံသော ပဉ္စမဈာန် ကုသိုလ်စိတ် ၁၊
ရူပါဝရစ၀ိပါက်စိတ် ၅-ပါးနှင့် ရူပါဝစရကြိယာစိတ် ၅-ပါးတို့ကို အထက်ပါအမည်များ အတိုင်းပင် ခေါ်ဆို၏။ `ကုသိုလ်စိတ်´နေရာ၌ `၀ိပါက်စိတ်´သို့မဟုတ် `ကြိယာစိတ်´ဟု ပြောင်းလဲပေးရန်သာ လိုအပ်၏။
ဤလူ့ဘ၀၌ ပထမဈာန်ရအောင် အားထုတ်သောသူသည် ထိုဈာန်မပျက်ဘဲကွယ်လွန်လျှင် ပထမဈာန်ဝိပါက်စိတ်ဖြင့် ပထမဈာန်ရူပဘုံ၌ ဥပပတ်ပဋိသန္ဓေဖြစ်ရ၏။ အခြားဈာန်ကုသိုလ်စိတ်တို့ကလည်း အလားတူ အကျိုးပေးကြပါသည်။
ဒေါက်တာမင်းတင်မွန် ဗုဒ္ဓအဘိဓမ္မတရားတော် အနှစ်ချုပ်(မေတ္တာရိပ်)
အရူပါဝစရစိတ် ၁၂-ပါး
၁။ အရူပါဝစရကုသိုလ်စိတ် ၄-ပါး (အရူပဈာန်ရ ပုထုဇဉ်နှင့် သေက္ခပုဂ္ဂိုလ်တို့၏ အရူပဈာန် ကုသိုလ်စိတ်များ)
၂။ အရူပါဝစရ၀ိပါက်စိတ် ၄-ပါး (အရူပဈာန် ကုသိုလ်၏ အကျိုးစိတ်များ)
၃။ အရူပါဝစရကြိယာစိတ် ၄-ပါး (အရူပဈာန်ရ ရဟန္တာတို့၏ အရူပဈာန်စိတ်များ)
အရူပါဝစရကုသိုလ်စိတ် ၄-ပါး
၁။ ဥပေက္ခာ၊ ဧကဂ္ဂတာ ဈာန်အင်္ဂါ ၂-ပါးနှင့် ပြည့်စုံသော အာကာသာနဉ္စာယတန ကုသိုလ်စိတ် ၁၊
၂။ ဥပေက္ခာ၊ ဧကဂ္ဂတာ ဈာန်အင်္ဂါ ၂-ပါးနှင့် ပြည့်စုံသော ၀ိညာဏဉ္စာယတန ကုသိုလ်စိတ် ၁၊
၃။ ဥပေက္ခာ၊ ဧကဂ္ဂတာ ဈာန်အင်္ဂါ ၂-ပါးနှင့် ပြည့်စုံသော အာကိဉ္စညာယတန ကုသိုလ်စိတ် ၁၊
၎။ ဥပေက္ခာ၊ ဧကဂ္ဂတာ ဈာန်အင်္ဂါ ၂-ပါးနှင့် ပြည့်စုံသော နေ၀သညာနသညာယတန ကုသိုလ်စိတ် ၁၊
အရူပါဝစရ၀ိပါက်စိတ် ၄-ပါးနှင့် အရူပါဝစရကြိယာစိတ် ၄-ပါးတို့ကို အထက်ပါ အမည်များအတိုင်းပင် ခေါ်ဆိုပါသည်။ `ကုသိုလ်စိတ်´ နေရာ၌ `၀ိပါက်စိတ်´ သို့မဟုတ် `ကြိယာစိတ်´ဟု ပြောင်းလဲရန်သာလိုပါသည်။
အရူပဈာန်စိတ်များ ဖြစ်ပေါ်လာပုံ
ရူပါဝစရပဉ္စမဈာန်ကို ကောင်းစွာ လေ့ကျင့်ထားပြီးသောသူသည် ရုပ်ခန္ဓာ၏ အပြစ်ကိုမြင်၍ ရုပ်နှင့် မဆက်ဆံသော အရူပဈာန်ကို အလိုရှိသော် ကသိုဏ်းနိမိတ်ကို လျစ်လျူရူလျက် အာကာသဟူ၍ ကောင်းကင်ပညတ်ကို အာရုံပြုကာ ဘာဝနာပွားများရ၏။ ဈာန်ဇောကျသည့်အခါ အာကာသကို အာရုံပြုသော အာကာသာနဉ္စာယတနကုသိုလ်စိတ် ဖြစ်၏။
ထို့နောက်တစ်ဖန် အာကာသာနဉ္စာယတနစိတ်(၀ိညာဏ်)ကို အာရုံပြု၍ ဘာဝနာဆက်ပွားလျှင် ဈာန်ဇောကျသည့်အခါ ၀ိညာဏဉ္စာယတနကုသိုလ်စိတ် ဖြစ်၏။
ထို့နောက်တစ်ဖန် ထိုအာကာသာနဉ္စာယတနစိတ်၏ စိုးစဉ်မျှ မရှိခြင်းဟူသော နတ္ထိဘောပညတ်ကို အာရုံပြုလျက် ဘာဝနာ ဆက်ပွားလျှင် ဈာန်ရောက်သည့်အခါ အာကိဉ္စညာယတနကုသိုလ်စိတ် ဖြစ်၏။
ဤတတိယ ရုပ္ပ၀ိညာဏ်ကို အာရုံပြု၍ နောက်တစ်ဆင့်မြင့်သော ဈာန်သို့ရောက်အောင် ဘာဝနာဆက်ပွားသော် နေ၀သညာနာသညာယတနကုသိုလ်စိတ် ဖြစ်၏။ ဤစိတ်သည် `သညာရှိသည်လည်းမဟုတ်၊ သညာမရှိသည်လည်းမဟုတ်´ဟု ဆိုရလောက်အောင် အလွန်သိမ်မွေ့သော စိတ်ဖြစ်၏။
ရဟန္တာအရှင်မြတ်တို့က အထက်ပါနည်းအတိုင်း ရူပါဝစရပဉ္စဈာန် ကြိယာစိတ်ကို အခြေခံပြီးနောက် ဆက်လက်အားထုတ်သွားကြလျှင် အရူပါဝစရ ကြိယာစိတ်များကို ရရှိကြ၏။
အရူပါဝစရစိတ် ၁၂-ပါးလုံးပင် ပဉ္စမဈာန်စိတ်များ ဖြစ်ကြ၏။
ဒေါက်တာမင်းတင်မွန် ဗုဒ္ဓအဘိဓမ္မတရားတော် အနှစ်ချုပ်(မေတ္တာရိပ် )
၁။ ဥပေက္ခာ၊ ဧကဂ္ဂတာ ဈာန်အင်္ဂါ ၂-ပါးနှင့် ပြည့်စုံသော အာကာသာနဉ္စာယတန ကုသိုလ်စိတ် ၁၊
၂။ ဥပေက္ခာ၊ ဧကဂ္ဂတာ ဈာန်အင်္ဂါ ၂-ပါးနှင့် ပြည့်စုံသော ၀ိညာဏဉ္စာယတန ကုသိုလ်စိတ် ၁၊
၃။ ဥပေက္ခာ၊ ဧကဂ္ဂတာ ဈာန်အင်္ဂါ ၂-ပါးနှင့် ပြည့်စုံသော အာကိဉ္စညာယတန ကုသိုလ်စိတ် ၁၊
၎။ ဥပေက္ခာ၊ ဧကဂ္ဂတာ ဈာန်အင်္ဂါ ၂-ပါးနှင့် ပြည့်စုံသော နေ၀သညာနသညာယတန ကုသိုလ်စိတ် ၁၊
အရူပါဝစရ၀ိပါက်စိတ် ၄-ပါးနှင့် အရူပါဝစရကြိယာစိတ် ၄-ပါးတို့ကို အထက်ပါ အမည်များအတိုင်းပင် ခေါ်ဆိုပါသည်။ `ကုသိုလ်စိတ်´ နေရာ၌ `၀ိပါက်စိတ်´ သို့မဟုတ် `ကြိယာစိတ်´ဟု ပြောင်းလဲရန်သာလိုပါသည်။
အရူပဈာန်စိတ်များ ဖြစ်ပေါ်လာပုံ
ရူပါဝစရပဉ္စမဈာန်ကို ကောင်းစွာ လေ့ကျင့်ထားပြီးသောသူသည် ရုပ်ခန္ဓာ၏ အပြစ်ကိုမြင်၍ ရုပ်နှင့် မဆက်ဆံသော အရူပဈာန်ကို အလိုရှိသော် ကသိုဏ်းနိမိတ်ကို လျစ်လျူရူလျက် အာကာသဟူ၍ ကောင်းကင်ပညတ်ကို အာရုံပြုကာ ဘာဝနာပွားများရ၏။ ဈာန်ဇောကျသည့်အခါ အာကာသကို အာရုံပြုသော အာကာသာနဉ္စာယတနကုသိုလ်စိတ် ဖြစ်၏။
ထို့နောက်တစ်ဖန် အာကာသာနဉ္စာယတနစိတ်(၀ိညာဏ်)ကို အာရုံပြု၍ ဘာဝနာဆက်ပွားလျှင် ဈာန်ဇောကျသည့်အခါ ၀ိညာဏဉ္စာယတနကုသိုလ်စိတ် ဖြစ်၏။
ထို့နောက်တစ်ဖန် ထိုအာကာသာနဉ္စာယတနစိတ်၏ စိုးစဉ်မျှ မရှိခြင်းဟူသော နတ္ထိဘောပညတ်ကို အာရုံပြုလျက် ဘာဝနာ ဆက်ပွားလျှင် ဈာန်ရောက်သည့်အခါ အာကိဉ္စညာယတနကုသိုလ်စိတ် ဖြစ်၏။
ဤတတိယ ရုပ္ပ၀ိညာဏ်ကို အာရုံပြု၍ နောက်တစ်ဆင့်မြင့်သော ဈာန်သို့ရောက်အောင် ဘာဝနာဆက်ပွားသော် နေ၀သညာနာသညာယတနကုသိုလ်စိတ် ဖြစ်၏။ ဤစိတ်သည် `သညာရှိသည်လည်းမဟုတ်၊ သညာမရှိသည်လည်းမဟုတ်´ဟု ဆိုရလောက်အောင် အလွန်သိမ်မွေ့သော စိတ်ဖြစ်၏။
ရဟန္တာအရှင်မြတ်တို့က အထက်ပါနည်းအတိုင်း ရူပါဝစရပဉ္စဈာန် ကြိယာစိတ်ကို အခြေခံပြီးနောက် ဆက်လက်အားထုတ်သွားကြလျှင် အရူပါဝစရ ကြိယာစိတ်များကို ရရှိကြ၏။
အရူပါဝစရစိတ် ၁၂-ပါးလုံးပင် ပဉ္စမဈာန်စိတ်များ ဖြစ်ကြ၏။
ဒေါက်တာမင်းတင်မွန် ဗုဒ္ဓအဘိဓမ္မတရားတော် အနှစ်ချုပ်(မေတ္တာရိပ် )
မောင်ဝိဇ္ဖာ "ဗုဒ္ဓ နှင့် ဗုဒ္ဓဘာသာအကြောင်း"
ဓမ္မာစရိယဦးအေးနိုင်`ဗုဒ္ဓကျမ်းလာ နတ်ဒေ၀ါများ
ဒေါက်တာမင်းတင်မွန် ဗုဒ္ဓအဘိဓမ္မတရားတော် အနှစ်ချုပ်
အရှင်ဇနကာဘိဝံသ ကိုယ်ကျင့်အဘိဓမ္မာစာအုပ်
(ဘုံနှင့်စပ်၍ အရပ်ရပ် မှတ်ဖွယ်) ကိုအထူးကိုးကားပါသည။်
အွန်လိုင်းမှတ်စုစာအုပ်စာမျ
အရှင်သံဝရာလင်္ကာရ (ဓမ္မပိယဆရာတော်)
အရှင်ဝေဠုရိယ(ဓမ္မရိပ်ငြိမ်)
အရှင်ဇ၀န (မေတ္တာရှင်) ရွှေပြည်သာ ( အသေမြတ်ချင် သေနည်းသင်)
ပေတဝတ္ထုပါဠိ ၊ အဌကထာ (စတုမဟာရာဇ)
ဥပရပဏ္ဏသ၊ ဒေ၀ဒူတသုတ္တံ
လောကပညတ္တိကျမ်း
(ဗုဒ္ဓဝင်အဋ္ဌကထာ)
မဃဒေ၀
အာဠာဝက သုတ်
အတ္ထီတိ။ (ဥပရိပဏ္ဏာသ၊ ဋ္ဌ၊ ၁၆၄။)
http://
No comments:
Post a Comment