ပေါက္ကံ/ အရိမဒ္ဒနာ/ သီရိပစ္စယ/ တမ္ဗ၀တီ/ ပုဏ္ဏဂါမ (သို့မဟုတ်) ပုဂံ

Alin Yaung

(၃) ပေါက္ကံ/ အရိမဒ္ဒနာ/ သီရိပစ္စယ/ တမ္ဗ၀တီ/ ပုဏ္ဏဂါမ (သို့မဟုတ်) ပုဂံ
အနော်ရထာမင်းကြီးသည် သထုံပြည်က အရိယာသံဃာတော် (၁၀၀၀)တစ်ထောင်ကိုလည်း ပင့်ဆောင်၍လာသဖြင့် ပိဋကတ်ကို သင်ကြားပို့ချတော်မူသော အရိယာသံဃာတော်တစ်ထောင် ဖြစ်လေသည်။
ထိုအခါ အရိမဒ္ဒနာမည်သော ပြည်သည် အနော်ရထာမင်း၏ အာနုဘော်ကြောင့် ဘုရားရတနာ၊ တရားရတနာ၊ သံဃာရတနာတည်းဟူသော ရတနာသုံးပါးဖြင့် အလွန်စည်ကားပြည့်စုံသည်၏ အဖြစ်ကြောင့် “ပုဏ္ဏဂါမ”ဟူသောအမည် ဖြစ်လေသည်။ ထိုစကားကို ထင်ရှားစေဦးအံ့။
-ပုဂံပြည်ကို အစတည်ထောင် ဖန်ဆင်းအပ်သော သမုတိမင်းကြီးသည် “ပေါက္ကံပြည်”ဟု အမည်နာမသမုတ်လေသည်။
-ထို့နောက် ပြူစောထီးမင်းလက်ထက် ငှက်ကြီး၊ ၀က်ကြီးစသော ရန်သူကို နှိမ်နင်းဖျက်ဆီးရသောကြောင့် “အရိမဒ္ဒနာ”ဟု တွင်ပြန်လေသည်။
-ထို့နောက် သေဉ်လည်ကြောင်ကြီးမင်းလက်ထက်မှ နေရာလည်းပြောင်း၍ “သီရိပစ္စယ”ဟု အမည်သမုတ်ပြန်သည်။
-ထို့နောက် သာရမွန်ဖျားမင်းလက်ထက်မှာ နေရာလည်းပြောင်း၍ ”တမ္ဗ၀တီ”ဟု သမုတ်ပြန်သည်။
-အနော်ရထာမင်းလက်ထက်၌ ရတနာသုံးပါးတို့နှင့်ပြည့်စုံသောကြောင့် ”ပုဏ္ဏဂါမ”ဟု တွင်ပြန်လေသည်။
-နောက်ကာလ၌ ဏ္ဏ အက္ခရာတို့လည်း ကြေ၍ မ-အက္ခရာလည်း နိဂ္ဂဟိတ်ဖြစ်၍ ”ပုဂံ”ဟု ယခုတိုင် တွင်လေသည်။
၎င်းပြင် ပုဂံဟု ခေါ်ဝေါ်ရေးသားခြင်းအကြောင်း ကျောက်စာ,သမိုင်း,ရာဇ၀င်,မင်းဆက်လင်္ကာ များတွင် တွေ့ရှိရသေးသည်ကား၊ ပုဂံပြည်ကို အစတည်ထောင်ဖန်ဆင်း၍ စံနေသော သမုတိရာဇ်မင်းသည်(ပြူ)ပျူလူမျိုးဖြစ်၍ မိမိအစတည်ထောင်သော နေရာကို ပျူလူမျိုးတို့၏ အမျိုး အရိုး တန်ခိုး ထင်ရှားစေရန် ”ပျူဂါမ”ဟု အစသမုတ်အမည်ပေးသည်ဟူ၏၊ “ပျူဂါမ”မှ “ပူဂါမ”ဖြစ်၏။ “ပူဂါမ”မှ “ပုဂါမ”ဖြစ်၏။ ဤသို့လျှင် အဆင့်ဆင့် “ယပင့်”ပျောက်၊ ဒီဃပျောက်၍ ရဿရောက်ပြီးလျှင် “ပုဂါမ” “ပုဂံ”ဖြစ်ကြောင်း သိရှိရ၏။ ။ ယုတ္တိရှိတန်၏။ ပျူလူမျိုးအစတည်သော ရွာဟု ဆိုလိုသည်။
သရေခေတ္တရာမင်းဆက်လင်္ကာတွင် -
“သရေခေတ္တရာ၊ ပျက်ပြီးခါလျှင်
ပုဂါရာမ၊ နဂရ၀ယ်
သမ္မတရာဇ်၊ ပြည်သစ်စံငြား။” ဟူ၍လည်းကောင်း၊
ရာဇ၀င်ချုပ်လင်္ကာတွင် -
“ခြောက်ဆယ်သာသနာ၊ ပြည့်သောခါလျှင်
မဟာသမ္ဘ၀၊ ပျူဂါမတွင်
ခြောက်နှစ်ရွှင်မှ၊ ”ဟူ၍လည်းကောင်း အဆိုရှိ၏။ ထို့ကြောင့် “ပုဂံ”ဟူသော အမည်တွင်ခြင်းသည် လက်ဦးတည်စ သမုတိရာဇ်မင်းက စ၍ ဖြစ်လာသည်ဟု မှတ်ဖွယ်ရာရှိသေး၏။
၎င်းပြင် မဇ္ဈိမဒေသမှ ၀ိဋဋူပဘေးကြောင့် ထွက်ပြေးတိမ်းရှောင်လာသော ဘိန္နကရာဇ်မင်းကြီး အစတည်သောနေရာကိုလည်း “ပုဂံ”ဟု သမုတ်သည်ဟူ၏။
မဟာသမ္ဘ၀ အစတည်သောနေရာကိုလည်း “ပုဂါမ”ဟု သမုတ်သည်ဟူ၏။
ဘိန္နကရာဇ်မင်းကြီး လက်ဦးတည်ထောင်သောပြည်ကို ယခုအခါ “အညာပုဂံ”ခေါ်သည်ဟု မှန်နန်းရာဇ၀င်နှင့် ပလိပ်စား ဧချင်းတွင်ဆို၏။ ထို့ပြင် အတွင်းဝန်မိုင်ခိုင်းမြို့စားမင်း ရေးသားသော ရာဇ၀င်ချုပ်များမှာ ဆိုသည်။
ဤသို့လျှင် အရိမဒ္ဒနာမည်သော ပုဂံပြည်၌ အနော်ရထာမင်းသည် သာသနာကို တည်စေပြီးနောက် လေးယောက်သော စစ်သူကြီးတို့ကို သီဟိုဠ်သို့ စေလွှတ်ပြန်၍ ပိဋကတ်သုံးပုံကို ယူဆောင်စေပြီးလျှင် သီဟိုဠ်ကယူဆောင်လာသော ပိဋကတ်နှင့် သထုံကယူဆောင်လာသော ပိဋကတ်ကို ရှင်အရဟံ တိုက်ဆိုင်၍ကြည့်ရှုရာ မကွဲမပြားတစ်သားတည်း တူညီလေသည်။
သထုံကယူဆောင်လာသော ပိဋကတ်လည်း ရှင်ဗုဒ္ဓဃောသမထေရ် သီဟိုဠ်မှ ယူဆောင်လာသော ပိဋကတ်ဖြစ်၍ တူညီလေသည်။
အနော်ရထာမင်းစောသည် သာသနာတော်၏ အညစ်အကြေး ဘေးရန်ဆူးငြောင့်များကို သုတ်သင်ရှင်းလင်း၍ သာသနာတော်ကို ရှင်အရဟံမထေရ်မြတ်နှင့်တကွ ကြည့်ရှုစောင်မ၍ များစွာသော ကုသိုလ်ကောင်းမှုကို ပြုပြီးလျှင် နန်းစည်းစိမ် (၃၃)သုံးဆယ့်သုံးနှစ်တွင် နတ်ရွာစံတော်မူသည်။ ပိဋကတ်သမိုင်းတွင် စည်းစိမ် (၄၀)လေးဆယ်ဟု ဆို၏။
သာသနာသက္ကရာဇ် (၁၅၇၀)တစ်ထောင့်ငါးရာခုနှစ်ဆယ်၊ ကောဇာသက္ကရာဇ် (၃၈၈)သုံးရာရှစ်ဆယ့်ရှစ်ခုနှစ်၊ အနော်ရထာမင်း နန်းစံ(၉)ကိုးနှစ်၊ ရှင်အရဟံရောက်သည်ကစ၍ အရိမဒ္ဒနာမည်သော ပုဂံပြည်၌ သာသနာအဆက်ဆက်ပြန့်ပွားလာပြီးလျှင် အရိယာပုဂ္ဂိုလ်တို့ဖြင့် လည်းကောင်း၊ ကျမ်းဂန်တတ်ပုဂ္ဂိုလ်တို့ဖြင့်လည်းကောင်း၊ စေတီ-ပုထိုးစသော သာသနာ့အဆောက်အဦတို့ဖြင့်လည်းကောင်း ဘုရားရှင်သာသနာတော်သည် ကောင်းကင်အလယ်ချက်၌ တက်၍ထွန်းလင်းသော လပြည့်ဝန်းကြီးကဲ့သို့ ထွန်းလင်းတောက်ပ၍ ယနေ့ထက်တိုင်အောင် မြန်မာနိုင်ငံအားလုံးသို့ ပျံ့နှံ့၍ သာသနာတော်တည်ဆဲ ဖြစ်လေသည်။